2 Korin 5:7 - Godna mo Awai mona go

⁷ Afa mangwal sa big nofna nangug bigel mas enam patalukui. Afa bigelni olug onigig bigelim mina ogfunig.

2 Korin 5:7 Referans Kwoze

2 Korin 4:18

Afa bigel mangwal asa nofna nangug mo asa big enam fwina onigig. Afa bigel mangwal asa nofna mas nangug mo asa big enam fwina onigig. Asa mangwalim big nofna nangug eba mwakwalig gohnam awaiefe. Afa mangwalim big nofna mas nangug mo eba wahkig wahkig gofife.

1 Pita 1:8

Afa nengel ehem mas nangug mo afa ne ehe nai yi fwina onigig lugwafba afa glau nengel ehem nangu fwainig fig afa ne ehem olug oniginigim asa ne sifakalig. Afa enag sifakaligba hwa bite nai sifkalim gwesim hilifenag enaba mo mas ihla ogfui.

Hibru 10:38

Afa kana el sa kam olug oniginigim asa afsug afohie ehengel eba wahkig auguiag flifi. Afa ambangel sa pese lakumues afugba enaba mas ka ehem sifakalenig mo. Hab 2:3-4

Galesia 2:20

Afa ka Krais i mungwal li katigeg la ahlahag. Asa enag mulug nofkenagag ka nai yi go eba mango kana wasneig mo eba Kraisna wasneig ka nai yi go. Afa eligni glaunu sa ka ese go eba ka Godna legim olug oniginagim asa ka eseg. Afa ehe kam membenagim asa heafna nofkenagag kam faig.

1 Pita 5:9

Afa ne anwenafig mungwali hwa bite la nengelni kristen nilite gwenaig kinig flig asa nengelni olug onigig wasneig gofiba afa Satanim fingi fati.

1 Korin 13:12

Afa glau big mangwalim sa nanguig eba ofenaiba mangwalna sungwagim bu nof la mas big numwehe nanguig mo. Afa autunai la big enam numwehe ambala nangufi. Afa glau ka mungu mungugim anwenafeg afa enanam maia mangwal netini puguiba asa kana anwenag gafa enanam netini pugufe asa ofenai mungwalofug God ati kam anwenafenag.

2 Korin 1:24

Afa kagel mango nengelni misog el fig mo asa ka nem esogunug sa ne Godim olug onigini. Kati anwenafig nengelni olug onigig wasneigni neafohie asa kagel nengel nenam gafugafibi asa ne sifakali.