Galesia 4:21 - Godna mo Awai mona go

²¹ Afa amban nengel nihe mom ne membigim asa ahnai skaufinig sa ka wahigi sihini. Atiaho ne nihe mog mo anwenafig me awai me?

Galesia 4:21 Referans Kwoze

Galesia 3:10

Afa amban el enaig onigifefe ka nihe mo patalkuiba ka afsug el fefe afa mas manigei eba God enag elim amtakwalig klaitife asa Godna ginof enaig esog, “Afa Moses nihe mo buk la ginofena afa amban el mas enag mungwali nihem wahkig patalkug mo asa God ehem amtakwalig klaitife.”

Mo Pol Rom la nai Elim Ginofe Faini 3:19

Afa big anwenafig bigel Ju el nihe mona ahnai skau afohie asa big Ju el enaig esofe ka mas amtakwalig esena mo. Asa God Ju el mi afa afwambanai el mi bigim gwenaig kwefihiagefe.

Galesia 4:9

Afa ilawaba ne Godim anwenafenag afa ka pese onigigim sa ka enaig esog God ati nem anwenafenig. Afa haigsegba ne membeg og ka pese ikanam afa bite nai onigigm patalku? Eba auwiauwig afa mas ne kweafui. Haigsegba ne og ka pese ikanam ehena esug gafugag el go?

Mo Pol Rom la nai Elim Ginofe Faini 6:14

Afa ese amtakwalig nihe nem gosenafe. Eba mas ne Mosesna nihe mo ahnai skaufenai amo eba ne Godna esmunagim kwaganig la ahnai skaufenafe.

Suialag Mo Jon Ginofena 15:25

Afa autunam ehengelni nihe mo enaig esog; Ehengel kam munum olug kakagini. Sam 35:19, 69:4 “Afa glawo enag mo nufunam pugug.

Suialag Mo Jon Ginofena 12:34

Afa ehengel esogona og, “Godna buk enaig sihifeg Godna Gisfu Fwahag El wahkig gafife. Haisegba sa ne enaig sihifeg Nufunam Elim sisi yi kahlife? Kagelim sihini Nufunam El amban maia?”

Suialag Mo Jon Ginofena 10:34

Afa Sisas esona og, “Nengelni nihe mo la God elim enaig sihifena og, ‘Nengel god lofig.’

Suialag Mo Luk Ginofena 16:29

Afa Abraham esona og, ‘Mosesna mo i afa mo fliule elni mo i sa ma numwehe angug labuihaginim hwa moba higi.’

Suialag Mo Mak Ginofena 10:3

Sisas piskenam sahini, “Ahnaig mo Mosesmba nem faini yuwanamba?”