1 Timoti 3:7 - Bro Nkifrarhu Mrokfot

⁷ Mrokfo hatoh hna duha yimar nd hingrneft yakneft, nhai mrokfom. Ndhtet yimar yakettn to be nhai Satanrhu rugitn fkniruhatr riruh aruhyuk yimam mrokfo bebm turuhatmm.

1 Timoti 3:7 Referans Kwoze

2 Korin 8:21

Nmoh bro dukeft duka kangnom nom hingrnayuk hingrneft mfrfnah marnyakfot. Nhai be Brorhu nyinga-rpampno hingrneft yi marnyakfot. Nhai. Met yindarimpno nom hingrnayuk hingrnefm yi marnyakfot.

2 Timoti 2:26

Afo Satanr yakmormn rorn uhatone ahato-nemoatrm nd dborioh duka yima yuhur afo frfnahnimor. Yima yuhum yak kekuthato ee ndnatn nyingam yoh dborharuhatmm Bro Nkifrarhu mrokfot hti hikruhamtn tfit dborioh yima yuhum nierahmm.

Kolosi 4:5

Kristennom tohwa tkitm tom Jisasrhu mrokfom hik duha yimam tom rpat tohwonom, ndnettn nikmoh tamoh mrokfo pthanefm ptha marnya-kfot o toh nmbuham be dborioh dukefmpno toh marnyakfot. Nd Jisasr hik duha yimam nikmoh pthefm o toh nmbuham mhtiyakruhamn Jisasr mhikaknirahmr.

1 Timoti 6:9

Yimam mfro maruti wusshu yak dukefr mfro rhuneft, bok dukefm kekwomm. Bok wuskaroh yak dukefr yekwatrm be tumn fasoh tkitt htewum.

1 Tesalonaika 4:12

Inji narahko nhai wom tamohm yak kkopentaruhatko. Wom riruh aruhyukm niko yiha yiha rhu hasoyuk rhu nmbuhat hti hikruhamtn kfo yindhor-rahmt nikmoh rhu nmbuhat.

2 Korin 6:3

Nom nhai wofnkahnom nom ndar hingrneft tohhato nomn wom fasoh nefm nahato o wom mrokfo bebm tuhato tfit yimam ndm htihaton o wanyhato tfit ginyetm kanjo mongthur mongthur yikfot. Nhai.

1 Korin 10:32

Tamoh tamoh nefm naneft afo mdukakkfot, wom Juda thofr tohhany nom nd neft na thombat finji dukaruhar o Grik thofr tohhany o sioshu wom yimar o mett tohhany nom nd nefm nanefm finji dukaruham? Ndhtet dukefm afo dukakfot. Mirahko wom tamoh nefm ana nhehkahtnomm womm nd nefm nahato asuhm.

Aposer 6:3

Ndnatn nom kangnom 7-pela yimam wayakko. Wayakkahtko romn nd hingrneft yakitohrahm. Tuko hti hanyhato fitoh yimar Bro Nkifrarhu Yafothat yorhwattr rorhu dukefr riduka adukewurm tamoh tamohm, ndhtet yimam yakhato nd hingrneft yak htarahnomr. Nome nhai nd hingrneft yakitohkfot.

Taitus 2:8

Sios yakitohwa kfo yirmoh mrokfom kfo nuhas marnya bomarnyakfot. Inji kfo nuhas marnya bomarnyarahnm, be nhai mrokfom wany bebhato wom tng bebm turuhatm. Mirahm wom tng bebm atunom, tfit tum yimtnarahm.

Taitus 2:5

Yo rroh rhu nmbuham dukefmpno rhu hik marnyaruhamn, rroh yima yuhum wutham rhurahmm. Wutha yima yuhumpno rhuhato rroh kuny kmifaroh hingrnefm yakitoh marnyarahmm. Tamoh tamoh mrokfom rroh ramemrom kfoyukm, rom be wany yakiohato hikrahmm. Inji inji narahm, nhai wom yimam Bro Nkifrarhu mrokfot kfo bebruhatmt.

1 Tesalonaika 5:22

Fitoh mrokfom faso wanukwokomm, yafhokfot.

1 Timoti 5:14

Ndnettn nanhu dukeft duka kanga fitoh metm yuhre tmahmn yindarim noh htanimm, nd metm afo tfit nfri yindarir yakkfot. Nfri yindarir yakhato afo nd yon mtitofr afo yakitoh hanyhato tu bro yon kunyet metroh hingrneft afo yakkfot. Inji naruhamn nd nom hti dbnotwa yimam nhai yarim tohnehato wom tng bebm turuhatmt.

1 Korin 5:12

Mirahko wom yima fura bofuram tafi sios yarim fnahna duhatm nayuk nefm htihato ayak gnngtatnomm. Nhai. Rom Bro Nkifrarn htirahrm. Bi sios tohet rhunefm htihato yak gnngtatneft, nhai mrokfom. Wayak gnngtattwakomm. Bro Nkifrarhu rfa borngt kfiwa mrokfot kfo kangt, “Fasoh fasoh nefm nayet yimar wayak tuhafotwakomr.” Ndnettn nd womrhu mett hatohet yimar rhunho duha.

Aposer 22:12

Nd taun Damaskusn tohmour wom yimar, rorhu yufat Ananaiasr. Nd yimar Bro Nkifrarhu yinhit tohmoarn rorhu boririfhu mrokfom kak hik marnyamourm. Nd Damaskus tohyuk Judam rorhu toh nmbuhat kfo yindhormoumt.

Aposer 10:22

Tfit kfo memomr, “Nom 100 amiroh tohak yima Korniliusr kfo tkrurafmotrnom niamonom. Nd yima Korniliusr Bro Nkifrar yakrmihato ror nhai wom fasoh nefm nakahr. Judam hifa hti yindhorwomt rorhu toh nmbuhat. Bro Nkifrarhu mounmotr rorpno yimorn kfo memorr, ‘Pitar mrokfeter. Afo nd mrokfom ninpno nia rhuhato ptharfotrm wanyherfonr.’ Mounmotr inji kfomotrr to be tfit nomn kfo tkrur memor, ‘Pitar wamhtiyakkomr.’ Ndnatn nom niamonom ninhu htiyaktn.”

Makr dwandfamo gutnius mrokfot 4:11

Kfo memorm, “Wanukko, yafuna mrokforoh yakyuk dukefr bi nikomn hemor. Bro Nkifrarhu kingdomkfothu kafrohet mrokfom be kfo nhombra kanjo ptharahm o mrokfom be yura yafunarahm, nikomn dukefm bi yakrahkomm. Nd Bro Nkifrarhu yinhit toh duha yima furam be kfo nhombra mrokforpam wanukm.

3 Jon 1:12

Demitriusr niwa dborioh nefm yima yimat kfo tndh htfaswomt. Yimamn kfo tndhwomm yo nd Bro Nkifrarhu tu mrokfot ror yakitohwat, rotn mhfnahnewutm rorhu dborioh nefm. Na kfo mifwanko. Nhai kfo furakahanko. Ndnettn wayaktwa-komr.

1 Timoti 3:6

Nd hingrneft tohyuk yimar nhai nfri Kristen yimarn nd hingrneft tohkfot. Nhai. Bi Kristen tohngotet yimarn nd hingrneft yak-hato htakfot. Nfri yimar nd hingrneft yakrahrt, to be turhu yufathu yura htaneftpno Bro Nkifrar tfit wahtarahr Satanr wahtamo kanjo.