Aposer 11:23 - Bro Nkifrarhu Mrokfot

²³ Yihato mhti yindhormorm rroh rhu nmbuhat Bro Nkifrar yak marnyamotrt. Mhtihato Jisasrhu yiha yiha yakitoh kihhato yafuhafo duha nmbuham, ndm rorn kfo habokknamorm.

Aposer 11:23 Referans Kwoze

1 Korin 15:58

Ndnettn bar yinouroko, niko toh bmtakfot. Mirahko tamoh tamoh nefenm awohsisnom. Wadukako, nd niko Brorhu hingrneft hingrnewat nhai yi furaruhatt. Ndnettn yiha yiha Brorhu hingrneft hingrnakfot.

Aposer 14:22

Nd nd kmim toh fnahhato Jisasr hikmo yimam kfo bmta hany-mofm. Kfo hany memofm, “Niko nda Bro Nkifrarhu mrokfot yakitohwat mirahko tfit yafhonomt. Yakitoh bmtakfot. Kangnom kto Bro Nkifrar kingdomkfot ainyom nhai be toh yindhor hasohato nd kmit yikfot. Nhai. Nd kmit yinyeft muh wohne fnahhato krhopetet. Krhopam yakfnah ee kto nd kmit mrhukfot.”

Aposer 13:43

Kfo ptha dukafmotmf fnahni hanymof asha yonmari Juda rifhur yo nd yima fura bofurat Judaroh nefm hiketm fau hik hanymomf. Kfo memofm, “Nikmoh rhu toh nmbuham Bro Nkifrar yak htayuk dukefrpar hikkfot.”

1 Jon 2:28

Yo nanhu yonenko, nikom Kraisrpno brbo mfrtkafkfot. Inji naneft rorhu fnahnayuk yihar nom nhai yimtnakhato tpikr yihom nahmbri-ruhatnom. Nhai. Nom be bro yindho-rpampno tafont tohhato htiyakrahnomr. Nhai yimtnayefmpno toh htiyak-ruhatnomr.

2 Timoti 3:10

To ni Timotin, ni bi nanpno toh hnehato na kfo hta nuhasyuk mrokfom bi fakmonm. Nanhu yau nmbuham, yo nanhu riduka aduka yima yuhur bi fakmonr. Yo Bro Nkifrar hikhato rorpno frtkafhato wom Kristenmpno rpat tohhato nayak marnyamoahat, ndm hti bugamonm. Na Antiok, Aikoniam, Listra nd nd kmim toh hnehato yimam yak beb-moahat htimona. Yo nd na titamoa yonmari yonmari krhopam ni hti buga bobugamonm. To finji htimona? Yakrmehato hingrneft mfak htani-moyant? Nhai. Na tohhato mrokfot kfo pthamoant. Nd yimam hemoa krhopam, tu Bro Nkifrar toh rafohato fak thumourm.

Kolosi 1:6

Yimam nd gutnius mrokfot kmi kmi kfo ptha htfasmotmt niko wanyhato rihikakmokomt. Rihikak-motkomt Bro Nkifrar inji htihato fak marnyamorko. Tfit tukomn Bro Nkifrarhu yimam yak marnyewa nmbuhat mhtiyakhato duka memoko, “Dajohmn, gutnius mrokfot tu fipetet.” Nd gutnius mrokfot be bi kmi kmi kitt. Nhai wom kmit rim tohtakaht. Be bi kmi kmi yitatt tuhan yindars wany hanitamn yima yuhum kak kebokt hanitmm nikmoh yima yuhum yak keboktmo kanjo.

Aposer 20:24

Na nhai nanhu toh nmbuhatn bro dukeft mdukakkaha. Nhai. Nanhu dukeft kanga nd Bro Nkifrar hayuk hingrneft afo amhingrnafo bugayant. Bro Nkifrar yimam yuhuwafmo nmbuhat kanga afo kfo nuhas bonuhas bugayanm kmi kmim.

3 Jon 1:4

Nanhu yonm tu Bro Nkifrarhu mrokfo hikneftn wanyshoft nanhu yima yuhur yindhor-wora.

Aposer 14:26

Ataliatn sift yaknihato tfit nd tuf hingrneft yaknimo kmi Antiokko yimof. Nd tuf hingrneft yaknimohat Bro Nkifrarhu tirtn hta-momf. Memom, “Bro Nkifrarhu tirtn htakahnomf yuhuwafruharf hingrneft hingrnarahft.” Por Barnabasrof hingrneft yaknihato hingrna habrihany mhingrna buga tanyhato tfit sift yaknihato Antiokko yimof.

