Aposer 13:1 - Bro Nkifrarhu Mrokfot

¹ Antiok tohmo sios, rroh womm profet hingrneft kakitohmoum. Wommn Bro Nkifrarhu mrokfot kmi thofm kfo hta bohta nuhasmoumm. Nd hus bro hingrneff yakitohmoa yimaroh yufam Barnabasr, Simeonr wom yufat futamoumr Niger yo Sairini korhof yima Lusiusr yo Manainr, gafana Herotrpno myewarho fnahmo yimar ee womr Sorr.

Aposer 13:1 Referans Kwoze

Aposer 4:36

Ndha tohmour wom yimar. Rorhu yufat Josefr. Aposermn tfit wom yufat futamomr Barnabasr. Nd Barnabas yufathu yimbu yuhate, “Yima kfo bmta marnyetr.” Barnabasr, Saiprus tohmoa Lifai tangishofer.

Aposer 15:35

Por Barnabasrof tuha Antiokt toh hatoh-hato tuha Antiokthu yimampno Brorhu gutniuskfot kfo nuhas bonuhasmofm.

Galesia 2:9

Sios hingrneft, met yindarim htimoahat htimoum Jemsri, Pitare, Jonr, romn bromoumt sios hingrneft. Nd bro yimam nanhu hingrnefthu mrokfom wanymohat memom, “Be tu Bro Nkifrar yuhuwafhato nd aposer hingrneft fak htamorr.” Be nd yiha rifakitohakmomno Barnabasrpno. Riyakitohakhato hingrna yuham nafak nhtamonomm. Nonn yima tangimpno aposer hingrneft fakitoh-mono. Romn tu Judampno.

Aposer 13:9

Be Sorr, wom yufat Porr, Bro Nkifrarhu Yafothat thu bmtaknimottr nd Elimasr yukatohhato kfo memorr,

Efesus 4:11

Rorrparn ndar bbinysofthu yimam hingrna yafothar yo mrokfo ptha yafothar o tamoh tamoh nefm hi hanitrm. Womm aposer hingrnefthu hingrna yafothat hi hanitrm, womm profet hingrneft hingrnayuk hingrna yafothar hi hanitrm, womm gutnius mrokfothu ptha htfasyuk mrokfo rifhur hi hanitrm, wommne pasto hingrnefthu hingrnayuk hingrna yafothar hihato nd hingrneft tohhato Bro Nkifrarhu rfa borngt kfiwa mrokfefm kfo hta bohtewumm.

Aposer 15:32

Judas Sailasrof profet hingrneft yakitohetfn Antiok thofmpno afo tohmofn kfo bmta mrokfom hemofm.

Lukr dwandfamo gutnius mrokfot 3:1

Jon baftaisr Bro Nkifrarhu mrokfom yakhato pthamoa yihart, nd yihar Taiberius Sisar, Romroh gafmanr tohmour. Toh yukatoh hanymorn, namba fiftinyuk gunyjimrpno Pontius Pailatr, Judiaroh gafanar tohmor. Herotrn Galilikort, rorhu najom Filifrn Ituriakorti Trakonitiskort, Lisaniasrne Abilenekort.

Filipai 4:22

Yo asharhof bro yima Sisarhu kunys hingrniwa Bro Nkifrar hiket yimam nhaf nikompno kfo yindhor mrokfom htefiwumm.

Galesia 2:13

Wom Judam nd tuha Antiok tohyukm, nd Pitar yimo yimbuyef duha yuharpatn hik bugamom. Barnabasr, ror nhaf nd yuharpat yimor.

1 Korin 9:6

Ka no Barnabasetno nonrpanonn wom maruha hingrnefenm hingrnakfot? Ka nhai womm nikmoh tirm rhuwa kanjo no nikmoh tirmn rhukfot?

Rom thofroh gontwat Porr dwandfakhato htafmot 16:21

Nanpno hingrnewa yima Timotir kfo yindhorkfot kahukrko. Yo wom husfirpa yimam, Lusius, Jeson, Sosipater yimandountn wom kfo yindhorkfot kahukmko. Romi na rpa kantriko niayukenom.

Aposer 21:9

Rorhu yon metm husfihus yon metm. Tafi ram yak duhatm. Be inji toh furahato Bro Nkifrarhu mrokfot profetm pthamoa kanjo inji pthamoumt.

