1 Korin 2:12 - Godna mo Awai mona go

¹² Afa Sungwabugim sa big flig eba mango hwa bitenai mo. Afa Sungwabug God sa ningihiag enag big flig asa big enam anwenafig mungwali suialag gawig eba God bigim esug faig.

1 Korin 2:12 Referans Kwoze

1 Jon 2:27

God heafna suialag Sungwabug nengelim ati faig asa nengel mingnag elim alganam fegon. Afa heafna Sungwabug nengel nai yi gofiba eba mas nengel mingnag elni mo patalkui. Eba enag Sungwabug nengelim suialag mina mungwali ogfunugefe. Heafna mo nufunam nemug, mwakwal mo eba awai. Heafna mo sa higinim asa nengel Sisas i mungu oningig fli.

1 Jon 2:20

Afa nengel mas enaig fig mo. God heafna suialag Sungwabug ati nengelim faig asa nengel mungwali el nufunam mo anwenafig.

Mo Pol Rom la nai Elim Ginofe Faini 8:1

Asa glanuwaba mungwali el Krais Sisas nai yi afohie eba God ehengelim mas kufeni.

2 Korin 4:4

Afa el mas Godim olug oniginag mo asa Satan, hwa bite nai god, ehena onigigim sikulufenag asa ehe mas Godna suialag mona ombusug nangui. Afa enag ombusug suialag mo nai blog eba Kraisna ombusug afa eheba God i mungwalofug ahfeg.

Jems 4:5

Baibel enag enaig mo esog, “God ehefena Sungwagim esel big elni olyi washog. Ena Sungwag kifutuk newug enag bigim memb nalig newug fenig bigim enag og, ‘Kana mungo ma fi.’” Afa enag Baibel mo ba, amang nogog, yusug mom bihinigho?

Mo Pol Rom la nai Elim Ginofe Faini 8:32

Afa God mas heafna Legim fwina kehlana mo amo eba ehe bigim ningihianigba asa mungwali elim lahanig. Asa ehe bigim mungwali gawigim gafa esug faifi.

Sumi Yi Puguiag Mo 22:6

Afa of lanai el kam sihinag og, “Hwa moba eba nufunam nemog feg. Afa God Ainiyag ehe Godna mo fli sihiaule elim anwenag faini. Afa sa heafna of lanai elim ningihiagba asa blog gafugag elim ogfunigbi afa sa mangwal ikagna pugufe.”

1 Korin 3:22

Pol, afa Apolos afa Pita, hwa bite, nofkenag afa lahag, glaunaina afa sumi yi naina afa mungwali gawig eba nengelni.

Efesus 2:2

Afa enanam ne bitenai nihe amtakwalig la afwaminefifini afa ne sanelni misog elni nihem patalfuafena afa enag sanel glau enaig eseg elni onigigim wasneinugegba afa sa enaig el Godna mom flafug.

1 Korin 2:6

Afa ambangel olug onigig wasneini fig asa kagel ehengelim Godna suialag anwenag mo sihigonug. Enag anwenag mo eba mango hwa bitenai i afa bitenai misog elna i mo mo. Afa sumi yi ehengel eba awaiefe.

1 Korin 1:27

Afa God nengel bitenai elim anwena fwainigim kanog fwatig asa anwena elim afwanfug faigogim. Afa God nengel bitenai elim wasneig fwainigim kanog fwatig asa wasneig elim afwanfug faigogim.

Sumi Yi Puguiag Mo 12:9

Afa ena kwania kafaba eba Satan. Ehe sombine autunai fegim mungwal bitenai elim mwakwalenugego. Enam flig afa heafna of lanai elim lambig asa heven lanai lambi ningitigigbi asa bite gam apaiye ambeg.