1 Jon 5:13 - Godna mo Awai mona go

¹³ Afa amban ne Godna Legna unehlagim olug oninginag ka nengelim ginofenig. Ka membeg nengel sa anwenafi nengel ati wahkig nofkenagag flig asa ka hwa mo nengelim ginofenig.

1 Jon 5:13 Referans Kwoze

Suialag Mo Jon Ginofena 20:31

Afa ka hwa mo ginofeg asa ne anwenafenim Sisas eba Godna Gisfu Fwahag El ehe Godna leg. Afa ehe enam olug onigini asa heafna unehlag la sa ma ne nufunam nofkenagag flifi.

Suialag Mo Jon Ginofena 1:12

Afa ambangel ehem suialafe fligbi asa ehem olug oningigba God enaig elim mina piginig asa God enaig esog ne kana luwalig apukeg.

1 Jon 3:23

Afa heafna mo enaig esog sa ne kana Legim olug onigini eba Sisas Krais afa mingnag elim membenig ena mo Sisas ati bigim sihini.

Suialag Mo Jon Ginofena 3:18

Afa amban el legim olug oningig afa enag el kwefihiagegim mas kuskufe. Afa amban el enag Godna legim mungu mas olug oninginag mo eba enaig God ehem ati kwefihiageg.

1 Jon 2:21

Ka mas oningi nufunam mo nengel mas anwenafig mo asa ka nengelim ginofenig eba awai. Nengel ati anwenafig asa ka nengelim ginofenig afa nengel anwenafig mwakwal mo mas nufunam mo la goh mo.

Galesia 4:6

Afa big Godna luwalig figbi asa God heafna legna Sungwabug bigelni olug nangum ningihiag. Afa enag Sungwabug bigel nai yi gohugum asa Godim enaig esog, “Api, kana Alag.”

1 Jon 5:10

Afa amban el Godna Legim olug oningigba asa enag Godna mo ehena oningig la go. Afa amban el mas Godna mo olug oningi afa ehe enaig oningig enag mo God heafna Legim sihinag mas nufunam feg mo asa ehe og Godba mwakwalule el.

1 Jon 2:1

Kana luwal hwa mo ka nengelim ginofenig asa nofeka amtakwalig enaig esi. Afa amban el enaig esegba eba Godna nof la suialag el mungu ati feg nem kwefwagim eba Sisas Krais. Ehe Godim sihinam asa bigim kwaganife.

1 Jon 1:4

Kagel hwa mo ginofig sama bigelni sifakal fwina gofi.

1 Pita 5:12

Afa hwa weti ginofba Sailas kam kwegfug ginofeg. Afa ka anwenafeg ehe bigelni suialag nilite. Kog ka nem wasneinuge na ka enaig esog hwa ginof eba Godna suialag kwefwag ogfug. Sa ne hwa mo kehlanam wasneig gofum.

2 Korin 5:1

Afa bigelni elig ofenai kogma lala big augwia. Afa hwag bitenai lala noginam bwabuhia opefeba big anwenafig God bigelni ming lala nimblag fwahag. Afa enag lala mango el ningana nimbla mo. Eba God ehe heven la nimblag asa enag wahkig gofife.

Aposel 4:12

God mas ming elim wefug fwahag mo elim pese lambigim, eba awai. Sisas mungu he bigna minaba go asa big Godna el afwahieg.”

Suialag Mo Jon Ginofena 2:23

Afa maia Ju elni Pasova buyis ofefenaba Sisas Jerusalem la gafena. Afa el heafna kigmog nanguni asa kaksag el ehem olug oningig.

1 Jon 2:26

Afa mingnag el ambe nengelim mwakwal gonigfie asa ka nengelim ginofenig.

Aposel 3:16

Ka Sisasna unehlagim olug honiginaba asa sonag el mong kokwaligniba sa ugweg. Afa sonag glau sa ne nangug eba sa ne anwenafi eba Sisasna kigmogla eseg. Afa kaningi Sisasim olug honiginaba asa nengelni nof la sonag elbi ati ugweg.

Suialag Mo Jon Ginofena 21:24

Sonag patalfuiag el eba kike. Afa ka ena mom sihigim asa ka ginofeg. Afa mungwali anwenafig ena mo eba nufunam feg.

Suialag Mo Jon Ginofena 5:24

“Ka nem nufunam sihinig, amban el kana mo higinim afa Godim olug oninginigbi asa ehe kam ningihiag afa enag el wahkig nofkenagagna feg asa God ehem mas kwefihiagenam susug fai. Afa ehe lahagna mina fwahagim asa nofkenagag mina la go.

1 Jon 2:25

Afa Sisas ati sihi fwahag ehe bigelim wahkig nofkenagag faigim.

1 Jon 4:9

Afa God bigelim membenig afa heafna Legim mungu nemug fena enag hwa bite la ningihiana asa ehe bigim nufunam nofkena gag faig afa enag mina God heafna membug ati bigim ogfunig.

1 Jon 5:11

Afa enag mo bigim blonig God ati bigim wahkig nofkenagag faig afa heafna Leg ati mina pigi fwahag asa God sama enaig esei.

1 Jon 5:20

Afa bigel anwenafig Godna Leg ati blog asa bigim anwenafeg faig. Asa big anwenafig Godba nufunam. Afa Sisas Krais bigelni olug yi ga asa God gafa bigelni olug yi ga. Afa Sisas eba nufunam God feg afa ehe wahkig nofkenagag mog feg.