Mo Pol Rom la nai Elim Ginofe Faini 14:17 - Godna mo Awai mona go

¹⁷ Afa mangwal fane i bu i sa big ahagag eba Godna bog meg la esug feg. Afa Godna bog meg eba suialag nihe i afa mingnag el i suialag hawag ahfeg nihe i afa enag sifakaleg eba Godna Sungwabug faig.

Mo Pol Rom la nai Elim Ginofe Faini 14:17 Referans Kwoze

Mo Pol Rom la nai Elim Ginofe Faini 15:13

Afa God mo sihi fwahana asa sumi yi bigim suialafiagefe. Afa maia ne ehem olug oniginibi ka membeg ehe nengelim esenibi asa ne fwina sifakalinim afa ne olug enesieg fi. Afa Godna Sungwabug nem wasneinigbi sa ne sumi yi nai puguiagim fwina oniginim nengeafufum.

Matyu 6:33

Afa enaig ne esofifiba eba sa Godna bog megim gose onigibi afa asa ne ehena suialag nihe gose patalfuiba eba sa nem mingnag gawig gafa nem faifi.

1 Korin 4:20

Afa mo mas enaig ogfug el Godna bog megam sefuagim me. Afa el Godna bog megam sefugohug eba wasneigni feg.

1 Korin 8:8

Afa fane mas bigim Godna nof la kwagani. Afa atiaba big fane foiyugogba enaba mas bigim Godna nof la piga lambpigoi. Afa atiaba big fane ahgagba enaba mas bigim Godna nof la kwaganig mo.

Galesia 5:22

Afa maia Godna Sungwabug bigelim gofsenigbi asa heafna fug bigel nai yi leg enag fug eba, elim membug, afa sifakalig, afa olug enesieg, afa elim aflahlanam esenag, afa elim suiala onig fenig afa elim suialafenig, afa elim onigigna fenag.

Mo Pol Rom la nai Elim Ginofe Faini 8:6

Asa el autunai eligni sawiegim onigafu asa enaig elim eba lahag pugunfi. Afa el sa heafgelni onigigim Godna Sungwabugim ahnai skaufinig asa enaig elbi nufunam nofkenagag i afa olug enesieg i flafe.

1 Tesalonaika 2:12

Afa ka nem wasneinag afa aflahlana mo sihini afa enaig esog sa ne suialag mina patalkui asa ma God enam sifakalenai. Afa God nem unenag sa ne heafna el fenam afa ehem ahnai skaufenam afa God i suialag ahwag ahfe.

Filipai 3:9

asa ka ehe nai yi gofim. Afa autunam ka enaig onigig fena ka kike enaig esenaba asa ka Godna nof la ihlafena afa ka Mosesna nihe mo patalkuiafena. Afa glauwaba ka anwenafeg ka Kraisim olug oniginagba asa ka Godna nof la ihlafeg. Afa God kana olug onigigim nangugim asa kam enaig esena.

1 Korin 6:9

Ati ne anwenafig amtakwalig el mas Godna bog megam seaifui. Masa ne mwakwal mo kehlafe. Afa enaig el sa aga taitu fig afa mwakwal godim fingi fig afa angwafig alagag la nai afa saglag angwafigni aga taitufiahgig afa saglag awauwuna fig,

Suialag Mo Jon Ginofena 3:3

Afa Sisas sihina og, “Ka nem nufunam sihinag afa el sa pese ikanam ninganai luwal fe fwainigba asa enag el mas Godna bog megam nangui.”

Aposel 13:52

Afa Antiok nai patalfuiag elim Godna Sungwabug ihla fiahsainaba asa fwina sifakalini.

Filipai 4:7

Afa God olug enesieg fatigba eba kwaniafiageg afa enag elni anwenagim gosenig. Afa ne Sisas Krais i ati ahgo afa enag olug enesieg ehe fatigba neana onigigim ninimwehefgu asa mas neana olugim tigefupei.

Kolosi 1:11

Afa ka nem betenegonugbi God sa ma nem wasneig fai enag wasneigbi eba heafna kwania wasneig. Asa enag wasneig yi ne afohiefiba asa ne kinigbi fliufufufe.

