Filipai 1:23 - Godna mo Awai mona go

²³ Afa ka sambaga mina membeawagig. Afa koka hwa bite fwahanam ika Krais i hawagfim enaba suialag nemug feg.

Filipai 1:23 Referans Kwoze

2 Korin 5:8

Afa ka pese sihi kagelni onigig eba wasneig go. Afa kagel membig hwag elig fwahanam afa Ainiyag i suialag hawag ahfefe.

Sumi Yi Puguiag Mo 14:13

Afa ka higig heven lanai mo enaig esog og, “Sa ginofe, ohnanam ilawo fenam ikan autunai la fefe ambanim sa Godna gafugag la lahafe eba sa ma sifakalei.” Afa Godna Sungwabug gafa gwenaig esog og, “Eba nufunam, heafgelni kinig fwahinim hekulifibi afa heafgelni suialag nihe eba ambala pugunifie.”

Aposel 7:59

Afa maia funna awagfinibi afa sa Stiven enaig esona og, “Ainiyag Sisas nimbe kana sungwabug mo flana.”

Suialag Mo Luk Ginofena 23:43

Afa Sisas ehem enaig sihifena og, “Ka nem nufunam osihina glauwaba ne kai heven la hawagfife.”

2 Timoti 4:6

Afa osu muhla ofe kaba lahafe eba ofenaiba sis asa suwi la tuhlufugum Godim faig.

Suialag Mo Jon Ginofena 17:24

“Afa hwa bite puguia fwainig fiahfenaba ne kam fwina membenam asa ne kwania unehlag kam faina. O Api, ka membeg mungwali el ne kam faig ma ka nai yi ohi afofiba sa ma kana wasneig nangui.

Suialag Mo Jon Ginofena 12:26

Afa amban ne kana gafugag esenag ehe sama kana onigigim patalblui. Asa ka hanai yi feg eba kana gafugag el gafa gwenanai yi fifife. Afa amban el kana gafugag eseg asa kana alag ehem suialag onafe.”

1 Tesalonaika 4:17

Afa sumi yi Ainiyag bigim nofkena elim lambinam afa big mungwali lahag el i afa nofkena el i big leango gam kwalafufi asa Ainiyagim of la enanai yi uflinim asa big Ainiyag i wahkig auguiafife.

Suialag Mo Jon Ginofena 14:3

Afa ka nengelni skag numwehiagenam asa ka pese blonam nengelim lambinam asa big mungwali enanai yi afu augufe.

Suialag Mo Luk Ginofena 12:50

Afa maia ka lahafe eba enaig ofenaiba ka alganam bula pe flag sufe, enag kam olug fwina kinig enaig gafugag sa ma gohun ikan enenam awaie.

1 Tesalonaika 2:13

Afa maia ka mo ublu sihigba afa ne mo higinim asa ne enaig esog hwaba mango elni moa mo eba Godna mo. Asa gwenaig ka Godim suialag onug. Afa enag hwa mo Godna el nai yi sefu gafugafe enag naho ogfu eba nufunam Godna mo.

Suialag Mo Jon Ginofena 13:1

Afa enanam Pasova buyis meyini ofefenaba. Afa Sisas anwenafena ehe bite fwahiagim ati muhla ofe asa Alag nangum pese ikafe. Afa ehe heafna elim wahkig membenig fafefe asa hwa bite la feg asa ehena membug gwesim mungwal faifeni.

Suialag Mo Luk Ginofena 8:38

Afa Sisas akofenaba el sa Sisas suiala fefatina enag Sisasim sahna og, “Sa big ahkai.” Afa Sisas ehem onigihiafna enaig esona og,

1 Tesalonaika 2:1

O nilite, ne anwenafig maia kagel nengelim wanauguiafenaba afa kagelni gafugag mas esug puguna mo.

2 Korin 6:12

Afa nengelim membeg gonug kagel mas enag fwahig mo eba nengel kagelim membeg gonugim oksig.

Filipai 1:24

Afa maisiaba ka gofiba eba ka ma nem kwaganife.