1 Jon 5:11 - Godna mo Awai mona go

¹¹ Afa enag mo bigim blonig God ati bigim wahkig nofkenagag faig afa heafna Leg ati mina pigi fwahag asa God sama enaig esei.

1 Jon 5:11 Referans Kwoze

Mo Pol Rom la nai Elim Ginofe Faini 6:23

Afa amtakwalig nihe eba mungwag bigim lahag faig. Afa Godna esmunagim bigim kwaganig eba wahkig nofkenagag feg. Enaba bigelni Ainiyag Sisas Krais nai yi go.

1 Jon 2:25

Afa Sisas ati sihi fwahag ehe bigelim wahkig nofkenagag faigim.

Suialag Mo Jon Ginofena 3:36

Afa amban Legim olug oninginafe ehe ati wahkig nofkenagag flag. Afa amban Legim masig fatig eba mas nofkenagag flai asa Godna ninimu ehenai yi wahkig gofife.”

1 Jon 5:20

Afa bigel anwenafig Godna Leg ati blog asa bigim anwenafeg faig. Asa big anwenafig Godba nufunam. Afa Sisas Krais bigelni olug yi ga asa God gafa bigelni olug yi ga. Afa Sisas eba nufunam God feg afa ehe wahkig nofkenagag mog feg.

1 Jon 4:9

Afa God bigelim membenig afa heafna Legim mungu nemug fena enag hwa bite la ningihiana asa ehe bigim nufunam nofkena gag faig afa enag mina God heafna membug ati bigim ogfunig.

Suialag Mo Jon Ginofena 1:4

Afa nufunam nofkenagag enag Mo la go afa enag nofkenagag elim ombusug faig.

1 Jon 5:10

Afa amban el Godna Legim olug oningigba asa enag Godna mo ehena oningig la go. Afa amban el mas Godna mo olug oningi afa ehe enaig oningig enag mo God heafna Legim sihinag mas nufunam feg mo asa ehe og Godba mwakwalule el.

Suialag Mo Jon Ginofena 19:35

(Afa el enam nanguna maia enag pugunaba asa ehe ena mo sihiageg afa heafna mo eba nufunam feg. Afa ehe anwenafeg heafna moba nufunam asa ehe enaig sihifeg sa ma nengel enam olug onigigim kehli.)

Suialag Mo Jon Ginofena 10:28

Afa ka ehengelim wahkig nofkenagag faibi afa mas ambanim awaiye. Afa mas amban el kana ninganai blo ukwefe kike mungu ati feg.

Suialag Mo Jon Ginofena 6:68

Afa Saimon Pita enaig sihifena og, “Ainiyag amban nangum ka sa afunam asa patalfufe. Neana mo mungu bigelim wahkig nofkenagag faig.

Suialag Mo Jon Ginofena 5:26

Afa God elim nofkenagag faig asa ehe nofkenagag mog feg. Afa ehe Legim kigmog faig asa Leg gafa nofkenagag mog feg.

Mo Jut Ginofena 1:21

Afa bigelni Ainiyag Sisas Krais sama nengelim aflafenim asa wahkig nofkenagag nengelim faifi. Afa maia nengel enaigim nengiafofiba sa ne Godim muhlafini asa ehe nengelim membenife.

1 Jon 5:7

Afa enag sambaga mungu mo sihig og.

Taitus 1:2

Autunam nemug God ati sihi fwahag afa heafna mo mas mwakwalei ehe og ka ma nengelim wahkig nofkenagag faife. Afa enag mo eba bigelni olug onigig mog mo feg.

1 Timoti 1:16

Afa ka amtakwalig el afa God kam aflafenag asa ma Krais Sisas kam nengigim fenai. Ehe enaig eseba sa ma mingnag el sumi kam nangunim sa ma Sisas nai yi olug lugui afa wahkig nofkenagag fli.

Suialag Mo Jon Ginofena 14:6

Afa Sisas wahigi sihina og, “Afa el membeg nufunam mo anwenafigim afa nofkenagag fligim eba kike ena minaba feg. Afa Alag nangum afuiagba mas ming minaba goh mo, eba awai, kike mungu feg.

3 Jon 1:12

Mungwali el esogog enag el Demitrius eba suialag el afa mingnag nufunam mo el gwenaig esog. Afa ka gafa heafna nihem suialag sihifenag afa ne anwenafeg kana moba nufunam.

Suialag Mo Jon Ginofena 12:50

Afa ka anwenafeg heafna mo elim wahkig nofkenagag mina ogfunig. Asa mo ka sihig eba Alag kam faig naka sihig.”

Suialag Mo Jon Ginofena 6:40

Afa mungwali el Godna Leg nangum ambefe afa ehem olug oningini asa kana Alag membeg enag el wahkig nofkenagag flig. Afa kwefihiageg osuna asa ka ehengelim ihlaftiginam nofkenagag faife.”

Sumi Yi Puguiag Mo 22:1

Afa of lanai el kam afalig buum ogfunag. Eba nofkikena faig bu fegim afa glas lofug falaugufego. Godnai i afa Sipsip Luwalig nai i pegag sime nai pe blogim.

Sumi Yi Puguiag Mo 1:2

Kaba Jon, mangwal sa ka mungwali fahigiageg nasa ka ambala enam osihi. Hwaba Godna mo afa ena nufuna mom Sisas Krais ogfug.

Suialag Mo Jon Ginofena 6:47

Ka nem nufunam sihinig amban el kam olug oningig asa enag el wahkig nofkenagag flag.

Suialag Mo Jon Ginofena 5:21

Afa Alag enaig fasefe ehe lahag elim fukulag lasug afa wahkig nofkenagag faig. Afa Leg gafa gwenaig eseg asa heafna membeg ehe ambanim membenag asa nofkenagag faig.

Suialag Mo Jon Ginofena 4:36

Afa Sisas lasug mo pese sihina og, “Autunam gafugag el asonai yiwagig afa ilawo mingnag gafugag el ambe asonai lambifi asa ehengel enag gafugag enanam kig lambifi afa enag asonai wahkig gwese afogwafife asa yiwagig el afa lambig el sama eheningi sifakalafei.

Matyu 25:46

Afa enaig elbi afunam susu amtakwalig wahkig gohug lambfi afa suialag nihe elbi eba afunam nofkena wahkig gohug lambfi.”

Mo Pol Rom la nai Elim Ginofe Faini 5:21

Afa ilawana amtakwalig nihe wasneinaba asa mungwali el lahagna ahai skaufini. Eba nufunam afa enaig gafa nufunam feg. Afa glau Godna esmunagim kwaganig wasneigo afa bigelni Ainiyag Sisas Kraisna gafugag elim esenigbi asa Godna el heafna nof la afsug figim asa ehengel wahkig nofkenagag flig.

Suialag Mo Jon Ginofena 1:19

Afa Jerusalemnai Ju elni misog el membeni Jonim sahna asa gafuga elim afa mingnag prisim Jon nangum ningitigina. Afa ehengel ambenam ehem sahni og, “Ne amban maia?”

Suialag Mo Jon Ginofena 4:4

Afa enag mina Galili yi gam ikagba eba Samaria provins la pugunam asa Galili la ika pugug.

1 Jon 4:10

Afa bigel Godim membinig eba mangwal bigel upugugwa mo. Afa membenig mog eba hwaig God bigelim fwina membenigim asa heafna Legim hwa bite la ningihiagba afa sa bigelni amtakwaligim huguflafatinig.