2 Timoti 1:12 - Godna mo Awai mona go

¹² Afa ka enaig esegba asa ka enag kinig yi kalabusig. Afa ka mas enam afwanfeg mo. Eba kati Sisasim olug oniginag asa ka anwenafeg gafugag ehe sa kana ninga la fwahag eba Sisas enam numwehefkufufe ikan asa ehe pese blofe.

2 Timoti 1:12 Referans Kwoze

2 Timoti 1:8

Afa nofeka Ainiyagna mo ambala sihiagim afwanfe afa nofeka kam ningmange eba ka enaig esegba asa ka kalabus yi goh. Afa sa ne ka i ahgonam Godna suialag mo la big kinig ahflafe. Afa Godna wasneigni ne enaig esefe.

Mo Jut Ginofena 1:24

God ehe nengelim kwaganig asa mas nengelim ambanim pei. Afa ehe nengelim lambig lamblug asa heafna nof la afohie afa nengelni amtakwalig eba awai sifakaleg mungu feg.

1 Pita 4:19

Afa atiaba Godna sawieg la mingnag el kinig fligbi asa ehengel suialag nihe esibi asa enaba ogfug hefum Godna ninga la fwahig. Afa God elim esenaiba asa heafna mo sihi fwahagim suialafiahflafe.

2 Timoti 4:8

Asa kikini gosena prais kam nengenawo eba ka ika flafe. Afa maia Ainiyag mungwali elim suialag kwefihiage ofefiba afa enanam enag prais ka flafe eba God kam og ne sufniag el feg. Ehe mas kam mungu ese nai amo eba mungwali el heafna pese blogum enam membigim asa nenge afla asa enaig elim gafa gwenaig esenifi.

Hibru 7:25

Ehe wahkig gohba asa Godim sahnag og sa ma God elim kwagani. Afa glaufenam afa ikan autunai la fefe eba ambangel maia heafna unehlag la God nangum ambefiba asa ehengelim lambfife.

1 Timoti 6:20

O Timoti, gafugag sa God nem faig sa ne enam suiala fiahfla. Afa mingnag mwakwalule el enaig esog kagelni anwena onigig eba suialag afa enam mo behigim sa flafihiagigim afa amtakwalig mo sihig. Sa ne enaig elni mom membifeni.

Mo Pol Rom la nai Elim Ginofe Faini 1:16

Afa ka mas Kraisna suialag mom sihiagim mas ka afwanfeg mo. Afa Godna kigmog enag suialag mo la go. Afa amban el asa enag mom olug onigig asa God ehengelim mungwali lambig. Afa enag mo gof Ju elim puguni afa sumi yi gafa afwambani elim puguni.

Matyu 24:36

“Mas amban anwenafe hag osuna sa enaigba pugufe. Godna oflanai el i afa heafena Leg mas anwenafig mo eba Alag mungu anwenafeg.

1 Pita 1:5

Afa nengel Sisasim olug onigigbi asa God heafna wasneigni nem kikagfo lambfiego afa sumi yi osuna ehe nem ambala pese lambiba asa ne suialag augufefe.

2 Timoti 1:18

Afa maia Godna Kwefihiawageg osuna ofefiba ka membeg Ainiyag sa ma ehem aflafenai. Afa ne ati anwenafeg Efesus kembig la nai ehe kam suialag kwefufini.

Filipai 3:21

Afa eba ehe heafna wasneigni blonam bigna auwiaug lahag lofugim waikefenam asa heafna wasneig elig suialagna big fifi. Afa enag wasneigni mungwali gawig esinibi asa apaiye ehena ahnai skaufifi afa bigna eligim waikefenife.

2 Timoti 2:9

Afa ka enaig suialag mo sihiagegba asa ka kinig flagim afa kam kikenageg ofenaiba kalabus el feg. Afa el mas Godna mo kwini.

Filipai 3:10

Afa koka numwehe Kraisim anwenafenage. Afa Godna wasneig ehem biteg kifenai ihlafo fatig afa ka membeg enaig wasneig sama kam gohnai. Ka sa gwenaig nihem patalkuiba sama kam kinig i lahag i gwenaig pugufenai.

Filipai 3:8

Afa ka onigig sonaig nihe i afa mungwali kana gafugag i eba esug feg. Afa kana Ainiyag Sisas Krais ka ati anwenafeg eba enag goseg. Afa sonaig gawig eba ati ka esgum fungiske lofug klaitig afa koka sa Kraisim numwehe anwenafenam asa ehena el nemug fenam

1 Korin 3:13

Afa maia Krais pese bloiba Godna suwi enam ogfufe el haig gafugag eseagig, fi suialag me awai amtakwalig me asa enana ambala apukenfie. Afa suwi eba mungwali elni gafugagim yuhnag feg.

Suialag Mo Jon Ginofena 17:15

Ka mas nem esonai enag elim lambiba sa ma hwa bite la fwahi amo, ka nem enaig sahna fenag sa ne kagfufe hiage gofiba eba Satan mas ehengelim amtakwale klaiti.

