Matyu 5:45 - Godna mo Awai mona go

⁴⁵ Enaig ne esibi eba nengelni heven lanai alag esofe ‘Kana luwal’, afa maia ehe osum sisigam esegba nasa laugonug el amtakwaligim afa suialag elim. Afa maia bum ningihiagba bu feg el suialagim afa amtakwalig elim.

Matyu 5:45 Referans Kwoze

Suialag Mo Luk Ginofena 6:35

Afa ka nem sihinig sa ne angoluwag elim membegonim afa suialafe hiagi. Afa enaig elim esmunagim faigonam afa nofene enam mungwag nem faigogim onigim. Afa ne enaig esigba, eba kwania mungwag nem faifi, afa eba ne Godna luwalig feasaife. Afa Godba, el sa ehem mas fatinag ena mi afa amtakwalig nihenai el mi enam gafa suialafenig.

Aposel 14:17

Afa ehe suialag gawig lambwaie gofnaba asa bu fiahfna afa nefgenai sa heafna osuna puguiageafna. Afa sa ehe kaksag fane faifinim afa ehe nengelni olug yi afigig faig. Enamba ogfug ehe nofkikena go.”

Efesus 5:1

Afa ati ne Godna luwalig figba afa ehe nem fwina membenig asa ne gwenaig ehe lofug esi.

Matyu 5:9

El sa ninimum tigeflakig enaba sa ma sifakalifi eba enaig seflififi Godna luwalig.

Suialag Mo Jon Ginofena 13:35

Afa ne enaig esegba mingnagim membegonife asa mungwali el anwenafifi ne kana patalfuiag el.”

1 Jon 3:9

Afa amban el eba Godna luwalig ehe mas enag amtakwalig mina fakafe mo asa ehe Godna mungu usumuna feg afa Godna nihe ehenai yi go. Afa God eba ehena Alag asa enag el mas haig haig mina gomine fefi.

Filipai 2:15

Asa ne enaig esi sa ne afsug el fi mas nem setigi. Afa neba ofenaiba Godna suialag luwalig lofug fig sa ne el amtakwalig nihe la nai la afa el amtakwalig onigig la nai lai enag olyi ne afohie. Afa nofkenagag mo sa ne kehlifu sa ne faigo asa ne ofenaiba bagnofut of la ombusig afohie. Afa ne enaig esigbi asa kana gafugag mas awaiye afa sa enag osuna Krais bloiba asa ka sifakale fe.