Aposer 2:30 - Bro Nkifrarhu Mrokfot

³⁰ Defitr profet hingrneft tohetrn Bro Nkifrar bi kfo hta memorr, ‘Ni yakitohwa king hingrneft kto tunhu frika yuhathu yonrn nd hingrneft yakitohrahrt.’

Aposer 2:30 Referans Kwoze

2 Pita 1:21

Yo nhai wom yimamn ptharmotmm wanyrmomm. Nhai. Tu Bro Nkifrarhu Yafothat kasinyamottm nd mrokfom kfo pthamomm.

2 Timoti 2:8

Duka hanykfot Jisas Kraisr. Nd na kfo pthiwa gutniuskfot kfo kangt, nd yima Jisasrhu nia yuhat, Defit frikef yuhatn niamor. Yopt bi ruhetr tfit Bro Nkifrarn kasinyamorr.

Rom thofroh gontwat Porr dwandfakhato htafmot 1:3

Nd gutnius mrokfom turhu yonrhu kfo tndh mrokfoyem. Nd yonr tfit yima mifr kanjo miyak dborhamohat King Defitrhu frikef yuhatn mifak dborhamor.

Makr dwandfamo gutnius mrokfot 12:36

Bingot Bro Nkifrarhu Yafothatn Defitr yima yuhur hemotrr kfo memor, ‘Bror kfo memorr nanhu Bro Nungothet Kraisr, “Nanhu bro bbukeft yorhwa tirmifko wamrhun. Wamrhukahtn nd ni namburwa yahr kmim afo ninhu tirtn htahato ninhu mofsinhitn yak htaruhanm.” ’ Sng 110.1

Revelesen 19:16

Ror hmbreyuk yuke hmbresharn yo wura bohtn inji wandfamomt, “Kingroh tu Kingr yo nungothetroh tu Bro Nungothetr.”

Revelesen 17:14

Be nd kingmi yarh yemror rpat nathu hmbrihato Sifsif Yonrpno nnarahm. Nna hanyruhamn Sifsif Yonri yimam ror bi nakuyakhato rorhu yufat htahato rorpno tohwam, rom rpat sinyaruhamn yiho hathurahmm nd kingmi yarh yemror. Sifsif Yonr, rorrpar nungothetroh tu Nungotheter, yo rorrpar kingroh tu Kinger.”

Hibru 6:17

Bro Nkifrar bi kfir tamohroh naneft nhai tfit kto kfo kekutkahr. Nhai. Bi kfir tamohroh naneft to be tur kfoyuk tng yuhat kak hikwor. Abrahamr kfo memohat Abraham frikeft yak marnyaruhanm, nom to nd frikeft, nmoh dukefm duka kangm yak marnya twanhorahrnom.

Hibru 4:7

Ndnettn nd yimaroh rhu wita tkitthu nia nmbuhat dukahato Bro Nkifrar tfit wom yihar tfit dukamor rroh niayukr. Ndnetrn Defitrn mthu nawohhato kfo memorr, “Arihat mirahko nkifram hanyjbornamo kanjo tfit inji ahanyjbornanom Bro Nkifrarhu Yafothat nia kfoyuk tngt.” Sng 95.7-8 To nd Defitr kfomo tngt htihato duka kangnom Bro Nkifrar yimaroh rhu nmbuhat dukahato nd yiha tfit yihotat fak nukamort.

Hibru 3:7

Nom Bro Nkifrarhu yon kunyet. Ndnettn rorhu Yafothat niahato inji kfiwut,

Rom thofroh gontwat Porr dwandfakhato htafmot 15:12

Tfit Aisaiarn wom mrokfot kfo memor, “Kto Jesirhu frikeftn wom yimar sinyaruharn king tohrahr. Nd yimarn king tohhato kmi kmim yakitoh bugarahrm. Nd yimarn yima tangiroh dukefm yukatohrahm.” Aisaia 11.10

Aposer 1:16

“Barenko, Judasr afo nompno rpat tohhato rpat hingrnamounom. Bingot Bro Nkifrar Defitrn mthu nawohhato wom mrokfot Defitr pthamort. Nd mrokfot Bro Nkifrarhu rfa borngtn korht. Tu fipet mrokfot pthamort. Bi Judasrn nd kfomo mrokfot rhumot. Rorn yahr kmim hasinyahato Jisasr fakmomr.

Lukr dwandfamo gutnius mrokfot 24:44

Yenyihato kfo memorm, “Na nikompno toh hnamohat bi kfo memoyanko, ‘Bingot Mosesrhu boririfhut yo profetroh mrokfomn yo windohmn hta hnamom nhai be hta fura hnarmomm. Nd mrokfom fipetm rhukfot.’”

Matyu 27:35

Soldiam Jisasr yura bgre misn kihegirnihato yo tfit rorhu hmbresham yakhato pirai satumomm.

Matyu 22:43

Tfit kfo memorm, “Niko tu kfo mif kfot kfo thoft, to tamohmpno bingot Defitr tohmohat Bro Nkifrarhu Yafothat yihato Defitr yima yuhu hemotrr nd yima Kraisr Defitr futa memorr, ‘Bro Nungothetr’? Defitr kfo memor,

Hibru 1:1

Bingot Bro Nkifrar nmoh nkifram mrokfom hemoahat profetmpno pthamoatrm tfit romn kfo nuhasmoumm met yindarim. Mrokfom hemoahat bok yiham bok yuhamn pthamourm.