Hibru 7:11 - Godna mo Awai mona go

¹¹ Afa Moses Israel elim Godna nihe mo faini afa enag nihe mo enaig esona og pris Livaina simbianigag sa ma mungwali elim kwagani. Afa sonag prisni gafugag atiaba ihlafegba enaba haisegba nasa God enaig esog ka ming mulug pris ningihiag. Enaba mango Aron lofug mo eba heafa Melkisedek lofug feg.

Hibru 7:11 Referans Kwoze

Hibru 8:7

Afa goflanai mina ihlafegba God mas ming minaba tohla fwahai.

Galesia 2:21

Afa God bigim esmunagim kwaganig ka mas enam yiskoseg. Afa atiaba el nihe mo patalkugba asa Godna nof la afsug feg eba enaig eseg Sisas ehe munum lahana mas mog feg mo.

Hibru 7:21

Afa maia God wasneig mo sihi fwahaiba sa Sisas pris fefe. Eba God ehem enaig esona og; Ka enaig mo wasneig sihife fwahag asa mas sonaig mom wahigi wahigi fei afa kog, “Neba pris wahkig gofufe.” Sam 110:4

Hibru 7:15

Afa ming onigig eba ambala ogfug asa ming mulug pris pugug eba ehe ofenaiba Melkisedek lofug.

Hibru 5:6

Afa ming buk laba God enaig esog; Eba ne wahkig pris gofufe ofenaiba Melkisedek. Sam 100:4

Galesia 4:9

Afa ilawaba ne Godim anwenafenag afa ka pese onigigim sa ka enaig esog God ati nem anwenafenig. Afa haigsegba ne membeg og ka pese ikanam afa bite nai onigigm patalku? Eba auwiauwig afa mas ne kweafui. Haigsegba ne og ka pese ikanam ehena esug gafugag el go?

Hibru 6:20

Afa enanai yi Sisas ati gof ikagim bigelni minam tohla fwahag. Afa ehe wahkig prisni misog el fefe ofenaiba Melkisedek.

Hibru 5:10

Afa God ehem prisni misog el kanog fwahag ofenaiba Melkisedek.

Galesia 4:3

Afa bigel gafa maia big luwal wetitinig asa big bite nai onigigim ahnai skaufinim afa enam esug gafugafini.

Hibru 7:12

Afa pris atiaba mulug fegba asa ma nihe mo gafa mulug fei.

Hibru 7:13

Afa God Ainiyagim ningihiag mulug pris lofug eba algana simbianiga la nai fena afa mas amban mungu hefgel ehengenai pris gafugag esena mo.

Hibru 9:6

Afa maia mungu mungu osuna sonaig gawigba numweheagi fwati finibi asa prisbi afu bambug megam saiye fenam asa heafgelni gafugag eseagifini.