Mo Pol Rom la nai Elim Ginofe Faini 8:34 - Godna mo Awai mona go

³⁴ Afa amban el sa enaig esofe eba God sa nem suwi kembig gam ningihiafe? Amo, eba awai. Afa Krais Sisas ehe bigim lahanigbi afa mangwal ena mungwa mo eba ehe pese buihiagim nofkenago afa ehe sisi fegim afa God i ahfeg. Asa ehe bigim kwaganigim Godim fwina sahnag.

Mo Pol Rom la nai Elim Ginofe Faini 8:34 Referans Kwoze

Hibru 7:25

Ehe wahkig gohba asa Godim sahnag og sa ma God elim kwagani. Afa glaufenam afa ikan autunai la fefe eba ambangel maia heafna unehlag la God nangum ambefiba asa ehengelim lambfife.

Mo Pol Rom la nai Elim Ginofe Faini 8:27

Afa God elni olugim ati fahigeageg afa ati anwenafeg Sungwabug mangwalim esog asa ehe Godna afsug el gohugum afa Godim wasneig mo sihinag eba Godna sawieg mungwalofug feg.

1 Pita 3:22

Afa ehe heven gam ikagim afa Godna nihiginai ningagam ga asa mungwali oflanai el i afa wasneig sanel i afa haig haig wasneig gawig i ehem ahnai skaufinig.

Hibru 9:24

Afa Godna lala afsug meg el sa gafugafig eba Krais mas ena megamba seaifui. Enaba nufunam afsug megim heven la go enam ogfug. Afa Krais ati ikag heven la sefu Godna nofbusug gam gohugim asa bigim kwaganig.

Mo Pol Rom la nai Elim Ginofe Faini 8:1

Asa glanuwaba mungwali el Krais Sisas nai yi afohie eba God ehengelim mas kufeni.

Suialag Mo Mak Ginofena 16:19

Sisas Ainiyag enag mo sihinugenam, mayi wahianamba, eso God sulufanam ofgam wanikina, enag Sisas Godna nihigim aga.

Kolosi 3:1

Afa ati ne Krais i ahlahawagigim afa ahbuihiag asa neana membug sama heven la Krais i ahgofi. Afa enanai yi Krais ehe misog feg asa Godna nihiginai gam pega.

Sumi Yi Puguiag Mo 1:18

Afa ka kike nofkikena feg. Autunam ati kam lahana, afa sa nangu, ilawaba ka nofkikena wahkig gofufe. Asa lahag i afa melig pigiegna kembig i ambe kam ahnai skaufenig.

Mo Pol Rom la nai Elim Ginofe Faini 14:9

Asa Krais lahagim afa pese buihiag asa ma ehe melig pigieg el mi afa nofkena gohug el mi ehe Ainiyag feni.

Mo Pol Rom la nai Elim Ginofe Faini 4:25

Afa bigel amtakwalig el finibi asa ehe Sisasim angoluwag elni ninga la fwahanaba sa lahana. Afa God ehem biteg fenai ihlaflatigim nofkenag faig asa big Godna nof la afsug kabag el afohie.

1 Pita 3:18

Afa Krais bigim lahanigim bigelni amtakwalig huguflaitinig afa bigim God nangum lamblug. Afa enag suialag el amtakwalig elim enaig esenig. Afa ehe mungunagim lahagim afa enag lahag gwenanai yi blo fegba asa amtakwalig huguflaitiag gafugagim tigeflakag. Afa ehe el feg asa ehem tigifatini afa God ehem ilafo fatigba afa ehe glau sungwabug feg.

Hibru 1:3

Afa ena Luwalba eba God lofug mungwalofug asa ehe Godna ombusugug ogfufe. Afa heafna wasneig mo mungwali gawigim kike lambku gufufe. Afa ehe maia elim mina gafugagfenibi asa afsug fifi ehe ati heven gam ikag Godna sisi yi nemugna pegag sime muhla la go.

Mo Pol Rom la nai Elim Ginofe Faini 14:13

Asa big mingnag elim fasehtigig mom mo fwahi. Afa sa big enaig onigig fi masa ka enaig eseba asa kana nilite enanai yi pefe.

Suialag Mo Jon Ginofena 16:23

“Afa enag osuna puguiba eba ne mas kam mangwalim sahini. Ka nem nufunam sihinig mangwalim ne kana unehlag la sahiba asa kana Alag nem faife.

Suialag Mo Jon Ginofena 14:19

Afa mungwanam feg fwainig bitenai el mas kam nangui afa ne kam nangufi. Ka nofkenafeg asa nengel gafa nofkena augufi.

Matyu 20:28

Asa ma Nufunam El gwenaig esei, mango blog el ehem kwefug mo, amo eba awai. Eba ehe ming elim kwaganigim afa heafna nofkena gag faig asa kaksag elim pese lambigim pigi fwatig.”

Aposel 2:24

God mas ena susugba gwesim fwahana mo, eba God sona elbi bite kifenai ihlafofatig mas ehem gwesim lahag mo.