Filipai 4:4

Afa sa ne sifakale eba ne Ainiyag i suialag hawag ahfefe. Afa ka pese nem osihini kog eba sa ne sifakale.

Suialag Mo Jon Ginofena 3:5

Afa Sisas pese sihina og, “Ka nem nufunam sihinag afa el asa buna afa Godna Sungwabugni ninganai luwal feg fwainigba eba ehe mas Godna bog megam sefukai.

Matyu 3:2

Enaig esona og, “Olug waikefi. Godna bog meg ati blog afa Godna sawieg la big saiyenam asa heafna luwalig afohie.”

1 Pita 1:8

Afa nengel ehem mas nangug mo afa ne ehe nai yi fwina onigig lugwafba afa glau nengel ehem nangu fwainig fig afa ne ehem olug oniginigim asa ne sifakalig. Afa enag sifakaligba hwa bite nai sifkalim gwesim hilifenag enaba mo mas ihla ogfui.

Filipai 3:3

Afa enaig moba mas ihlafeg mo. Eba enaig eseg bigelbi eba enag nihem big nufunam patalfug asa Godna Sungwabug bigim kwaganigba asa big Godna unehlagim fingi fig. Afa big anwenafig bigelni suialag gafugag eba mas bigim kwagani afa Sisas Krais munguhe bigim lambig.

Filipai 2:1

Atiaho sa Krais nengelni onigigba wasneinig? Afa atiaho sa heafna membuglaba esegba asa nengelni olug enesiegba fai feg? Afa atiaho sa Godna Sungwabug ni ne esinigbi asa ne mungu nilite fig? Afa atiaho sa ne mingnag elimba aflafegonug? Ei, eba nufunam feg.

2 Korin 5:21

Afa Krais mas mangwal amtakwalig esena mo. Afa God membeg bigelim kwaganig asa bigelni amtakwaligim ehe Krais nai yi fwahana asa ehe nai yi big Godna afsug kabag el fig.

Hibru 13:9

Afa nofeka haig haig mo higwage masa ena mo nem esenageba ne suialag mina fwaha ikafe. Afa God sa bigim esug kwaganig enag sa ma bigim wasneini. Afa nofeka onigim ka fanena nihe mo patalfu asa ma kam wasneini amo, enaig nihe mo mas elim kweagfui.

1 Tesalonaika 1:6

Afa nengel kagelim afa Ainiyagim ne nangugum sa ne gwenaig esig. Eba nufunam, el nem kinig faig afa maia ne Godna mo higigba asa Godna Sungwabug sa nem sifakalig faig asa ne enag mom flig.

1 Korin 1:30

Afa God nengelim esenigbi asa ne Sisas Krais nai yi afohie. Afa Sisas Krais nai yi God enaig eseg heafna suialag anwenag bigim ogfunig afa ehe bigim ehena nof la afsug el fenig, afa ehe bigim ehena nemug el fenig, afa God bigim pese lambigim.

Aposel 9:31

Afa enanam Judia nai, Galili nai, afa Samaria nai sios wangene augufena. Afa Godna Sungwabug siosim kwaganam afa wasneihiagena asa kaksag el pugunam sa Ainiyagim ahnai skaufini.

Suialag Mo Jon Ginofena 16:33

Afa ka nem enag sihinig asa ka nai yi afofum eba sa ne olug enesiegna afofufe. Afa hwa bitelaba kinig nengelim pugunife asa nofeka embefi eba kati bitenai nihe filafatig.”

Suialag Mo Luk Ginofena 14:15

Afa el mungu Sisas fane waneaufna enag ena mo higinam Sisasim enaig sihi fena og, “El sa Godna bog megam saiyefego buyis ne eba sa ma sifakali.”

2 Pita 1:1

Ka Saimon Pita Sisas Kraisna gafugag el afa ka ehena kanog fwahag el feg. Ka hwa mo nengelim ningihianig asa ne Sisas Kraisim olug onigig. Afa Sisas ehe bigelni God fegim afa Kwefwag el feg. Afa heafna suialag nihe la asa nengelni olug onigig eba kagel nai yi mungwalofug.