1 Timoti 2:4 - Bro Nkifrarhu Mrokfot

⁴ Bro Nkifrar hifa yindhorwor yimaroh yufam kfo bruttnahato nd yimam Kraisrhu mrokfom wanyhato yakneft.

1 Timoti 2:4 Referans Kwoze

Taitus 2:11

Ndar bbinysoft tohyuk yimaroh tfit Bro Nkifrarpno niayuk yihotat tu Bro Nkifrarn tfit fak nukakmort. Tu Bro Nkifrarhu yuhuwaf nmbuhatn nd yihotat inji fak nukakmort.

2 Timoti 2:25

Ninn tfit nd mrokfo hanyjbornet yimam yakhato kfo yima boyima marnyakfot. Ni inji narahnm, ka Bro Nkifrar rroh yima yuhum yak kekut-rahrm. Yima yuhum yak kekutruhamn Bro Nkifrarhu tu yafothet mrokfot nd yiha hti dukarahmt.

1 Timoti 4:10

Yimam bi fasoh tkitm tohetm, toh nkifraniyet Nkifrar kekworm. Nhai frohm yakkahr. To nd rorhu mrokfom wany yakiowamn kekwor. Ndnetnom nom rorhu mrokfomn wany yakio-wanomn nmoh dukefm rorn kitwom, kangnom rorn yak marnyarahrnom. Yiha yiham to be kangnom, Bro Nkifrar tohwa toheft atoh hiknom.

Lukr dwandfamo gutnius mrokfot 24:47

Kto ndar bbinysofthu yimaroh mrokforoh kfo nuhas htfasneft rorhu yufatpno kfo nuhas htfashato yimaroh fasoh nefm mong trohkfot. Inji narahm Bro Nkifrar yak thurahrm ndar bbinysof thofroh fasoh nefm. Nd hingrneft tuha Jerusalemtn rihingrnakhato hingrna hanykfot.’

Revelesen 14:6

Yo tfit wom mounmotr htiyaf hanymoyanr buha mount fafuna hanymor. Wom tu yafothet mrokforoh kfo pthaneftn yafuna hanyhato mrokfom kfo ptha nuhas hanymorm ndar bbinysoft tohyuk yimam, wonk wonk kantrim, wonk wonk kmiya-kmim, wonk wonk thetm mrokfo mrokfom kfo nuhas fnahmorm.

Jonr dwandfamo gutnius mrokfot 14:6

Tfit Jisasr kfo memorr, “Yimam kangm Bro Nkifrarpno ainom, nann yihotaya, yo nann Bro Nkifrar fak nhombranamor, yo nann toh nkifrayuk yafothat yimam kahukanm. Nhai wom fitoh yuhamn yimam Bro Nkifrarpno yikfot. Tu be nhai mif. Nanrpayanpno niakfot.

Matyu 28:19

Ndnettn kanganko, kmiyakmim wayau fnahkahkomn nanhu disaiperm wayak hta fnahtwako. Yak hta hanyhato Bro Yifemri yinem Jisasr ee Bro Nkifrarhu Yafotharoh yufampno baftaisim tany hanykfot.

Taitus 1:1

Na Pora, nann ndar gontwat wandfiwann ni Taitusn. Na Bro Nkifrar kfo htamo hingrna yimaya. Nann hingrnahukanr Jisas Kraisrhu aposer hingrneft. Bro Nkifrar nann yakhato kfo tkrurafmor tur bi yak htamo yimampno yihato kfo nuhas marnya bomarnyakfot tu Jisas Kraisrhu mrokfothu hik yuhat.

2 Timoti 3:7

Ndhtet metm be womroh nfri nfri mrokfom mhik furaknitam, be nhai yakkfot Bro Nkifrarhu tu yafothet mrokfot.

Lukr dwandfamo gutnius mrokfot 14:23

Be nd bro yimar tfit kfo memor, ‘Na wofnkaha wom rrfam rhu furaneft. Kanga kunys afurkiht. Tfit waikahnn nd bro yihota naff yuham yo mswirroh gna nanyor yuhamn tohwa yimam ndm wakfak habri hanynm. Rompno kunys furkihraht.

Lukr dwandfamo gutnius mrokfot 1:77

Bi ninn yiruhann, kfo mirahnm, ‘Bro Nkifrar nikmoh fasoh fasoh nefm yak thuhiruharko toh marnyarahko.’

Jonr dwandfamo gutnius mrokfot 17:17

Ninhu mrokfot tu fipet mifet. Ndnatn kanga, nd mrokfot nd yimaroh yima yuhum ahingrnakahtn ayak wus bowuskahttm be ninpno rim tohni bugarahm.

Jonr dwandfamo gutnius mrokfot 6:37

Yimam Bro Yifemr bi nann fahur nanpno nia tohrahm. Nhai kfo krmah o yak thu inji narhotanm.

Makr dwandfamo gutnius mrokfot 16:15

Kfo memorm, “Nikomn ndar bbinysofthu kmi kmim nanhu mrokfot wakfo nuhashi habri bugatwakomm.

Hibru 10:26

Nom bi Bro Nkifrarhu fipet mrokfot wanyetnom ni womn mirahn frfnahnihato akfo amiya, “Bro Nkifrarhu mrokfot afo niko womrpako warihikaf hanykomt. Na afo wurhat rim yau-efiwa.” Ni yima inji wany sany hany-hato mong trohnirahnr, na kfiwann, be tu yohrafo tanyrahnt tfit tunhu niayuk yihotat. To fitoh yuhat tfit nieruha? Bro Nkifrar nhai tfit wom yakmiyak-ruhatrn.

Rom thofroh gontwat Porr dwandfakhato htafmot 11:14

Isrerm Bro Nkifrar mong trohmo nmbuhat htihato nanhu dukeft duka kanga, nikompno Bro Nkifrarhu mrokfot akfo ptha nuhaskahta nikmoh womm wany yakiohato Bro Nkifrar rithu nhirakruhatrm tfit wom Isrerm inji htihato rroh yima yuhum sinyarahmm Kraisrhu hikneft. Hikruhatm Bro Nkifrar inji htihato tfit rithu nhirakrahrm.

Jems 3:14

To womm faso duka bebhato tukmoh yufamn yura yura htarahkomm, to mirahko akfo amanyom, “Nom duka hik marnya bomarnyahato tamoh tamoh nefm newunomm.” Mirahko inji akfo furanom.

2 Jon 1:1

Na sioshu bro tohak yimaya. Ni metni rothu yonm dukiwoyann ndar gontwat wandfiwanko. To mirahko ka be nanrpaya dukiwanko. Nhai. Bro Nkifrarhu mrokfo mifmift yakitohet yimam rompno rpat duke-wunomko.