Matyu 12:21

Afa afwambanai el nengeafufiba asa ma kwagani. Ais 42:1-4

Mo Pol Rom la nai Elim Ginofe Faini 9:33

Afa Godna ginof enam enaig esog; Sa nangu, ka Saion kembig la fun faka fwahag asa enag elim molkeg fetife gofufiba asa ehengel apaiye fife. Afa ambangel ehem olug oniginibi eba mas afwanfi. Ais 8:14, 28:16

1 Pita 4:16

Afa ne Kraisim patalfugba asa enanai yi kinig ne flig eba nofeka enam afwanfi. Sa ne Godim suialag oni eba ati ne Kraisna unehlag na fig.

Hibru 12:2

Afa bigelni olug onigigba eba Sisas mog feg afa ehe bigelim esenigbi asa enag onigig kwania fiahgeg. Afa nawo ehem mungu sa big nangwafofum. Afa ehe mas li katigegim fwahana mo amo ehe enaig onigig fena mangwal sa sumi yi pugufe asa enam sifakalena. Afa mas afwanefumba onigina mo maia li katigeg la esofini finibi afa glauwaba eba Godna muhla pega.

Hibru 2:18

Afa Satan ehem ati yuhnag kinig faig. Afa Satan elim yuhnagim asa ma Sisas sonaig elim kwagani.

1 Tesalonaika 2:16

Afa kagel Godna suialag mo afwambanai elim sihigoni afa sa ma God ehengelim pese lambi. Afa Ju el ona kagelim kwegoni ena mo sihigim. Afa ehengel amtakwalig wahkig gwenaig esiafu afa enag nihe asa ehengel nai yi memtog la pugug. Asa glanwo Godna kwania ninimu ehengelim fenig.

Filipai 1:20

Afa ka enam wasneig onigig feg masa ka wetiklug afwanefug flafe eba ka tahlag la eseagefe asa glau kalabus yi ka feg afa autunai la gafa enaig ka esegba eba ka Sisasna unehlagim fingi fukug. Afa kam lahai me awai ka nofkikena gofi me koka enaig ese.

Aposel 21:13

Afa Pol wahigi sihina og, “Mango fegba afa ne wewatig asa kana olugum kinig feg. Enanam ka Jerusalem la Sisas Ainiyagna gafugafefe afa enanai yi kam kalabus yi fati afa kam tigifati eba kati numwehego. Eba mangwal ka fiah mo.”

Aposel 13:50

Afa Ju el kembig lanai saglag el mi afa Godim lotu fenag misog angwafig mi ehegelni olugim waike fegonibi asa ehegel mas Pol mi Barnabas mi membegoni mo. Asa ehegel eheningim kinig faigona asa ehem enanai ningitigini.

Aposel 13:46

Afa Pol i Barnabas i fwina wasnei ahogonam wahigi ahsihini og, “Eba nufunam ilawana kati nem Ju elim Godna mo ahfainimbi afa nimbe ne oksini afa mas ne nofkikena suialag wahkig gagim onigi mo. Naig fenamba na sa ka nem ahfwatigim afwambanai gam ka hako.

Aposel 9:16

Eba ka ehem ogfunafe asa mungwali susug flafe maia kana gafugag ofekafiba.”

Aposel 7:59

Afa maia funna awagfinibi afa sa Stiven enaig esona og, “Ainiyag Sisas nimbe kana sungwabug mo flana.”

Suialag Mo Jon Ginofena 6:44

Sa higi, afa el ehe mas kam patal blui eba kana Alag ehem awamonam asa ka nangum wani bluife. Afa ka kwefihiageg osuna ehem ihlafufe.

Suialag Mo Luk Ginofena 23:46

Afa Sisas ambwaitina esona og, “Api, ka kikeafna sungwabugbi nibeafna ninga la afwaha.” Afa ena mo sihinam asa lahana.

1 Tesalonaika 5:4

O nilite, ne mango sikulefeg la nai mo afa maia enag osu opugufiba mas ne sineminafi asa ne ukwef elim safenafe.

Suialag Mo Luk Ginofena 10:12

Ka nem sihinig God elim kwefihiagegim ati enag osuba wegfu fwahiag. Enag elni kinig sa opugun eba gwesim hilifeg Sodomnai elni kinigim kwegfugkag.”

Matyu 7:22

Enanam ka mungwali elim kwefihiagefe el kam sihinife og ‘Ainiyag Ainiyag’, ati ka neana unehlag la mo fli sihiafug. Afa neana unehlag la ati ka sanel amtakwalig ningitigifi afa neana unehlag la ka haig haig kigmog ogfug.

1 Korin 1:8

Afa God nem kweafugba asa ne wasneig gohunam ikan mungwali awaiye osuna asa maia bigelni Ainiyag Sisas Kraisna osuna puguiba el nem mas sehi.

2 Timoti 1:14

Afa God nufunam mo neana ninga la fwahag asa ne suialafiahfla. Afa Godna Sungwabug bigel nai yi sefu goh afa heafna wasneigni sa ne enam mom numweheafla.

2 Timoti 1:16

Afa Onesiforus ka nangum blogum ehe kam olugim kigmonag asa ka og ma Ainiyag heafna afahumonig aflafeni. Afa ka kalabus el feg asa ehe mas kam ningmangenai.

Taitus 3:8

Afa enag mo eba nufunam. Afa enag mo sa ne keahlanam wasneigni sihi afa amban Godim olug onigig asa ehe suialag nihem fwina onigigim asa enaig eseg. Afa enag mo eba suialag asa elim kweafug.