Mo Pol Rom la nai Elim Ginofe Faini 1:3 - Godna mo Awai mona go

³ Afa enag mo heafna Legna mo afa enag Leg eba bigelni Ainiyag Sisas Krais. Afa ehe hwaig elni luwal lofug afa ehe Devitna simbianiga fena.

Mo Pol Rom la nai Elim Ginofe Faini 1:3 Referans Kwoze

Matyu 1:1

Ena moba Sisas God Gisfu Fwahag Elni simbianingam suwigig. Ehe Devitna simbianinga afa Devit Abrahamna simbianinga.

Galesia 4:4

Afa maia heafna osu ma blo puguiba asa God heafna legim ningihiana. Afa afag ehem fuklag asa ehe el nihina. Afa ehe gafa Ju elni nihe mo ahnai skaufenag

Suialag Mo Jon Ginofena 1:14

Afa enag Mo el lofug blonam bigelim olyi fenife. Afa maia bigim wangafenaba afa big nangug ehe fwina kwania feg. Afa God ehem enaig esenagba kwania feg asa heafna leg mungu feg. Afa ehe ati elim esmunagim kwaganig afa ehe Godna haig haigim mungwali bigim nufunam ogfunig.

Suialag Mo Jon Ginofena 1:49

Afa Nataniel sineminafenam esona og, “Tisa, neba Godna leg afa ne Israelna misog el.”

Suialag Mo Luk Ginofena 1:35

Afa oflanai el ehem pese waike sihina og, “Heafa Godna Sungwabug ehe nem blonafe asa Godna wasneig nem ihlafenagba asa ne ena luwalba nengigim wanigafe. Enaba Godna suialag afsug el asa ehem enaig seflififie og Godna Leg.

1 Tesalonaika 1:10

Afa ne nengena gofiba asa heafna Leg heven la nai blofe. Afa enag Leg Sisas lahanaba asa God ehem ilafona. Afa autunai la God elim fwina olug kakagenife afa Sisas bigim kwaganig asa bigim mas amtakwale klaiti.

Mo Pol Rom la nai Elim Ginofe Faini 9:5

Afa ehengelni simbianigagna unehlagba kwania feg afa Krais eba ena simbianigag la nai afa ehe God fegim asa mungwali gawigim sisi yi fenig. Asa el ehem wahkig fingi fufum. Eba nufunam.

Suialag Mo Jon Ginofena 20:28

Afa Tomas ehem sihina og, “Neba kana Ainiyag afa kana God.”

Suialag Mo Jon Ginofena 10:30

Afa ka i alag i kaningi mungu ahfeg.”

Matyu 1:16

Jekopna leg Josep. Josep Mariana alagag. Afa Maria Sisasim wanigana. Sisasba seflig Krais God Gisfu Fwahag El.

2 Timoti 2:8

Hwam sa ne onigi Sisas Krais eba Ju elni misog el Devitna simbeg sa lahagim pese buihiag. Enag mo eba suialag mo ka sihiageg.

1 Korin 1:9

Afa God nem awamonigim asa ne heafna Leg bigelni Ainiyag Sisas Krais i hawag fim. Asa eba nufunam mangwalim God sa sihig eba nufunam esefe.

Aposel 2:30

Afa Devit eba Godna mo fla sihiule el feg ehe ati anwenafeg God nufuna mo sihig og, nengigim ka neana mungu luwalim esenaba asa ehe nimbe lofug misog el gofe.

Suialag Mo Jon Ginofena 20:31

Afa ka hwa mo ginofeg asa ne anwenafenim Sisas eba Godna Gisfu Fwahag El ehe Godna leg. Afa ehe enam olug onigini asa heafna unehlag la sa ma ne nufunam nofkenagag flifi.

Suialag Mo Jon Ginofena 10:36

Afa God elim enaig sihfeniba asa kam haig esonafe? Afa Alag kam wegnageg fwahagim asa kam hwa bite gam ningihiag. Haisigbi ne esogog ka Godim molamp onag maia ka enaig sihifegba kaba Godna leg?”

Suialag Mo Jon Ginofena 5:25

Ka nem nufunam sihinig, ati muhla feg eba ilawo enag pugufe afa el lahag mina la afo asa Godna Legna mengig higinim asa amban el ehena mengigim ati higinag eba nofkenagag flafe.

Suialag Mo Luk Ginofena 1:69

Afa wasneig el mungu God Gisfu fwahag asa ehe bigim pese lambfie. Afa sonag elbi eba ehe Devitna simbianiga. Devitba Godna gafugag el.

Matyu 27:43

Eba ati ehe Godim oniginagim afa esog, ‘Kaba Godna leg’. Sa big nangug ma atiaba God ehem ilawo okwefugfiba.”

Matyu 26:63

Afa Sisas eba mwalfwaigofna. Asa pris misog el ehem pese sahana, “Afa Godna unehlag la nofkenagag ka ilawo nem sahana sa ne nufunam sihi, asa kagelim sihi neaho Krais, Godna leg?”

Matyu 15:22

Afa angwafig mungu Kenan lanai enanai yi gafena enag blonam Sisasim unena og, “Ainiyag, Devitna simbianinga kam aflafena. Sanel kana nainai luwalim amtakwalenageg.”

Matyu 12:23

Afa mungwali sineminefini afa esogona og, “Ena elbi Devitna simbianinga me awai awai me?”

