1 Korin 8:9 - Godna mo Awai mona go

⁹ Afa nengel sa haig haig fane gaunam ahgagig sa ne nimbeafum numwehe nof mo fifibi masa ne eseba afa el mas olug onigig wasneig feg mo asa ehe gwenaig esenam ehem pefe.

1 Korin 8:9 Referans Kwoze

Galesia 5:13

Kana nilite, God nem awamonig asa ne mas nihe mom ahnai skau gofi eba nufunam asa nofeka ne enaig esog ka kikeafna eligni membugum patalkuagim. Amo, sa ne nimbeafgelni kristen nilitem membeagi afa nimbefim fakwaganiagi.

1 Pita 2:16

Afa God nem og, se eseafufum asa nofeka enaig onigigi ne og ati ka enaig mo flag eba ka amtakwalig esefe. Amo, sa ne Godna esug gafugag el afohie.

2 Pita 2:19

Afa ehengel enaig esogog sa ne kagelni nihe patalfuibi eba asa mangwal mas nem kike lambugufi. Afa ehengel eba esug gafugag el fig asa amtakwalig nihe ehengelim kikelambugu. Afa mangwal elim filafatig asa enag el eba ehena esug gafugag el fig.

1 Korin 10:24

Afa nofeka nimbefum mungu onigim afa sa ne enaig onigife haig sa ka esenam asa ka mingnag elbi kwaganife.

1 Korin 10:32

Afa neana gohug sa ne suialag gohe nofeka Ju el afa afwambanai el afa Godna el mi kinig fai.

1 Korin 9:22

Afa el sa olug onigig mas wasneig mo maia ka ehengel nanam gagba sa ka gwenaig augufeg asa kog ehengel sa ma Godna el apukefi. Afa mungwali haig haig el nanam sa ka gwenaig augufeg asa haig haig mina gam mingnag sa ma Godna el apukefi.

1 Korin 8:12

Afa ne enaig esegba afa enag nilite amtakwalig eseg asa eba ne ehena onigigim wasneig fwainigim amtakwale fatig afa ena mina eba ne Kraisim amtakwalig nihe finig.

1 Korin 8:10

Afa el mas onigig wasneig mo nem nangugum afa esog ne suialag anwenagna feg afa ne ikagim sefu mwakwal godna lala fane neg. Asa ehe nangunam afa ehe gafa ogna gwenaig ese.

Sumi Yi Puguiag Mo 2:14

Afa ka nem osehtigi afa minganag el gwese Balamna onigigim patalfuia. Autunam Balam Balakim mina toahlanag ogma Israel elim amtakwalig nihe la saiye afa sama mwakwal gotim faig fane ahagai afa sama apukenam aga taituna afui.

2 Korin 11:21

Afa nengel haig onigifig kagel wasneig awai me afa kagel embefig me asa mas nengelim gwenaig esegoni? Ka mas ehengelni nihe esig mo afa ka onigig ne membig kam og ma enag afwanfig flai. Afa amban el hefum fingi feba asa ogfug kike wasneig nifig afa ka gafa kikeafena wasneig ogfufe. Afa enaig mo eba onigig etetig elni mo.

1 Korin 10:29

Afa ehe enaig onigig safeg amban enaig eseg eba amtakwalig nihe patalkug. Afa enag el nem enaig onigifenaiba asa nofeka enag fane ne. Afa atiaba amban el enaig sahnafegba og, “Eba haisegba sa ming elni onigig kam kwenag?”

Mo Pol Rom la nai Elim Ginofe Faini 15:1

Afa big wasneig olug onigig nafig asa big el wasneig fwainig fig enam kwaganim ehengelni kinigim flagon. Afa big mas bimbeafgelni sawiegim patalfui afa big mas bimbeafgelni sawiegim patalfui afa enam sifakalfenai.

Matyu 18:10

“Ne numwehifibi nofe ne luwalim pagaupenam afa eso, esim gofiba. Afa ka nem osihini heafgelni oflanai el kana heven lanai Apina nofbosugim wahkig nangwafu.

1 Korin 10:28

Afa atiaba nem enaig esonafe og, “Hwa sis ati mwakwal godim faig.” Asa nofeka enag sis ne. Afa ne enaig sis neba el sa nem sihinag masa ne ehem kinig faife.

2 Korin 6:3

Masa el kagelni gafugagim kwasigonifie afa kagel mas mangwal Godna mina la sugwi asa elim wegmusufe fati.

2 Korin 11:29

Afa kristen nilite asa mas wasneig mo afa ka gafa enam kinig kahlag. Afa mangwal asa elim guflakugim asa amtakwalig eseg ka enam fwina ninimug.

Kolosi 2:8

Afa numwehefibi masa el nem mwakwal mona sulufufe. Ehe mas Kraisna mom onigig mo eba ehe mo behig sihiafu eba simbiagana onigig mi afa bitenai onigig mi fligim asa sihiagiafu.