1 Pita 5:8 - Godna mo Awai mona go

⁸ Sa ne numwehiaginim afa nof fiahgifibi. Afa Satan nengelni angoluwag eba ofenaiba laion euaka ona elim tige ne.

1 Pita 5:8 Referans Kwoze

Efesus 6:11

Afa hagigna wag God nem lambwaieg sa ne aitiaginim asa ne wasneig afohnam afa Satanna hagig onigigim nem mas pigaupi.

Jems 4:7

Nimbefum nimbehe enaig esi epikunam Godna singag finim gofwehe, ehefena mom pahlugafum. Enaig esi, Satan Uflogumo plauwofati emba sa esenam Satan ehenag embem ikai.

Efesus 4:27

Masa ne Satanim mina pigi fwahafe.

1 Pita 1:13

Masa nengelni onigig haig haig la ikaminefenfie sa ne Sisasna mo numweheg kehlagufiba asa ne nof feagegofim. Afa sa ne gunag onigig la afohiefiba asa ne nenge afofum eba maia Sisas Krais ombusug yi puguiba asa God nem esmunagim kwaganife.

1 Pita 4:7

Afa mungwali gawig ati awaiegim muhla ofe. Afa sa ne onigiwaginim afa numwehiagifim asa ne beteni.

Suialag Mo Luk Ginofena 21:36

Asa ne numwehi afohiafiba sa ne Godim wahkig sahna fufum sa ma God nem wasneig faibi sa ne enaigim kwegfu afu, eba ne Nufunam Elim nangunim afa ne mas ehem afwane fini.”

Suialag Mo Luk Ginofena 22:31

Afa Sisas Pitam sihina og, “Saimon sa hig, Satan Godim sahnag ogna neana olug onigigim yuhna. Asa ofenaiba efef liim fe safla faka ofefla.

Taitus 2:12

Afa God enaig eseg sama bigel suialag mina patalfui. Suialag minana nihe enaig eseg. Nofeka Godim masigim fatinam afa bitenai onigigim fla. Asa befum numwehiagenam afa suialag nihe hwa bite la sa ne enaig ese.

Sumi Yi Puguiag Mo 12:12

Afa nengel sa heven la go sa ne sifakali eba ati Satanim enanai ningihi. Afa bite nai i afa bu lanai i niasabanig, Satan ati anwenafeg ehena osuna awaiegim meyiofe. Afa sa nengel nangum pe blonam asa ehe fwina olug kakageagefe.

Suialag Mo Jon Ginofena 8:44

Satan eba nengelni alag asa ne membig heafna gafugam esig. Afa autunam nemug ehe elim tigeule afa mungwali nufunam mo ehe mas fatig afa nufunam mo ehenai yi mas go mo. Afa Satan mwakwal el asa mwakwal elni alag feg. Afa maia ehe mwakwal mo sihigba ehe sifakaleg asa enag nihe ehem mog feg.

Matyu 13:39

Afa amtakwalig el lanuwe laitiageg eba Satan. Maia nefgenai lambigim ofefiba asa enanam mungwali awaiefe. Afa gafugag el eba oflanai el.

Sumi Yi Puguiag Mo 12:9

Afa ena kwania kafaba eba Satan. Ehe sombine autunai fegim mungwal bitenai elim mwakwalenugego. Enam flig afa heafna of lanai elim lambig asa heven lanai lambi ningitigigbi asa bite gam apaiye ambeg.

Matyu 24:42

Asa numwehifibi mas ne anwenafig mo hag osuna nengelni Ainiyag blonigim.

Sumi Yi Puguiag Mo 20:10

Afa Satan enaig mwakwalenugiakag afa sa God ehem suwi lagig yi afa salfa fun lagig yi enanai yi fatig. Afa enanai yiba sangwali sis i afa mwakwal profet i ati ahgofenaba asa ehengel ena susug wahkig osuna i afa sinaini i lambafofofe.

Suialag Mo Luk Ginofena 21:34

Afa Sisas enaig sihifeni og, “Nengel sa ne numwehifim. Nofene buyisifi afa uflogna bu ahgagifi afa fwinam onigwageafufum. Masa enag osuna ikagna nem pugunifie. Afa ne mas numwehiagig mo.

