Aposer 2:17 - Bro Nkifrarhu Mrokfot

¹⁷ Kfo memor, ‘Bro Nkifrar kfo famur, “Kraisr toh hanyruha yiham nanhu Yafothat tkrurafrhotant met yindar bugam Yafothat mithu nawohhato thu dbothatruhattm tamoh tamoh nefm kto rhuyukm bi romn kfo ptharuhatmm wanyrahmm yimam. Metenm yindariyenm rom ptharahm. Damiagm rom yimam hwe tweh hanita kanjo rom hti hanyruhamn ptharahm. Bro yimam bi kunyrpam ruhetm rom nhaf tweht htihato ptharahm.

Aposer 2:17 Referans Kwoze

Aposer 10:45

Thu nawohaknimotrm wonk wonk yarmumam pthaknihato Bro Nkifrarhu yufat yura yura kfo nafhurmomt. Juda thofm Pitar hikhna-mom nd neft htimohat yima yuhum kkopentamomm. Kfo memom, “Dajohmn, yima tangim Bro Nkifrarhu Yafothar bi kekwomr.”

Jonr dwandfamo gutnius mrokfot 7:39

Nd Jisasr kfomot, ndt yimam rorhu mrokfom wany yakiohato yakruha Bro Nkifrarhu Yafothat, ndtn kfomor. Nd yiham Jisasr tafi nohhato sinya duhatrn ndnettn Bro Nkifrarhu Yafothat nhai bi yimam hermorm.

Hibru 1:2

Tfit ndar yiham turhu yon Jisasrn mrokfom yakhato kfo ptha nuhas hanitrnom. Jisasr tu Bro Nkifrarhu yonrn, ndnettn tamoh tamoh hingrnefm tamoh tamoh wuskam rorhu tirtn htamorm. Bro Nkifrarn kfomotrr Jisasr ee Jisasr wanyhato ndar bbinysoft yorhwa tamoh tamohm hingrnamorm.

1 Korin 12:28

Bro Nkifrar nndohtet nndohtet hingrnefm yakitohet met yindarim sios hta nhombramorm. Barkofm aposerm htamor. Yo tfit rompno Bro Nkifrar hayuk mrokfom kfo pthayukm htamorm. Yo tfit rompnonwe Bro Nkifrarhu mrokfo mna yuharoh kfo nuhas hik bohik marnyayuk yimam htamorm. Ee btn miraker hingrnayuk yimam htamorm. Yo dbohnefroh yak marnyayuk yimam, yo wom yimaroh hti dukayuk yimam, sios hingrnefroh yak nhtahato kfo hta bohtayuk yimam, yo nndohtet nndohtet yarmumaye kfo bruttnayuk yimam htamorm.

Lukr dwandfamo gutnius mrokfot 3:6

Ndhtet ndhtet tkitm yak marnya bomarnyahato ee nd yimaroh minrfa htiyakyukr Bro Nkifrar kfo tkruraforuhatrr, htiyakrah-komr.” Ais 40.3-5

Aposer 21:9

Rorhu yon metm husfihus yon metm. Tafi ram yak duhatm. Be inji toh furahato Bro Nkifrarhu mrokfot profetm pthamoa kanjo inji pthamoumt.

2 Pita 3:3

Jisasrhu yawihna yihar brbo rhu hanyrahr. Yimam turoh fasoh dukefmn yorhwam, nieruhamn mhaninge yukatohhato kfo mirahmko,

1 Korin 12:10

Yo tfit womr mirakerkfothu hingrnaneft kasinya hakuttr. Womr Bro Nkifrar hayuk mrokforoh kfo pthaneft kasinya hakuttr. Womr nndohtet nndohtet yafotham yimam fknihato mrokfo kfo pthiwaroh yak nhtanefthu dborioh dukefr kasinya hakuttr. Womr wom nndoh yarmumaye Bro Nkifrarpno kfo bruttnayuk yarmuma pthaneft kasinya hakuttr. Tfit wom nndoh yimarn womr kfo bruttnayuk mrokfom Bro Nkifrarhu Yafothat kasinya hakuttr tfitn kfo kekutneft.

Rom thofroh gontwat Porr dwandfakhato htafmot 5:5

Nd mrokfot fipett rhuraht. Bro Nkifrar nom bi hti dukamornom. Hti dukahato marbit htamornom. Marbit htahato rorhu Yafothat hemotrnom thu nawohmotnom.

Jonr dwandfamo gutnius mrokfot 17:2

To bi rorhu tirtn ninhu hingrneft htamont. Rorn tuhan yindariroh bro tohak yimar fak htamo. Ni hayuk yimam rorn toh nkifraniyuk yafothar kahukrm.

Jems 5:3

Nikmoh marut yak yakhato htewat riyikia dhntahato yindengtn ki hmbrirahtm. Nd yindengtn tafontn htaruhattko Bro Nkifrar htihato bro kaht htarahrko. Wuroh yihar bi brbo rhu hanyetrn to tfit nd yonmari yonmari wuss tamoh tamoht yak yakhato hta tibmon furewukomt.

Aposer 11:28

Rroh womr, Agabusr, Bro Nkifrarhu Yafothat mthu nawohmottr kfo memor, “Nda Rom thofm tohukatohwa bbinysof bugat bro yatinoh wormr tohrahr.” Nd ror kfomo mrokfot fipet mrokfot kfomor. Kto Sisa Klaudiasr king tohmo yiharn nd yatinoh wormr tohmor.

Aposer 2:16

Wahtiko marr yuhre asomif mfnahwor. Yuhre 9 kilokkfoyet. Ndhtet yihar nom nhai bmbri bupa nuwa mye fnahkahnom. Nd niko asomif htitawo neft to mirahko profet Joerr ndt ka nhai kfo pthamort. Nhai. Profet Joerr ndt bi pthangotmort.

Aposer 2:18

Nanhu hingrnefm yakitohwa tuhan yindars rom nhaf kfo ptha bugarahm.

Aposer 2:33

Jisasr bi sinyanihato hefenko muhmor. Tu Bro Nkifrarhu bro bbukeft yorhwa tirmifko mrhumor. Mrhuhato Bro Nkifrarhu Yafothat fakmort. Yakhato hrek nd Yafothat nom buganom yahutrnom nd Yafothatn thu nhombrettnom pthewunom.

Aposer 11:27

Nd yiharn Jerusalemr tohyuk wom profetm Antiokko yimom.