Aposer 2:33 - Bro Nkifrarhu Mrokfot

³³ Jisasr bi sinyanihato hefenko muhmor. Tu Bro Nkifrarhu bro bbukeft yorhwa tirmifko mrhumor. Mrhuhato Bro Nkifrarhu Yafothat fakmort. Yakhato hrek nd Yafothat nom buganom yahutrnom nd Yafothatn thu nhombrettnom pthewunom.

Aposer 2:33 Referans Kwoze

Aposer 1:4

Wom yiha turhu aposerm yak nhafohhato kfo memorm, “Na bi yifiya niko mirahko bi kmi Jerusalemt ahtanynomt. Nann kfo memoyanko, tu Bro Nkifrarhu Yafothat afo hirahrko. Hiyafruhatrko ee btn waiswako.

Aposer 5:31

Bro Nkifrarn Yafothat thu hmbreyaknihato yura hefenrn hamuhhato turhu tirmifko htamorr. Htamotrr nmoh nrfa htiyakyukr tohwor. Rorn nom Isrernom dfa tikr hta tehakmornom. Nd fasoh fasoh nefroh mong trohhato yak thunefm rorn fak nuhasmornom.

Aposer 2:17

Kfo memor, ‘Bro Nkifrar kfo famur, “Kraisr toh hanyruha yiham nanhu Yafothat tkrurafrhotant met yindar bugam Yafothat mithu nawohhato thu dbothatruhattm tamoh tamoh nefm kto rhuyukm bi romn kfo ptharuhatmm wanyrahmm yimam. Metenm yindariyenm rom ptharahm. Damiagm rom yimam hwe tweh hanita kanjo rom hti hanyruhamn ptharahm. Bro yimam bi kunyrpam ruhetm rom nhaf tweht htihato ptharahm.

Jonr dwandfamo gutnius mrokfot 14:26

Nikmoh toh tamnouyuk Yafothar, Bro Nkifrarhu Yafothar nierahr. Nanhu yufatpno Bro Yifemr tkrurafruhatrr nierahr. Rorn nikmoh dukefm yak hta bohtaruhatrm na ptha nuhas bonuhas hnamo mrokfom dukarahkomm.

Makr dwandfamo gutnius mrokfot 16:19

Bro Nungothet Jisasr nd mrokfom kfo buganihato be Bro Nkifrar yakhato hamuhmorr hefenko. Hamuhmorrn turhu bro bbukeft yorhwa tirmifko fak htamorr.

Galesia 3:14

Bingot Bro Nkifrar bi kfo hta memor, “Abrahamr yak marnyamo kanjo yima tangim inji yak marnyaruhanm. Yak marnyahato nanhu Yafothat rompno htaruhant.” Nd dukeftpno Kraisr nohmotr to be Bro Nkifrar ndt htihato nhai namburhato yak hatohafokahrnom. Kak marnya bomarnyewurnom. Nom Jisas Kraisrhu mrokfom wany yakiohato hikneft rorhu Yafothat thu hamuhwotnom.

Aposer 10:45

Thu nawohaknimotrm wonk wonk yarmumam pthaknihato Bro Nkifrarhu yufat yura yura kfo nafhurmomt. Juda thofm Pitar hikhna-mom nd neft htimohat yima yuhum kkopentamomm. Kfo memom, “Dajohmn, yima tangim Bro Nkifrarhu Yafothar bi kekwomr.”

Matyu 28:18

Jisasr nd yimampno brbo rim tohhato kfo memorm, “Ndar mounti bbinysoft yorhwa tamoh tamohm Bro Nkifrar bi nanhu tirtn htamorm. Bi nann kakitohwanm.

Jonr dwandfamo gutnius mrokfot 14:16

Na yi shombat nanhu Yifemr kforhotanr nikmoh toh tamnouhato thu bmtayukr kforuhatrr yawihnehato be nikompno toh nkifranirahr.

1 Pita 1:21

Kraisr nohmotr tfit tu Bro Nkifrarn bi yopt ruhetr tfit kasinyamorr. Kasinyahato bro yufat hemorr. Nd mrokfom bi wanyetkomn Bro Nkifrar kakitoh-wokomr. Yakitohhato gari hasiwuko Kraisrhu nia miyakneftn. Kraisr miyakruharko hifa rhu nmbuhat yak htarahrko.

