Aposer 13:29 - Bro Nkifrarhu Mrokfot

²⁹ Profetm kfomo mrokfom rhu hik bugamom. Nhai wom neft profetm kfoyukt rim tohtarmot. Kto yuht bgre miyetr yak kasuhak-momn thatipt yaknihato tahi muhtn rihtamomt.

Aposer 13:29 Referans Kwoze

Lukr dwandfamo gutnius mrokfot 23:53

Be inji kfafmotrr yimorn Jisasr yura bgre misn hiretrn yuht bgre miyetr fak kasuhakmorr. Yak kasuhhato yimar yak tundakmorr nndo rim htamorr. Rim htahato ganyom rmonthaye rir hmbremorr. Rir hmbrenihato hanymorr. Hanyhato wom tahi muhtn rihtamorr. Nd Jisasr htamo tahi muht be tu nfri mift htamorr. Tafi wom yima gu hta duha tahi muht htamorr.

Jonr dwandfamo gutnius mrokfot 19:30

Jisasr nd wain bupam yenyi hanymorn wuroht kfoni memor, “Be bibe.” Be inji kfonihato mfhat yohnemotrn mfaknimor.

Jonr dwandfamo gutnius mrokfot 19:28

Jisasr ndar bbinysoft niahato hingrna hnayuk hingrnefm mdukakhato duka hna duka hnamormn duka memor, “Nd na niahato hingrnayuk hingrnefm bi hingrna buga twanho-moyanm. Bi be nanhu hingrnefm.” Inji kfonihato kfo memor, “Bupa knewa.” To nd ror kfomo mrokfot nhai be kfo furarmort. Bi nkiframpno kfo htamo mrokfot to be tfit kfo hik mifmort.

1 Korin 15:4

Nohmotr, yakhato tahi muht htamomr. Husfirpa marm tahi muht rhuhato tfit sinyamor. Bro Nkifrarhu rfa borngt to inji kfo tndhmott.

Aposer 5:30

Niko to bi yura bgre misn Jisasr tuhegirmotkomr yura bgre misn mfaknimor. Hifa nmoh nkifram yakitohmoa Nkifrarn Yafothat thu hmbremotrr tfit mfenyjwomor.

Lukr dwandfamo gutnius mrokfot 24:44

Yenyihato kfo memorm, “Na nikompno toh hnamohat bi kfo memoyanko, ‘Bingot Mosesrhu boririfhut yo profetroh mrokfomn yo windohmn hta hnamom nhai be hta fura hnarmomm. Nd mrokfom fipetm rhukfot.’”

Aposer 13:27

Jerusalemt tohmo yimam yo rroh tohak yimam profetroh mrokfom yiha yiha Sabat yihato rhuhato wanymoumm. To nhai marimom, ‘Jisasr nmoh nrfa htiyakyuk yimar nier.’ Kotkfot tohmohat htimomr nhai wom neft narmor, btn nd neftn htihato waskfot. Nhai. Yimamn Pailatr kfo tkrur kfo tkrurmotmr be Pailatr rroh tng yuhatn hikhato be bgre misn tuhegir furahato nohmor. Ndnetmn nd profet-roh mrokfom gonborngtn rhuhnamom fipetm rhumom.

Aposer 4:28

To ninhu bbukeftpno bingot kfo hta mrokfot to tot inji ruhaknitatn be was mifrahmr.

Aposer 2:23

Nd yimar niamohat nikmoh tirmn htamorr. Bi turhu dukeftpno inji htamorr. Rorhu dukeft duka memor, ‘Rompno toh hasoruharn fasoh nefm nayet yimamn htaruhatmr nohrahr.’ To bi htamokomr.

Makr dwandfamo gutnius mrokfot 15:42

Judaroh taun Arimateathu wom yimar tohmour. Rorhu yufat Josefr. Juda kaunserkfot rorn nd kaunserkfot hingrna tohnhomourm. Bok met yindarim rorhu nefm hifa hti wofnmoumm. Rorhu dukeft duka memour, “Bro Nkifrarhu kingdomkfot afo nanhu nyingaye afo htiruha!” Nd dukeftpno tohmour. Nd Fraide yihar, bi tu Judaroh bro rhu krna Sabat yihar bi rhu yibon hanymomr. Sarere yihar nd rhu krna yihar rhumoumr. Ndnetrn krifnano Jisasr bi nohetrn nhai wofnrmor Jisasrhu tfkhat wom rhukfot. Pailatrpno yimorn mtohhato ttiwonmor Jisasrhu thatipthu yakni yopneft. Nhai yakrmi hanyhato yi mttiwonrmorr.

Lukr dwandfamo gutnius mrokfot 23:50

Judaroh taun Arimateathu wom yimar tohmour. Rorhu yufat Josefr. Ror be dborioh yimar, ror nhai wom tamoh tamoh nefm. Juda kaunserkfot rorn nd kaunserkfot hingrna tohnho-mourm.

Aposer 26:22

Bro Nkifrar toh tkaf hnamora, nhai yafho thurmora. Yakitoh hnamotra na tohhato na href asha tohhato mrokfom pthiwotanm yima furam, yufet yimam rpat wanukwomm nanhu mrokfom. Na pthiwa mrokfom nhai wom fitoh mrokfom pthakaha, bi nd nkiframpno profetm ptha htayuk mrokfom yo Mosesr ptha htayuk mrokfom ndm pthiwa.