Aposer 19:6

Porr mfham tir htamotrm Bro Nkifrarhu Yafothat mithu nawohmotm. Bro Nkifrarhu Yafothat mithu nawohmottm nd yimam tfit nfri nfri yarmumat ptha hanymom. Bro Nkifrar mrokfo ptha rifhur hi hanymoatrm turhu mrokfot kfo ptha nuhas bonuhasmoumm wom yimam.

Aposer 11:30

Hta nhombra buganihato Barnabas Sorrof hemotm rofn hanyhato Jerusalemt tohyuk sioshu bro yimaroh tirmn mhtamofm.

1 Tesalonaika 5:20

Bro Nkifrarhu Yafothat wom yimam thu dbothathato wom mrokfom kfo pthewumm, niko mirahko rom pthayuk mrokfom wany-hato akfo amanyom, “Ndr tur ptha mmbrafinywor. Frohm wanyruhamr?”

Aposer 12:25

Barnabas Sorrof Jerusalemthu hingrnefm hingrna buga tanyhato Jon Makr yaknihato rpat Antiokko yimom.

Aposer 9:1

Sorr nhai ttifarmor Jisasrhu disaiperroh yak bebneft. Ror hatoh hnamo neft to be fakitoh hany swanhomort.

Matyu 27:32

Kmi rim fnahnitn soldiam htiyakmomr Sairini thofr. Rorhu yufat Saimonr. Ror yakmomn nd Jisasr tita hanymo bgre mis rorn tfit wathu titafmom. Rorn titanhota hanymorr.

1 Korin 11:4

Ndtn kanga akfo nuhasanko. Wom yimar kangr mfhat kasihato bro lotu swirm kfo bruttnayan o wom mrokfom Bro Nkifrar hayukm kangr nd kongrigesenkfot akfo nuhasanm, nd yimar be tur tfit kak yimtnewur. Metroh mfha kasiyeft tfit kak hikwor. Metroh nefrpayet mfha kasihato lotu swirm kfo bruttnakfot o Bro Nkifrar hayuk mrokfom kfo nuhaskfot nd kongrigesenkfot.

1 Korin 13:2

Yo na tohhato Bro Nkifrar hayuk mrokfom akfo pthayanm o Bro Nkifrarhu kafrohet kafrohet yima yuhum bi nann aharuhanm o rorhu mrokfo yimbu yuham akfo hik bohikanm o nanhu yima yuhur Bro Nkifrarpar rhuhato rorhu yufat yutahato kminysoft kfo tkrurhato nndo arim toht, rom nd nefm mrokfo duhatem, tmift nanhu tu yiro yima yuhurio nhai wom yima fura bofuram htihato yak marnya bomarnyakahanm, na tu be yima furapaya.

1 Korin 13:8

Nd wom yima furaroh marbithu htaneft be inji rhu yakitoh hanyraht. Nhai minohniruhatt. Nd yimam sinyahato Bro Nkifrar hayuk mrokforoh kfo pthaneft minohniraht. Nhai wom rhuruhatt. Yo nd nndoh nndoh yarmumaye Bro Nkifrar kfo bruttnaneft minohniraht. Nhai tfit wom nndoh nndoh yarmumaye kfo bruttnaruhatmm. Yo nd Bro Nkifrarhu mrokforoh pthayuk bro riduka aduka yima yuhum, ndm nhaf nhai tfit yimam wom yak hanyruhatmm. Kto Bro Nkifrar nmoh rhu nmbuhat yak marnya bomarnyani thombat, nd nd nefm nhai wom rhuruhatm.

1 Korin 14:29

Yo Bro Nkifrarpno mrokfo yakyuk yimam kfo pthaneft hus yimaf o husfirpa yimarpam mrokfom kfo pthakfot. Womm be rhuhato nd rom kfo pthayuk mrokfom wanyhato yak nhtakfot.

1 Korin 14:32

Bro Nkifrar nhai mekahr mrokfom rpatn nathu mrkaknihato tfit womroh yima yuhum myak mmotarahmm. Nhai. Kangr mrokfo kfo pthaneft rpa rpa kfo pthahato rpa yima yuhur rhurahnom. Ndnettn yimam Bro Nkifrarpno mrokfom yakhato mrokfo kfo ptharahm, nhai be rpat sinyahato mrokfom thu mrkaknikfot. Rpa rpa sinyahato mrokfom kfo pthakfot. Bro Nkifrarhu yimaroh lotu rifiny swir bugam metm sinyahato mrokfom kfo ptha duha. Mosesr kfo boririfhumo mrokfot hikhato metm rom be yindariroh yinhitn rhukfot.