Hibru 10:12

Prism yiha yiha tarioh mtha hatohmoum. Jisasr ror nhai inji na hatohrmor. Ror rpa noht nohmohat to be nd yiharpa yima bugaroh fasoh nef bugam yakni buga hemorm rorn mhanoh bugamorm. Mhanohhato be mrhumor Bro Nkifrarhu tu bro yufa yahuka tirmifko.

Rom thofroh gontwat Porr dwandfakhato htafmot 5:5

Nd mrokfot fipett rhuraht. Bro Nkifrar nom bi hti dukamornom. Hti dukahato marbit htamornom. Marbit htahato rorhu Yafothat hemotrnom thu nawohmotnom.

Taitus 3:6

Bro Nkifrar kfo tkrurafmo yima Jisas Kraisr, nom nrfa hbhakmo yimar, rorn kfomotr nd Yafothat yawihnehato mithu nawoh hany-motnom.

Efesus 4:8

To be Kraisr inji yak nhtahato yimam inji yak hta nhombriwohat to be bro gonborngt kfiwa yuhatn Kraisr yimam inji kak hta nhombewurm. To gon-borngt kfo kangt: “Ror yura kmiko muhmohat, nd ror hikakhato yak nhafohmo yahr kmimn hamuhmor. Turn hatohakmorm. Yura mhtahato wuskam yak-morm kmi thofm fak nhtahemor.” Sng 68.18

Jonr dwandfamo gutnius mrokfot 17:5

Bro Yifeme, nda bbinysoft tafi dborha duha na ninpno tohmohat afo bro yufeta tohmoya. Na kanga arihat nd bro yufat tfit wahe-kahtna ninpno tohruha.

Jonr dwandfamo gutnius mrokfot 15:26

Nikmoh toh tamnouyuk Yafothar Bro Yifemrpno tohwor. Nd Yafothar tu Bro Yifemrpno tohhato tawisafwort tu Bro Yifemrhu rhu toheft. Bro Yifemrhu rhu toheft tawisafhato yimam kak nuhas bonuhasworm Bro Yifemrhu tu yafothet nef mifm. Na yihato tkrurafrhotanr nierahr nikompno. Nd Yafothar nieruharn nanhu nefm yo hingrneft ptha srh nuhasrahrko.

Lukr dwandfamo gutnius mrokfot 24:49

Wanukko, Bro Nkifrar kfomor turhu Yafothathu niko hanyeft. Ndnettn bi brbohwa nd Bro Nkifrarhu Yafothathu niko hanyeft. Tuha Jerusalemtn nd Yafothat rhu garikfot.”

Efesus 1:13

Niko yima tangiko to bi wanye-teko gutnius mrokfot. Nd mrokfot wanyhato hikmotkomt, Bro Nkifrar inji htihato fakmorko. Yakhato nikomi nom bi Bro Nkifrarhu yon bugayenom. Bro Nkifrar tur kfo htayuk mrokfot hikhato turhu Yafothat thu hmbremorko. Bro Nkifrarhu Yafothat hatohet yimam to be bi Bro Nkifrarhu yimayem.

Hibru 2:9

Tot wom yimarhu yufat riyorhwot. Nd yimar bbinysoft tohmohat afo mounmotroh yufatpno rorhu yufat ritohtamout. Tfit arihat nohnihato rorhu yufat mfrfnahnihato tohekwot. Nd yimar Jisaser. Nd mounmotroh yufam mfrfnahnimohat duka memor, “Afo bbinysofthu yimaroh tkitt nann yakrhoyantn nohruha. Rroh nohyuk tkitt nann yakrhotant Bro Nkifrar ndt htihato yuhuwafhato yakrahrm.” Ndnetrn Jisasr be tu bro krhopam yakhato nohmor. Nd krhopam ror yakhato nohmom, Bro Nkifrarn thu bmtamotrr ror toh bmtahato nohmor. Kto Bro Nkifrar tfit kasinyamorr. Kasinyafhato bro yufat hemorr.