Taitus 1:8

Afa ehe elim kwaganiule maia membi ambegoba afa suialag nihe membeg afa hefum numwehiefku afa heafna nihe suialag afa ehe Godna nihe mo patalkug afa ehe fwina wasneig el enag suialag mina patalkuia.

2 Timoti 4:17

Afa Ainiyag ka i ahgohugum afa kam wasneig faigba asa ena wasneigni ka mungwali suialag mo afwambanai elim sihinugenaba sa higini. Afa Ainiyag kam kwefugba asa ka lahagna mina nai pugug.

Taitus 2:6

Asa kwablog elim gwenaig sihifegonigi nimbiafgelni elig mi afa onigig mi sa ne numwehe lamfifim.

Taitus 2:2

Asa ne saglagim enaig esoni numwehe nimbiafna nihem onigiwage asa mungwali el nem enaig esoni neana mo eba nufunam. Afa ehengel hefum numweheagig afa heafna Sisasim olug onigig eba suialag afa ehe mingnagim membegoni asa kinig ehengelim pugunibi sama ehe wasnei afofi.

1 Timoti 2:15

Afa angwafig sa ma enaig esi Godim olug oniginakafi afa elim membenikafi afa heafna nihe suialag gwenaig gofi. Afa enaig esibi maia luwal wanigaufiba asa God ehem kweafunam asa suialag augufi.

Sumi Yi Puguiag Mo 20:2

Afa ehe kafa kwaniam kehlagu. Afa ena kafaba eba sombine autunai nemog enaba seflig Satan. Afa of lanai el ehem 1,000 yia la senna kike fwahag.

Taitus 2:4

Asa ma ehe angwaming angwafigim sihigoni nimbiafna alagagim afa luwaligim sa ne membeni.

1 Timoti 3:11

Afa ehengelni angwafigni nihe gafa sa ma suialafi afa esi elim mo sumifinife afa esi mina la wahgi gofife afa enaig angwafig sa sihig eba naho nufunam mo sihig.

1 Timoti 2:9

Afa ka onigig angwafig gafa enaig esi, heafgelni eligim suialag lofugna aitiagig afa enag lofug angwafigni suialag nihe ogfug. Afa haig haig wagna angwafig heafgelni eligim fiagig masa lapo kikeagig afa egig aitiagig afa labana lofug asa kig kwaniana lambig,

Matyu 4:1

Godna Sungwabug Sisasim el fwainigam wanikina og ma Satan yuhnai.

1 Timoti 3:2

Afa siosna misog el masa haig haig amtakwalig esefe. Ehe sa ma mungu angwafigni fei, afa heafna onigig masa ese fapusofefe, sa ma aflahlanam fei, afa saglagna onigifei, afa afwambanai elim lala gam wankai afa Godna mo mingnagim ogfunigim eba ma sefei.

Matyu 25:41

“Afa sa misog el sahaganai elim sihinifi og, ‘Kam fwahinim afu. God nem heafna mona esinibi. Sa ne suwi lagig kembig gam afu. Ena kembig Satan mi afa heafna gafugag el mi ati numwehiagig fwahanig.

Matyu 4:11

Afa sa Satan Sisasim fwahanamba. Afa oflanai el ambe Sisasim kwefuni.

Suialag Mo Mak Ginofena 4:15

Mingnag nogwo minawa apeigog. Enag enaig feg, el mayi Godna mom higigmbi gwenanam ehe Satan bogum ehelni oluyinai Godna mom enag wambuk.

2 Korin 2:11

Masa Satan gof sefenam bigim filaitife. Afa sa big ati numwehe ehena gafugag nihem anwenafi.

Sumi Yi Puguiag Mo 12:10

Afa ka higigba heven lanai mo enaig esog og; Afa glau Godna kwefuag ati ambala pugug. Afa heafna wasneigni mungwali bite ehe nangwagihiagego. Afa heafna Gisfu Fwahag el gwenaig esefe. Afa osuna i afa sinaini i Satan Godna nofbusug la gohba Godna elim fasehtigifego afa sa ilawaba ati ehem heven lanai fli ningihig.