Aposer 13:52 - Bro Nkifrarhu Mrokfot

⁵² Nd rof htanymo kmi Antiokthu yimam, Jisasrhu mrokfom yakitohetm, rom Bro Nkifrarhu Yafothar thu nawohmotrm rom be yindhor rifhurpno toh hasomom.

Aposer 13:52 Referans Kwoze

1 Tesalonaika 1:6

Niko Bro Nkifrarhu mrokfom wany yakiohato hikmohat, bok yimam inji htihato bok krhopam hemomko. To niko nd krhopam yakmohat niko nmoh nefti Jisas Kraisrhu neft hikhato tohhato nd krhopam titamokomm. Nhai yonenm kanjo kfo nurrmoko. Bro Nkifrarhu Yafothat yima yuhum hemottko nd krhopam yindhortpno titamokomm.

Rom thofroh gontwat Porr dwandfakhato htafmot 15:13

Hifa rhu nmbuhathu yak nmbuhat bi tu Bro Nkifrarn mrokfot kfo htamort. To be nom ndtn dukahato toh gari hasiwunom. Niko nd ror kfo htamo mrokfot duka duka toh gari hasiwatko na kanga tu Bro Nkifrarhu Yafothatn hifa yindhor rifhur ahikahtrko yima yuhum mirhurahmko.

Galesia 5:22

Yimar Bro Nkifrarhu Yafothat ruhetr htirahnr: Wom yimam hti dukarahrm. Yindhor rifhurpno rhurahr. Wommpno hifa hifa nayak marnyahato rhu marnyarahr. Tamoh mrokfom wanyneft nhai be bmbri kaht kanjo wakuryakhato huttakniruhatr. Hifa hifa yima yuhur womm hmbrerahrm. Wom yimam yak marnya bomar-nyarahrm. Rorhu wiyauyau nmbuhat hifa yau marnyahato kmi thofroh dukefm rorrpar bro dukeft htarahm.

Aposer 4:31

Inji kfo bruttna hanymom, nd rom rhumo kunys memom nndo nunes kekwott. Bro Nkifrarhu Yafothat thu nhombra bugamottm rom tohhato pthamohat mrokfom nhai yakrmehato ptharmomm mrokfom.

2 Korin 8:2

Rom tu bro krhopam fakmom. Nd yiha be inji marufen yeshriyen duha toh furatamom. To rroh toh nmbuhat inji tohmohat nhai duka marimom, “Nom rhu bebwanomn to fitha maruham yakhato wom Kristenm hiruhanom?” Nhai inji dukarmom. Bro Nkifrar yindhor yima yuhum hemotrm marut yindhortpno yindhort-pno yak yakmomt Kristenroh yufatpno hta rmonmomt.

Rom thofroh gontwat Porr dwandfakhato htafmot 5:3

Nmoh dukefm inji yorhwatm btn tamoh tamoh nefm ndar bbinysofthum, nhai nom bmbri wohsisaknikfot. Nom be yindhorhato toh bmtakfot. Krhopam yakhany yak-hany be toh bmtarahnom.

Aposer 2:4

Nd kunyr rifinymo yimam Bro Nkifrarhu Yafothat thu kasinya hanymottm kmi kmiroh yarmumat ptha bugamomt.

Matyu 5:12

Nikmoh yufathu wuskam tamoh tamohm bi hefenr rhu garitmko. Nd nefm niko yekwam, bi nikmoh nyingako toh hnamo profetm to inji nahnamoumm.”

1 Pita 4:13

Jisasrhu yufatpno yi tohwatko nd krho mis titewuko Kraisr krho mis titamo kanjo. Ndnettn krho mis titewohat be yindhortpno titahato warhutwako. Kto Jisasr turhu bro nukeft mihatohhato tuhant yindars htiruha yiha, nd yiha niko be tu bro yindhoreftpno tohrahko.

Jems 1:2

Yinouroko, be kfo nuhaswanko, tamoh tamoh krhopam kekwomko, mirahko aduka krhonom. Be yindhor yima yuhumpno rhukfot.

Rom thofroh gontwat Porr dwandfakhato htafmot 14:17

Yimam Bro Nkifrarhu kingdomkfot tohetm nhai nd yemro ye hik yuham o bupa ye hik yuham dukakahm. Nhai. Bro Nkifrarhu kingdomkfot tohet yimam htirahnm dborioh yima yuhumpno rhurahm. Yo noh hmbre yima yuhumpno rhurahm. Yo be Bro Nkifrarhu Yafothathu yindhorefrparpno rhurahm.

Aposer 5:41

Be fnahnimom. Fnahnimohat nhai wommpno yihato rim kfo nur marimom, “O nom nd yimam ftatmnom.” Nhai. Rom to be yindhor yima yuhurpno yihato kfo memom, “Nhai mrokfom. Nom Jisasrhu mrokfom kmi thofm kfo ptha nuhaswatnom tatwomnom, nhai mrokfom.”

Aposer 2:46

Yiha yiha Bro Nkifrarhu temperr yi rifinyneft rom rpat yihato rifinymoum. Nuwa yanyeft nhaf, wom yiha womrhu kunys famoamn tfit wom yiha womrhu kunys yi famoum. Tum rpat ptha yindhorhato niyak marnyahato rpat nuwa famoum.

Aposer 11:29

Nd yatinoh wormrhu mrokfot wanyhato Antiokt tohmo Kristenm Judat tohyuk Kristenm dukamom wom maruharoh yak nhafohhato htaf hanyeft. Yima yima turoh marut hti nhombrahato hta nhafohhemomm. Womm bok maruhetm bro maruham hta hanyhemomm. Womm nd dfik maruhetm dfikm hta hanyhemomm.