2 Korin 7:6 - Godna mo Awai mona go

⁶ Afa amban elni onigig maia auwiau ofeba asa God ehem wasneinag afa ehe enaig sahfefe. Afa maia Taitus blogba asa God enana kagelim wasneinig.

2 Korin 7:6 Referans Kwoze

2 Korin 7:13

Asa enagba kagelim esenigbi asa ka aflahlanam augug. Afa Taitus kam enaig sihifenig nengel ehem suialafe flini asa heafna kaksag onigig awaieg asa ka enam fwina sifakalig.

1 Tesalonaika 3:2

Afa Timotim mo ka ahningihiag nem nangwagigim. Afa ehe bigelni nilite asa Godna gafugag el feg asa Kraisna suialag mo sihiakag. Ka ehem ningihig sa ma nengelim wasnei lafinam afa nengelni olug onigigim kwagani,

Filipai 2:1

Atiaho sa Krais nengelni onigigba wasneinig? Afa atiaho sa heafna membuglaba esegba asa nengelni olug enesiegba fai feg? Afa atiaho sa Godna Sungwabug ni ne esinigbi asa ne mungu nilite fig? Afa atiaho sa ne mingnag elimba aflafegonug? Ei, eba nufunam feg.

Mo Pol Rom la nai Elim Ginofe Faini 15:5

Afa ka Godim enaig beten enag. Afa God nengelim kinigim kawaganam asa big wasneig afohie afa onigigim wasnei hiagefe afa ka membeg enaig God sa ma nem esenibi sa ne mungwali mungu onigigna ugweg augufenam asa ne Sisas Kraisna nihem patalfu.

Matyu 5:4

Ambangel sa wewatini auguia enamba sa ma sifakalifi eba God ehengelim olug enesieg faifi.

Suialag Mo Jon Ginofena 14:16

“Afa ka Alagim sahnam asa ehe nengelim ming Kwefwag el ningihianife eba nengelim simbigahlanam wahkig wangofife.

2 Korin 7:7

Afa kagel ehem nangugim afa sifakalig nengel ehem numwehe flig asa ehe blog. Afa ehe kam enaig sihifinig ne membig kam pese nangu afa ne nimbeafna amtakwalig onigig asa ne olug kinig afa ne kam aflafinig asa ka fwina sifakaleg.

2 Korin 7:14

Autunam ka Taitusim mo sihina asa ka nengelni unehlagim finig fig afa ehe nengelim ika nangwagig asa nengel ehem suialafinig afa ka mas afwanfeg mo. Afa mungwali mo ka nem sihigonig eba nufunam asa nengelni nihe ogfug enag mo ka Taitusim sihinag eba nufunam.