Aposer 2:27 - Bro Nkifrarhu Mrokfot

²⁷ Bro Nkifraye na nhai kfo miruhatn bi nohniyet yimaroh kmitn atohtwar. Nhai. Ni bi tunn kfo htayet yimar nhai kfo miruhatn yoptn amibdgnir.

Aposer 2:27 Referans Kwoze

Aposer 2:31

Nd Defitr kfo memo nhai nohniyet yimam yita tkitt yiho tohruhatr, yo nhai mikfe bdgniruhatr, nd hus mrokfo nmbuhaf nhai tur kformor. Nhai. Bro Nkifrarhu dukefm yakhato kfomor. Bbinysof thofroh minrfa htiyakyuk yimarn kfo pthamor. Nd yimarn nohruharn tfit sinyarahr.

Revelesen 1:18

Nanhu toheft to be asoya tohwa. Bi nohmoyann, to be asoya be inji toh nkifraniruha. Asoya nann noh yifhatikthu kit kakitohwant yo nann Maringourhu yiyuk kit kaki-tohwant.

Revelesen 20:13

Bro marombtn miptko hanyhato rhuyuk yimam tfit tuh takeyafmottm kot tohmom. Noheft yakyukm yo Maringour tohyukm rofhum nhaf hemotfm kot tohmom. Nd sia kingt rhuyuk yimar nd gonborngt rhuyuk rpa rpa yima yimaroh nefm htiyak hanyhato kotim hanymorm.

1 Korin 15:55

“Ni nd noh yafothaye, fitot ni nd hatonita nohefthu bbukeft? Ni nd noh yafothaye, to fitot yima wasyuk kfrat ni nd hatonitat?”

Jonr dwandfamo gutnius mrokfot 11:39

Jisasr kfo memorm, “Nd yopthu tahis wayaktakomt.” Inji kfomotr Martat, nd nohmo yimarhu mndaremt, kfo memotr, “Broye, nd yimar bi husfihus marm bi ruhetrn tahis yaktewohat yima gu mthefr fnahwor.”

Revelesen 3:7

Tfit nd yima Kraisr wompam wom mrokfot kfo memor, “Yo tfit wom mrokfom wawandfakahnm taun Filadelfiako rhuyuk sioshu mounmotr-pno wahtaftwanm. Mrokfom inji wahtatwanm: Na Bro Nkifrar tohwa kanjo inji tohwa, na nhai wom kfo nhehefenr yakitohkaha, na kfoyuk mrokfom tu kfo mif mif mrokforpam kfiwa. Nann king Defitrhu kit kakitoh-want, nann bi tfanyant nhai tfit wom yimar frkihkfot. Yo nann bi frkihant nhai tfit wom yimar tfanykfot. Nann ndar mrokfom kfefiwanko.

1 Jon 2:20

To nikom nhai nd Kraisr hti dbnotet yimam kanjo tohkahko. Nhai. Kraisrn Bro Nkifrarhu Yafothar yak-hato yiro yima yuhum htewurko. Nd Yafotharn thu nawohwatrko dborioh yima yuhur niawatr Bro Nkifrarhu tu mrokfom duka dbtak hik bohikwo-komm.

Lukr dwandfamo gutnius mrokfot 4:34

“Nasaret thof Jisase! Ni asha niaronn, nome finji naruhannom? Nmoh yak batit niaro? Hti nhtiwann ni Bro Nkifrar yak htamo yimaye.”

Lukr dwandfamo gutnius mrokfot 1:35

Tfit mounmotr kfo memort, “Bro Nkifrarhu Yafothar mithu nawohruharn, tu myorhekwarhu bbukeftpno toh hnkokn hmbriruharn, nd yonr thu hmbrirahrr. Bro Nkifrar thu hmbri-ruhatrr, to be ndnatn nd yonr yutarahmr Bro Nkifrarhu Yonr.

Makr dwandfamo gutnius mrokfot 1:24

“Nasaret thof Jisase! Ni asha niaronn, nome finji naruhannom? Nmoh yak batit niaro? Hti nhtiwann ni Bro Nkifrar yak htamo yimaye.”

Matyu 11:23

Yo niko Kaperneam thofko, kangko, ‘Ka yura mount muhrahnom?’ Nhai. Niko nndo helko riyahkonwe. Wom yimar na nikompno mirakerkfot hingrnamo kanjo Sodomt mirakerkfot ahingrnart, na kanga ka Sodomt nhai batirfott. Nhai. Rhurfot.

Aposer 4:27

Ndar kmit to nd neft bi korht. Herotr, Pontius Pailatr, yo wom yima tangim yo tu Isrerm bi rpat nathu hmbritamn kangm ninhu kfo htamo hingrna yima Jisasr awasnomr.

Aposer 3:14

Nd yimar be tu Bro Nkifrarhu yinhit tohmour. Tu hifa yufayet yimar tohmour. Nd dborioh yimar Pailatr yafho hermorko. To nhai. Nd fasoh yima wasetrn kfomotko fafuhafhemorko.

Lukr dwandfamo gutnius mrokfot 16:23

Nd maru kunyet yimar nohnihato rorhu yafothat Maringour yimot. Maringour yihato be mitasismor kahtn. Memor, ‘Kekutak auhtiya,’ Abrahamr yurak wuhtimorr. Abrahamrhu kkrekorn Lasarusr rhumor.

Lukr dwandfamo gutnius mrokfot 24:44

Yenyihato kfo memorm, “Na nikompno toh hnamohat bi kfo memoyanko, ‘Bingot Mosesrhu boririfhut yo profetroh mrokfomn yo windohmn hta hnamom nhai be hta fura hnarmomm. Nd mrokfom fipetm rhukfot.’”

Aposer 2:26

Ndnatn nanhu yima yuhur marnyewarn windoh ptha yindhorwa. Bro Nkifrar kfomo rhu marnya yihar, ndr rhu gari hasiwa.

Aposer 2:28

Wom nfri tohefthu toh yuhat to bi fak nuhasmona. Nd nfri toheft na tohneft, be tunn toh tkafrhotna na be yindhorhato tohruha.’” Sng 16.8-11