Jonr dwandfamo gutnius mrokfot 15:4

Ndnettn nanpno niko frtkafhato na nikompno frtkafruha. Nhai wom wain tofthu yuhtam mmem toftpno nadodru duhatm yukha hir furakahm. Nhai. To inji kanjo niko nanpno frtkaf duha yirahko be nhai yukha hirruhatko. Nanpno frtkafrahko ee btn yukha hirrahko.

Matyu 16:24

Be inji kfonihato kfo memorm, “Wom yimar kangr, na ahik hneya, mirahr tur amdukak hanya. Nd dukefr mong trohhato rorhu bgre mis titahato na hikkfot.

2 Korin 1:17

To nhai, na nhai Korinko niarmoya. Tone finji dukewako? Ka duka kangko ka be nomn frnhehmor? Kangko ka na nda bbinysoft tohwa yimam kanjo hus yima yuhetann mrokfom kfonihato tfit kto kfo kekutwanm? Nhai mif.

Aposer 20:32

Bi Bro Nkifrarhu tirtn htiwanko. Rorhu tirt htewohat ror yuhuwafmo yuhathu mrokfot wayakitohtwakomt. Nd Bro Nkifrar yuhuwafmo yuhathu mrokfot yakitohrahkomt htirahko be toh bmtarahko. Toh bmtahato dborioh rhu nmbuhat hirahrko. Bro Nkifrar tur kfo htayuk yimam hta garita wuskam nikomn hirahr.

Aposer 15:40

Porrne Sailasr fakmor. Ror yakhato rof inji yimof. Kristenm kfaf hany memomf, “Brorhu yuhuwafeft ayak hta bohta hanyswatfn.”

Makr dwandfamo gutnius mrokfot 2:5

Nd yimar hany rim htamohat rroh dukefm duka memom, “Jisasr yima yak marnyeter. Nda minysafet yimar ror kforahr be marnyanirahr. Nhai tfit nd minysaf rifhut rhuruhattr.” Be Jisasr rroh yima yuhum inji htihato kfo memorr nd yimar, “Bar yinowe, ninhu fasoh nefm bi fak tuhahuyann.”

Aposer 4:36

Ndha tohmour wom yimar. Rorhu yufat Josefr. Aposermn tfit wom yufat futamomr Barnabasr. Nd Barnabas yufathu yimbu yuhate, “Yima kfo bmta marnyetr.” Barnabasr, Saiprus tohmoa Lifai tangishofer.

Rom thofroh gontwat Porr dwandfakhato htafmot 12:8

O ni womnn wom Kristen-roh kfo bmta mrokfo hanyeft ni hifa tafs marnyewunt, to be ninn nd hingrneft hingrna hanykfot. O ni womn wom Kristenroh tamoh tamoh hanyeft kakitohwont, to be nd yima he wiforneft yakitoh hanykfot. O ni womn Bro Nkifrar hikwa yimaroh tohak yimam hingrnefthu hingrna yuham hingrna tafs marnyewunm, ni nd hingrneft yakitoh marnyakfot. O ni womn yima yak marnya fura bofurayete, to be ni nd neft yindhorhato nd neft yakitoh hanykfot.

2 Korin 6:1

Nom Bro Nkifrar tohnhohato hingrneft yakitohnuhiwanom, bro mrokfot kfiwunomko. Kraisr nohmo yuhatn niko Bro Nkifrar yuhuwafmorko. To tfit mirahko hus dohfn atohnom.

1 Pita 5:12

Sailasrhu tire ndar gontwat yorhwa mrokfom wandfahemora. Sailasr nanpno tu brbo toh tamnouwa yimayer. Kanga akfo duka tunguna marnyayanko. Mirahko ndar gontwat yorhwa mrokfom ka fura mrokfoyem. Bro Nkifrar yak marnya mifrahrko. Mrokfom yakitoh kihhato toh bmtakfot.

Jutr dwandfamo gontwat 1:4

Bi htitwa tom bi wom yimam niko Kristenkompno nia toh tebfi botebfinuhiwumko. Niko nhai yakkahkomm rroh yima yuhum. Nd yimam nhai Bro Nkifrarhu tng yuhatn rroh mrokfom hikkahm. Nhai. Rom tfit nndo kfo kekutwomt Bro Nkifrarhu mrokfot. Rroh wom mrokfot kfo kangm, “Nmoh fasoh fasoh nefm bi Bro Nkifrar fak thumorm. Kangnom tfit fasoh fasoh nefm ananom, nhai mrokfom. Bro Nkifrar nhai finji kforuhatr.” Inji kfet yimam be kangm, turoh yima yuhum wagrha sinyakyuk yima yuhum ahiknom. Nmoh Najom Jisas Kraisr wahti tanykahmr, mong troh bugewumr. Nd yimam mrokfot tohhato kaht riyahm. Bro Nkifrarhu mrokfot bi inji kfongotmott.