Aposer 16:7 - Bro Nkifrarhu Mrokfot

⁷ Be nd Bro Nkifrar kfo htafoyuk yuhat yimomn Misia thofm myau nanyor tmbhiwa tkitt mfnahmom. Mfnahhato memom, “Profins Bitiniako yiho witarahno,” to nhai, Jisasrhu Yafothat nhaf nhai marimot, “Ndko wayiho witatwako.”

Aposer 16:7 Referans Kwoze

Filipai 1:19

Nanhu yima yuhur duka kangr, niko Filipaithu Kraisr hiket yimako kfo bruttniwotkma Jisas Kraisrhu Yafothat toh natwihwota. Rot kforaht na fnahniruha.

Rom thofroh gontwat Porr dwandfakhato htafmot 8:9

Niko Rom thofko nhai tuko mhatoh fnahyuk fasoh nefm bi yak hta bohtakahmko. Nhai. Bi Bro Nkifrarhu Yafothat yaketkomn kak hta bohtewutko. Yimar Kraisr htayuk Yafothat yak duha yimar nhai Krais-rhuko tohkahr.

1 Pita 1:1

Na Pitaya. Nann Jisas Kraisr aposer hingrneft fak htamor. Ndar gontwat nann wandfakhato htefiwant. Niko Bro Nkifrarhu yufatpno bi ruhet yimako, nikompno ndar gontwat niewut. Niko frohko rpen rpen natubatunihato Pontus tohwako, niko frohko Galesiat toh-wako, Kapadosiat tohwako, Esiat tohwako o Bitiniat, nd nd profinsm tohwako, ndar gontwathu mrokfom wahtitwakomm. Nd kmim niko toh-wam womroh kmiyem. Hefenr tor, tukmoh tohyuk kmir.

Galesia 4:6

Arihat bi Bro Nkifrarhu yonko korhko. Ndnettn turhu yinemr mithu nawohmo Yafothat kfo tkrurafmotrt mithu nawohmotnom. Nd Yafothatn mithu nawohhato thu kasinyewatt-nom Bro Nkifrar kutewunomr dajar.

Aposer 8:29

Bro Nkifrarhu Yafothat yihato Filifr kfo memotr, “Nd yimarhu karispno brbo waikahnn ror ptha hanyuk mrokfom wawany yakitoh hanyswanr.”

1 Pita 1:11

Bro Nkifra-rhu Yafothat nd profetm mthu nawoh-moattm kfo memoum, “Kraisr krhopam yakrahr, nhai be rpahtet krhopam yakruhatr. Krhopam yakruharn kto tfit bro yufat yakrahr.” Kraisrhu Yafothat inji kfo nuhasmoattm, tfit nd profetm kfo ttiwon hta memoum, “To nd yimare fitoh yiha nieruhar? Tone krhopam finji finji yakruhar?”

Lukr dwandfamo gutnius mrokfot 24:49

Wanukko, Bro Nkifrar kfomor turhu Yafothathu niko hanyeft. Ndnettn bi brbohwa nd Bro Nkifrarhu Yafothathu niko hanyeft. Tuha Jerusalemtn nd Yafothat rhu garikfot.”

Aposer 16:8

Be Misiat yau hehurnihato tfit Troasko yimomwe.