Aposel 3:4 - Godna mo Awai mona go

⁴ Afa Pita i Jon i fwina ahnangwagohun afa Pita enaig esona og, “Osum kam nangwag.”

Aposel 3:4 Referans Kwoze

Suialag Mo Jon Ginofena 11:40

Afa Sisas sihina og, “Ka nem ati sihinag afa ne kam olug oniginaiba eba ne Godna wasneig nangufe.”

Aposel 3:12

Pita nangwaghiagenam enaig sihifeni og, “Nengel Israel el haig esegba sa ne sineminefig maia enaig pugugba, haig esegba sa ne kam fwinam nangwagsiga masa ne enaig onigigfife eba kaningina wasneig me amo kaningi afsug kabag el me asa sonagba esahfeg. Amo eba awai.

Suialag Mo Luk Ginofena 4:20

Sisas Godna moamo suwigi pe fwahanam pese buk mo pwakafenam elim fainim asa ehe mo ika peganam afa mungwali el laskuhlag lalanai Sisasim mungu nofna nangu flafna.

Suialag Mo Jon Ginofena 5:6

Afa Sisas ehem nangunam afa anwenafena ehe wahkig gwenaig fena asa ehem sahna og, “Atiaho ne membeg sa ma nem suialafe?”

Aposel 11:6

Afa ka nangunamba haig haig sis i wutlai i afa twafig i saiye afogoafna.

Aposel 3:1

Mungu osuna Pita i Jon i beten ahfegim osu efilagna Godna kwania lala ahkana.

Aposel 3:3

Afa enag elbi maia Pita i Jon i ahkana mengig la hopugufnaba asa nangwagnam kaminini og kam mangwal ahfai.

Aposel 3:5

Afa sa nangwagaufena, ehe enaig onigina og, eba kam mangwal ahfaife.

Aposel 3:11

El ena mom higni maia enaig pugunaba asa sineminefinim kikini ambegohna enag elim nangugim. Afa ambe nanguinibi ehe ati Pita mi Joni mi ketiginam gofna. Enam pugunamba eba Godna Kwania lala, afwambag sime la enaba seflig og, Solomonna afwambag sime.

Aposel 10:4

Afa ehe nangunam embefena og, “Saglag, mango maia?” Afa oflanai el wahigi sihina og, “God ati neana sahanagim higig afa sa ne gawig fwainig elim kwaganig enaba ati anwenafegim asa onigina go.