Tito 3:15 - Nuevo Testamento Tzeltal de Amatenango

¹⁵ Spisil te machꞌatik te joyinej jba soke ya stikon spajtil awoꞌtanik. Albon xkoltanuk te machꞌatik kꞌux ya kaꞌiy jbatik sok ta skuenta te jchꞌuunejtik te Diose. Te Diose ya me yaꞌbeyex te slekilal ta apisilik te jaꞌexe. Jichuk.

Bible in Tzeltal Bachajón

¹⁵ Xcoltanucat laj yu'un spisil te mach'atic li' joquinej. Halbon xcoltanuc te mach'atic c'uxotic ta yo'tanic ta scuenta bin ut'il pajal ay sch'uhunel co'tanic. Ac'a sjoquinex te yutsil yo'tan te Diose. Hichuc.

Bible in Tzeltal de Oxchuc y Tenejapa

¹⁵ Spisil te mach'atic joinej li'to ya sticunbat spatjibal awo'tan. Soc albon spatjibal yo'tan te mach'atic c'uxotic ta yo'tanic ta swenta bit'il pajal ay xch'uunjel co'tantic soque. Ac'a yac'beyex yutsil yo'tan ta apisilic te Diose. Jichuc.

Tito 3:15 Referans Kwoze

Hebreos 13:25

Te Diose a me yaꞌbeyex te slekil ta apisilik te jaꞌexe. Jichuk.

1 Timoteo 1:5

Te tut sluwar te jich la jpasat ta mantale, yuꞌun jaꞌ skꞌan te kꞌux ya kaꞌi jbajtik ta juju-tule. Jaꞌ te skꞌuxul-oꞌtanil te ya xchiknaj teme sakubenix te koꞌtantike, sok teme tojobenotike, y sok teme lek jchꞌuunejtik te Diose.

Colosenses 4:18

Joꞌon jPabloon la jtsꞌibabeyex te spajtil-oꞌtanil to ta jkꞌab y ta letra. Naꞌaik me te ayon ta prexoe. Te Diose aꞌ yaꞌbeyex te slekilal ta akuentaik te jaꞌexe. Jichuk.

Gálatas 5:6

Porke jun nax ayotik sok te Cristo Jesuse, jich ma baleukix ya xkꞌot a teme kichꞌojtik sirkunsisione o teme ma kichꞌojtikuke. Te tut lom balee jaꞌ te ay xchꞌuunel koꞌtantike. Y te xchꞌuunel-oꞌtanile ya yakꞌ kuxuyinukotik sok te skꞌuxul koꞌtantike.

3 Juan 1:1

Joꞌon te ansianoone, ya jtsꞌibay te karta to jaꞌ yuꞌun te kamigo jGayoe te batsꞌi ben kꞌux ya kil jba soke.

Filemón 1:5

Porke la kaꞌiy akꞌoplal, jaꞌ te skꞌuxul awoꞌtan y sok te xchꞌuunel awoꞌtan ta skuenta te Kajwaltik Jesuse, sok kaꞌiyoj skꞌoplal te xkꞌuxul awoꞌtan ta stojol spisil te machꞌatik jtejklumix yuꞌun te Diose.

2 Timoteo 4:22

Te Kajwaltik Jesucristoe a me sjoyinat y te Diose a me yaꞌbeyex te slekil yoꞌtan ta apisilik te jaꞌexe. Jichuk.

1 Timoteo 1:2

Ya jtsꞌibabeyat te karta to, jTimoteo, te batsꞌi jnichꞌanat kꞌoem, te pajal nax jchꞌuunejtik te Diose. A me yaꞌbat te slekil yoꞌtan, te xkꞌuxul yoꞌtan y te bujtsꞌan kꞌinal te Dios Tatile y sok te Cristo Jesuse te jaꞌ Kajwaltike.

1 Corintios 16:23

Te Kajwaltik Jesucristoe aꞌ yaꞌbeyex bayal bendision ta akuentaik.

San Mateo 5:47

Teme jaꞌ nax ya apatbe yoꞌtan te awermanotake, ¿ba xan wan lek tsꞌin a te jich ya apasike? Asta te machꞌatik ma snaꞌbe sba te Diose, jich ya spasbe sbaik euk.

Hechos 20:34

Te jaꞌexe anaꞌojik te aꞌtejon ta jkꞌab ta sleel te tuti tuun kuꞌun sok te joꞌtake.