Aposer 14:26 - Bro Nkifrarhu Mrokfot

²⁶ Ataliatn sift yaknihato tfit nd tuf hingrneft yaknimo kmi Antiokko yimof. Nd tuf hingrneft yaknimohat Bro Nkifrarhu tirtn hta-momf. Memom, “Bro Nkifrarhu tirtn htakahnomf yuhuwafruharf hingrneft hingrnarahft.” Por Barnabasrof hingrneft yaknihato hingrna habrihany mhingrna buga tanyhato tfit sift yaknihato Antiokko yimof.

Aposer 14:26 Referans Kwoze

Aposer 15:40

Porrne Sailasr fakmor. Ror yakhato rof inji yimof. Kristenm kfaf hany memomf, “Brorhu yuhuwafeft ayak hta bohta hanyswatfn.”

Aposer 11:19

Stifenr wasmo yiharn Jisasr hiket yimam fakrme tubatunimom. Wom Fonesia distrikko fakrmenimom. Womm ailan Saiprusko. Womm Antiokko. Nd nd kmimn yakrmenihato Jisasrhu mrokfot ndko kfo ptha htfasmomt. To nhaf nhai be yima fura bofurampno ptharmoamt. Nhai. Tu Judarpampno pthamoumt nd Jisasrhu mrokfot.

Kolosi 4:17

Arkipusruhet ndar mrokfo nmbuhat. “Ni Arkipuse, ni Brorpno yakmo hingrnafat mirahn amyafhoniyant. Nd hingrnafat wayakitoh marnyakahnt wahingrna marnyetwant.”

Kolosi 1:28

Ndnettn nom aposernom kmi kmiroh tuhant yindars kfo nuhas buga hanitnomm gutnius mrokfot. Nd gutnius mrokfot kfo ptha nuhas thoft, nom yakitohwa bro duka yima yuhur kfo kangnom, Bro Nkifrarhu hikneft hik marnya bomarnyakfot. Nom kangnom tu dborioh dborioh dukefm-pno nd Bro Nkifrarhu hik yuham akfo hik bohik nuhas marnyakahtnomm, mrokfom yak duka tunguna marnya-rahmm. Yak duka tungunaruhamn Kraisrpno frtkaf kihruhamn Bro Nkifrar hti marnyarahrm.

Kolosi 1:25

Bro Nkifrar niko yima tangikmoh duka nmbuhatn na sioshu hingrna yimaya fak htamora. Ndnetann na niko sios tohwa tuhan yindarikmoh hingrna yimaya tohwa. Nann nd hingrneft tohhato nann nd rim hta mhta mrokfefm frhik bohikak-hato kfo hik bohik nuhasruhanko.

2 Korin 1:12

Nanhu toh nmbuhat yo nanhu nefm nikompno tohhato niwam ridukak thombat, nanhu yima yuhur nhai finji duka yimtnakahr o duka krhokahr. Nhai. Bro Nkifrar yak hta bohtamotra nanhu toh nmbuhat be yi marnya mifmot. Nhai wom beb nmbuhat nikompno htarmoyant. Bro Nkifrar yuhuwafhato hemora ndhtet ruhefthu rhuyuk rhu dukeft. Nhai ndar bbinysofthu yimaroh rhu dukeft hikrmoya. Nd Bro Nkifrar heyuk nefmpno nikompno yo ndar bbinysofthu yimampno toh hnamoya. Ndnetann nanhu yima yuhur nhai finji duka yimtnakahr o duka krhokahr. Nhai. Nanhu yima yuhur be yindhorwor.

Aposer 11:26

Yihato mhtiyakmorr. Mhtiyakhato rpat Antiokko tfit yihato Antiokt tohyuk Jisasr hikwa yimampno rpa gunyjimr tohnhohato Jisasrhu hik yuham, ndm kfo nuhas bonuhasmoufm. Tot nd yiharn nd Jisasr hikmo yimam rifutakmomm Kristenm.

2 Timoti 4:2

Bro Nkifrarhu mrokfot wakfo ptha hanyswant. Dborioh yihar o yiha bebr, mrokfot kfo pthakfot. Yimam tamoh nefm newum kfo nyinga fnahnihato tfit hifa yima yuhurpno tfit kfo yirmoh mro-kfom hekfot.

Galesia 2:11

Kto Pitar tfit yimor Antiokko. Ndko tohhato wom neft namotr tu Pitarhu nyingahato kfo nyinga fnahmoyanr.

Aposer 15:30

Be nd Jerusalem sios kfomo yimam Jerusalemt htanyhato Antiokko yimom. Yimomn ndharhof met yindarim yak nhafohmommn nd gontwat hemomm.

Aposer 20:32

Bi Bro Nkifrarhu tirtn htiwanko. Rorhu tirt htewohat ror yuhuwafmo yuhathu mrokfot wayakitohtwakomt. Nd Bro Nkifrar yuhuwafmo yuhathu mrokfot yakitohrahkomt htirahko be toh bmtarahko. Toh bmtahato dborioh rhu nmbuhat hirahrko. Bro Nkifrar tur kfo htayuk yimam hta garita wuskam nikomn hirahr.

Aposer 15:22

Jemsr mrokfom pthanimotrm you aposerm, eldam yo nd sioshu yimam rhu rifinyhato hus yimaf fakmom Por Barnabasrofhu hik hanyukf. Fakmome Judasr, rorhu wom yufat Barsabasr. Rori ee Sailasr. Nd Jerusalem sios rofn tohakmouft. Rofpno Por Barnabasrof yimom taun Antiokko.

Aposer 14:23

Rof toh fnahmo kmim eldam fak hta hanymof. Eldam yak hta hanymohat, nuwa kurhato be kfo bruttnefrpat yakitoh-hato nd tohak yimam nd rom hikwa Brorhu tirtn hta hanymoufm.

Aposer 11:20

Rom tom rroh womm Saiprusi Sairinikor thofm. Romn nd Bro Jisasrhu mrokfot Antiokt hanyhato Antiokt tohyuk Grikm romn kfo ptha nuhasmomm.

Aposer 11:23

Yihato mhti yindhormorm rroh rhu nmbuhat Bro Nkifrar yak marnyamotrt. Mhtihato Jisasrhu yiha yiha yakitoh kihhato yafuhafo duha nmbuham, ndm rorn kfo habokknamorm.

Aposer 11:27

Nd yiharn Jerusalemr tohyuk wom profetm Antiokko yimom.

Aposer 14:19

Wom yiha Antiokti Aikoniamt tohyuk Judam taun Listrat niamom. Niahato kfo memomm, “Ndar yimaf niko be inji hagrhewukomf. Tatkfote nhitwokomf?” Nd yima yuhum hemotmm rom sinyahto Porr tahiye tahiye yebhoh boyebhoh guyakhato teh briraknimomr. Teh briraknihato kmi gnathu briyahako rim teh htany-momr. Rom memom, “Ka bi fnohr.”

Aposer 14:21

Por Barnabasrof Derbet yihato Bro Nkifrarhu mrokfom kfo pthamotfm bok met yindarim wanyhato hifa wany yindhorhato Jisasrhu hiket yimam toh hanymom. Ndha toh tanyhato tfit Listrako yimof. Listratn bi tfit Aikoniamt. Aikoniamt bi tfit Antiokt.