Aposer 15:18 - Bro Nkifrarhu Mrokfot

¹⁸ Ndar mrokfot na pthiwat Brorhu mrokfoyet. Bingot kfo htata memor, “Nd nefm inji rhu hik hanyrahm.” ’ Amos 9.11-12

Aposer 15:18 Referans Kwoze

Efesus 3:9

Bro Nkifrar ndar bbinysoft hingrnanimohat rorhu rhu kafrohet yima yuhur nhai tafont htarmotrr yimam wany bugarmomr. Arihatn nd rorhu yima yuhur rhuyuk mrokfom nann kfomor kfo ptha htfasneft.

Efesus 1:4

Bi ndar bbinysoft tafi hingrna duha bi Bro Nkifrar kfo hta memor, Kraisrpno tir nayakitoh-ruhanomn tu Bro Nkifrar kanjo rhuhato yima yuhum wutham rhuruhamn nhai wom kspitefenm rhuruhatm. Bingot Bro Nkifrarhu yima yuhur bi nompno riruhakmor.

1 Pita 1:20

Nmoh fasoh fasoh nefm Kraisr tkitt yakhato nohneft, ndt Bro Nkifrar mounti bbinysoft tafi hingrna hta duha nd dukefr bi duka htamorr. Nda tu wuroh yihampno Kraisr niahato yima rifiny buharn suh nanyormor.

Efesus 1:11

Bro Nkifrar bi tur duka htayuk dukeft hikwarn tamoh tamoh nefm rorhu dukefrn rhu hik hanitm. Nom Judanom to nhaf bi tu Bro Nkifrarhu dukefrn memor, “Nd kmim Kraisrpno tir nayakitohruhamn Bro Nkifrarhu yon mifm rhurahm.”

Aposer 17:26

Rpa nkifrarpar hingrnamotrr rorpno yimam dborhamom. Dborhahato nda bbinysoft yifammanimomt. Yimam tohyuk yiham turn kfo htahato nda bbinysofthu tkitm fak nhta nhom-brahemorm.

2 Tesalonaika 2:13

To bar yinouroko, Nungothet Jisasr tu hti yindhor mifworko. Bingot nd nikmoh nrfa htiyakneft Bro Nkifrar bi duka htangotmort. Bi duka hta memor, “Tukanhu Yafothaye thu hmbrihato bi nanhu yufatn rhurahm. Yo nanhu mrokfot bi yakruhamtn hikrahmt.” Nd nmbuhatpno nom niko dukahato Bro Nkifrar kfo yindhorkfot.

Matyu 13:35

Ror inji be kfo nhombra kanjo mrokfom kfo pthamoahat, to bingot profetr kfomo mrokfo yuhat hik twanhomot. Profetr bingot kfo memor, “Mrokfot kfo ptha thombat, be inji yura yafuna hakuruhanm mrokfom. Nd kfo yafuna mrokfom yimam nhai wany hnarmoam.”

Revelesen 17:8

Wawanyn. Nd ni bi htitawo yarh yemror afo tohmour. Tfit ariha nd yarh yemror nhai wom tohkahr. To tfit nd yarh yemror nd kfe rawofet bro muhr htany-hato fnahnerahr. Be nd yiharne tot wuroh htite be wundiat hti hambrafrahr. To nd yarh yemror tfit wompam mfnah tany shombat, to nd yimaroh yufam toh nkifraniyuk yimaroh yufam yorhwa rfa borngt rhu duha yita yimam tfit nd yarh yemror wompam tfit hti thombat tfit bok dukefm yakrahm. Nd yimam Bro Nkifrar mounti bbinysoft tafi hingrna hta duha nd yimaroh yufam nhai rhurmom nd rfa borngtn. Rroh dukefm duka mirahm, to ndar bi nohniyet yarh yemror tone fitoh yuhatn yak dborha-naror? Bok dukefm inji yakrahm.

Revelesen 13:8

Ndar bbinysof bugathu yimam nd kmi yarh yemrorn loturahm. To fitoh fitoh yimaroh yufam korhm nd toh nkifraniyuk yimaroh yufam yorhwa rfa borngtn, nd yimarpam nhai nd kmi yarh yemrorn loturuhatm. Bro Nkifrar mounti bbinysoft tafi hingrna hta duha nd yimaroh yufam bi rhumom nd rfa borngtn. Nd yimaroh yufam yorhwa rfa borngt, to nd wasmo Sifsif Yonrhu rfa bornget.

Matyu 25:34

Yak nhtanihato nd tirmifko tohyuk tuhan yindarim kfo mirahrm, ‘Niko nhai mrokfom, nanhu Yifemrko bi fak marnya bomarnya htamort nikmoh rhu nmbuhat. Be wania furako. Waniakahkomn Yifemr kfo htayuk kingdomkfot nikomn tohrahkomt. Ndar bbinysoft trhamo yiha bi nikmoh yufampno kfo htamort.