Matyu 9:27

Sisas nanai yi fwaha ikana. Ikafnaba sambaganigi noftetini el Sisasim ahune ahkana og, “Nimba Devitna simbianinga afa kam kusguni.”

Matyu 3:17

Afa mengig hevenla lagofna og, “Sona elbi eba kana leg, ka ehem fwina membenag. Ka olug ehem suialafenag.”

Matyu 1:6

Jesina leg Devit eba misog el. Devitna leg Solomon. Autunam heafna afag eba Uriana angwag.

Sumi Yi Puguiag Mo 2:18

Ena moba maisim sihiagofna Sisas enaig esona sa ne ginofenam Taiataira lanai siosna of lanai elim fai. Hwaba Godna legna mo. Heafna nofugba suwi mileg lofug kukoitifego afa ehena mong fifagba eba mulug kapa lofug. Afa ehe enaig esog.

2 Jon 1:7

Afa kaksag el fambegofifibi eba mwakwal el. Enag el oningig Sisas Krais mas hwaig elig bloi. Enaig elbi mwakwal el ehe enaig esife Sisas lofugfife.

1 Jon 5:20

Afa bigel anwenafig Godna Leg ati blog asa bigim anwenafeg faig. Asa big anwenafig Godba nufunam. Afa Sisas Krais bigelni olug yi ga asa God gafa bigelni olug yi ga. Afa Sisas eba nufunam God feg afa ehe wahkig nofkenagag mog feg.

1 Jon 5:5

Afa amban el olug oningig Sisas eba Godna Leg afa enaig el amtakwalig nihem filafefe. Afa ne Sisasim olug oningig fwainigba eba awai.

1 Jon 5:1

Afa amban el heafna olug oningig og Sisas eba Godna Gisfu Fwahag El afa enaig el eba Godna Leg. Afa amban el alagim membenag asa heafna legim gwenaig esenag.

1 Jon 4:15

Afa amban el esofe Sisas eba Godna Leg afa God ehena olug yi ga afa ehe God i ahwag.

1 Jon 3:23

Afa heafna mo enaig esog sa ne kana Legim olug onigini eba Sisas Krais afa mingnag elim membenig ena mo Sisas ati bigim sihini.

1 Jon 3:8

Enag autunam fenam afa ilawagaba Satan amtakwalig nihem eseg afa amban el amtakwalig nihem patalkuiagba eba ehe Satanna el. Afa Godna Leg blogim asa Satanna gafugagim fwina filafatinag.

1 Jon 1:3

Kagel ati higig afa nangug afa nengelim sihigonug asa bigel mungu oningig fli. Sama Alag i heafna Leg i Sisas Krais olug usumuiag la bigim ahwangofi.

1 Timoti 3:16

Afa big anwenafig nufunam mo God ehe upuguna afa enag fwina kwania feg. Afa enag nufunam mo enaig esog; Ehe hwaig el lofug gohna asa bitenai el heafna mom higinim ehem olug onigini. Afa Godna Sungwabug ogfuna ehe suialag afa oflanai el ehem nanguni afa ehe heven gam kukagim God i hawag.

Mo Pol Rom la nai Elim Ginofe Faini 1:9

Afa ka Godim mungu oniginagim afa ka heafna gafugag eseg asa ka heafna Legna suialag mo sihiawageg. Afa God ati anwenafeg kana mungwali sahig ka nem oniginigim

Aposel 9:20

Gwenana ehe laskuhlag lala ikafnam asa mo sihiafna og, “Sisasba Godna Leg.”

Aposel 8:36

Afa mina la ahkan ika bula pugunam afa ena misog el sihina og, “Buba hogi. Mango kam bu la pegimba kagfugu.”

Aposel 3:13

Eba Abraham Aisak Jekopna God afa ehe bigelni simbianigana God. Afa ehe heafna gafugag elim Sisasim kwania unehlag faig. Afa enag elim ho ne angoluwagna ninga la fwahini. Afa maia Pailat og, na fwaha afa nengel ne ehem masig fatinim afa ne esogona, ne og Pailat nofene esug fwaha.

Suialag Mo Jon Ginofena 7:42

Afa Godna mo enaig esog Godna Gisfu Fwahag el eba Devitna simbianinga afa ehe Betlehem la afag wanigefe Devitna kembig la.”

Suialag Mo Jon Ginofena 1:34

Afa kike ati nangug asa ka nengelim sihinig enag el eba Godna Leg.”

Mo Pol Rom la nai Elim Ginofe Faini 4:1

Atiaba enam nufunam feba sa big biafna simp Abrahamim onigini. Mango maia ehe anwenafena?

Mo Pol Rom la nai Elim Ginofe Faini 9:3

Afa koka kikeafna nilitem Israel la nai elni kug la gohonam sa kwagan. Asa God ka kefim amtakwalig la nai fwahag afa ka mas Krais nai yi go mo. Afa enag mas pugui.

1 Korin 10:18

Sa ne Ju elni nihem onigim. Afa mungwali el sis tulfug Godim faigim asa ehe mo ming ehegnai ahgag. Afa enag nihe ogfug enag el God i ahgo.

1 Timoti 2:5

Afa mungu God ga afa mungu olyi nai el ga. Ehe Godim afa elim olyi fenig. Ehe enag el Krais Sisas.