1 Timoti 4:5 - Bro Nkifrarhu Mrokfot

⁵ Bro Nkifrar bi kfo memor, “Nd nd yeshrim wayetwako.” To nhai nom kfo kurkfot. Nom nd yeshrim kfo bruttnanihato yenyeft, nhai mrokfom.

1 Timoti 4:5 Referans Kwoze

1 Timoti 4:3

Ndhtet yimam kfo ptha kangm tuhan yakneft ndt fasohet, yo mur yeshrt ye fura bofuraneft ndt fasohet. To nd yemrote be tum dborha furamom? Na kanga nmoh yeyukmn Bro Nkifrar hingrna htamorm. Yimam bi Bro Nkifrar hikhato rorhu tu yafothet mrokfot yakitohetm kfo bruttnahato yanyeft nhai mrokfom.

1 Korin 7:14

Kristen yimarhu toh nmbuhat hifa nd Bro Nkifrar hik duha mettpno rpat nafrtkaf marnyahato rpat tohwof, nd sawohf Bro Nkifrar hifa hti yindhorhato nd Kristen yimarhu mett Bro Nkifrar kukatohaf hanitrt. Kristen mett nhaf inji. Nd Bro Nkifrar hik duha yimarpno hifa rpat nafrtkafhato tohwof, Bro Nkifrar hifa hti yindhorhato rothu ramemr Bro Nkifrar kukatohaf hanitrr. Ndnettn nd sawohfhu yonm Bro Nkifrar nhai hti marsisakfot. Tur hiket tuhan yindarim kanjo rorhu tirtn korhm.

Lukr dwandfamo gutnius mrokfot 4:4

Tfit Jisasr kfo memorr, “Bro NKifrarhu gonborngt kfo kangt, ‘Nhai wom yimar nuwarpat yehato toh wonakrmor.’”

Taitus 1:15

Yimam Bro Nkifrarpno bi rim tohniyetm, rroh yima yuhum bi wuthamn tamoh tamoh hnaru yeshrim be ke fura bofurewumm. Yimam fasoh fasoh nefm tohhato tafi Bro Nkifrarpno rim tohnihato Kraisr rroh yima yuhum yak wus bowus duham, nd yimam kakrmitm tamoh tamoh yeshrim ye fura bofuraneft. Yo tamoh tamoh nefm nhai mhtiyak hany mikahm art fasoh nefet o art dborioh nefet. Nhai inji mhtiyak hanykahm. Tamoh tamoh nefm rom be na fura bofurewum. Nhai yimtna hanykahm.

Lukr dwandfamo gutnius mrokfot 11:41

Wom yima bebr o met bebt wuskapa duhattn hti yuhuwafhato hirahnt, ee btn Bro Nkifrar hti yindhorrahrn.

Hibru 11:3

Nom Bro Nkifrar kfoyuk mrokfom nmoh yima yuhum yakitoh tkafwanomn duka kangnom, “Mounti bbinysoft nhai womm kformotm trharmof. Nhai. Bro Nkifrarn kfomotr trhamof. Ndar bbinysofthu wuskam nom htitam nhai wom shrm yakhato hingrna nhombraf hanyhato trharmom. Nhai. Be tnge pthamotr turoh fijo trha nhombra hanymom. Bingot nhai wom tamohm rhurmotm btn ndm yakhato hingrna nhombraf hanyrmorm.”