Matyu 2:6 - Godna mo Awai mona go

⁶ Nofeka enaig onigi Betlehem Judanai eba mingnag suialag Judana kembig sumifenig. Asa enag kembig misog el pugufe eba ehe Israel, kana elim, nangwahiagefe.” Mai 5:2

Matyu 2:6 Referans Kwoze

Suialag Mo Jon Ginofena 7:42

Afa Godna mo enaig esog Godna Gisfu Fwahag el eba Devitna simbianinga afa ehe Betlehem la afag wanigefe Devitna kembig la.”

Sumi Yi Puguiag Mo 11:15

Afa elegeg of lanai el maia fuf gogba asa heven la mo fwina lagig apukeg afa og; Bigelni God Ainiyag afa heafna Gisfu Fwahag el i glau gohnanam ehe mungwalim bite naim misog el ahfenig. Ehe gwenaig wahkig sahfe gofufe.

Matyu 28:18

Afa Sisas muhla pugunam sihini og, “Mungwali heven la nai i afa bite la nai i God kam kigmog faigba asa ka lambugu.

Kolosi 1:18

Siosba ehena elig feg afa ehe misog feg afa ehe siosna mog feg. Afa ehe gof la nai el lahagim pese buihiag. Asa ehe mungu, mungwali gosenig.

Matyu 2:1

Maria Sisasim Betlehemla wanigana, ena provins Judia. Enanam Herot misog el gofnaba. Afa enanam osu puguglanai anwena el, ambena Jerusalem la apukenam.

Efesus 1:22

Afa God mungwali gawig lambina Kraisna skau sigofe afa sa Krais ehe mungwali gawig misog fenfe enaba siosim gafa gwenaig esenig ehe misog fenig.

Suialag Mo Jon Ginofena 21:16

Afa Sisas pese sahna og, “Saimon Jonna leg, atiaho neana olug ka nai yi lugwa?” Afa Pita wahigi esog, “Ei Ainiyag, ne ati anwenafeg ka nem membenag.” Afa Sisas sihina og, “Kana sipsipim sa ne nangwagihiage gofum.”

Hibru 7:14

Afa big anwenafig ehe mulug pris eba heafna simbianiga eba Juda. Afa Moses mas ehengelim sihini mo ehengel pris afohiegim.

Sumi Yi Puguiag Mo 7:17

Afa sonag Sipsip Luwalig pegag sime nai gohugim ehengelim nangwagihiagego, ofenaiba el sipsipim nangwagihiagego. Ehe gose ika sulfu wanblogim nofkikenagag bu faig ofenaiba fun bu. Afa God ehengelni nombim titenigefe asa ehengel mas pese ming kinig flinim wewatigoi.”