Tito 3:10 - Nuevo Testamento Tzeltal de Amatenango

¹⁰ Teme ay machꞌa ya yakꞌ dibision te ba ay hermanoetike, koma jmel o chaꞌmeluk. Pero teme ma xyakꞌat ta jkuentae, chꞌoja lokꞌel.

Bible in Tzeltal Bachajón

¹⁰ Teme ay mach'a ya yac' jatamba, teme la atsits jun cheb buelta, loq'uesa,

Bible in Tzeltal de Oxchuc y Tenejapa

¹⁰ Soc teme ay mach'a ya xcaj yac' xat sbaic te jch'uunjeletique, coma jun chebuc buelta. Teme ma xch'uun comele, loq'uesa bael.

Tito 3:10 Referans Kwoze

Romanos 16:17

Kermanotak, aꞌwokolikuk ila me abaik yuꞌun te machꞌatik ya yakꞌ dibisione sok te ya yakꞌex ta mulile, yuꞌun jaꞌ ya skontrainik te tut jich la yaꞌbelex anopik te jaꞌexe. Ma me ajoyin abaik sok.

2 Juan 1:10

Teme ay machꞌa ya xba yulutayex tal te jaꞌexe y teme ma jaꞌuk yichꞌoj te nojpesel to, ma me awikꞌ ta ana ni ma me apatbe yoꞌtan.

2 Timoteo 3:5

Batsꞌi xchꞌuunejik Dios yilel pero jaꞌ ya xchiknaj a ta skuenta te tut ya spasik te maꞌyuk spoder te sreligione. Ma me xꞌachꞌik aba a sok te genteetik te jich aye.

2 Tesalonicenses 3:14

Teme ay machꞌa ma xyakꞌ ta jkuenta te tutiꞌ kaltik ta karta to, ilaik me machꞌa a, y ma me junuk nax ya xꞌanex sok, yuꞌun jich me ya xkꞌexaw a.

2 Tesalonicenses 3:6

Kermanotak, ya kalbeytikex ta skuenta te Kajwaltik Jesucristoe: Ma me ajoyinik te machꞌauk hermanoil te ma skꞌan xꞌaꞌteje y te ma jichuk ya spas te tutꞌil la jnojpestikexe.

Gálatas 5:20

Ya skejan sbaik ta lotil dios y ya snopik uꞌulil. Ya spas kontrainwanej, pleto, sok laꞌoꞌtantayel. Jtsꞌin ya xlaj ilin, y ya stsalawan ta kꞌop, ya spit sbaik y ya smon sjoyik.

Gálatas 5:12

Pero te machꞌatik yipalik ta xchebentesel awoꞌtanik te jaꞌexe, lek te jaꞌuk ya yichꞌik ejchentesel ta jmel nax stukelike.

1 Corintios 11:19

Yuꞌun ya kaꞌiy te jaꞌexe puersa ya xba apit abaik ta juju-tijkꞌ; yuꞌun te ya xchiknaj a te machꞌa batsꞌi xchꞌuunej te Diose.

2 Corintios 13:2

Te ora to te jakal ayone, ya me kalbeyex xan te tsitsel ta apisilik sok te machꞌatik nail to mulawenike, jich tutꞌil la kalbeyex te kꞌalal a kaꞌ kilex te xchaꞌmelal ae. Teme ba jchaꞌkilexix xan tale, ma me ayukix perdon a.

2 Pedro 2:1

Ta namey ay palso jꞌalwanejetik te ba ay te jtejklum Israel; y jich me ay palso maestroetik te ba ayex te jaꞌexe. Ya me snojpeswanik ta mukul te tut snopojike te ya xjimawanike. Jaꞌ ya spꞌajik te Kajwaltik te jaꞌ a koltalanot yuꞌune. Jich me ora ya yichꞌik jimel stukelik.