1 Korin 4:9 - Godna mo Awai mona go

⁹ Afa ka onigig God kagelim kanog fwatig elim sum fwatig. Afa kagel eba ambala kwagi klaitig el lofug afohie. Asa mungwali el afa oflanai el gafa kagelim fwinam nangwasiga.

1 Korin 4:9 Referans Kwoze

Hibru 10:33

Afa ahnana mo nem el ambala molampbi gonigim afa nem susug faigog. Afa ming nana mo maia hihem gwenaig esegonigbi asa ne hihe nenam afohiegim.

Mo Pol Rom la nai Elim Ginofe Faini 8:36

Eba gwenaig Godna ginof esog; Afa kagel neana el fig asa el wahkig kam ona kwagaitifi. Afa el ona kam enaig esehiagi asa ofenaiba el sipsipim kwaskofafifi. Sam 44:22

Hibru 1:14

Afa mungwali oflanai el eba sungwabug figim afa Godna gafugag el fig. Afa sa God ningitigiba elim God sa ona lambim enam kwaganig.

Hibru 11:36

Afa mingnagimba molamp mo faigonam afa sa wena fliakiletifini afa mingnagim mo wena kikegoniginim asa kalabus lala gam wanafuna.

1 Tesalonaika 3:3

asa enanam kinig nem pugunig afa nengel mas olug onigig fwahag mo. Afa ne ati anwenafig God enaig esog ne kana el figbi sa ma haig haig kinig kehili.

2 Korin 6:9

Afa mingnag el kagelim esogonug ehengel mango nufunam Godna kanog fwatig el afa kaksag kristen kagelim numwehe anwenafegonug. Afa el enaig onigifig kagel pigihiagim meyini ofe afa sa nangu kagel nofkikena afohie. Afa mingnag el kagelim susug faigog afa ehengel mas kagelim kwagiskui.

Aposel 19:31

Afa minginag Esia provins la nai misog el afa Polna hihe gafa, ehem mo ningihini og, “Nofeka enanai yi laskuhlag fuhug laba ika.”

Aposel 19:29

Afa managig fwainig mungwali kembig bugiagafenam. Afa Gaius i Aristarkas i Pol Masedonia nai wanblona, eheningim lambtinim laskuhla fuhug la ikagna wanfuna.

1 Korin 15:19

Afa big enaig onigigfibi afa glauwaba Krais bigim kwaganig afa sumi yi eba ehe mas enaig esei asa ma el bigim aflafegonim og, niasabanig nengelni olug onigig eba esug feg.

2 Korin 11:23

Atiaho ehengel Kraisna gafugag el me? Ka ehengelim gosenig. Afa kana gafugag eba kwania feg afa kaksag osuna ka kalabus yi fagofe afa el kam wena tigekafu afa ka mas enam suwigi eba nup feg afa kaksag osuna kam ona lahagna muhla pugu. Afa enaig mo eba onigig etetig elni mo.