Tito 2:8 - Nuevo Testamento Tzeltal de Amatenango

⁸ Jaꞌ me xꞌawal te lekil kꞌop te maꞌyuk machꞌa ya xjuꞌ ya skome. Jich me ya sta kꞌexlal machꞌauk a te ya xlijk skontrainate, yuꞌun ma spas ay tut ma lek ya yalbeyate.

Bible in Tzeltal Bachajón

⁸ soc lequil c'op xawal te ma xhu' ta contrahinel, scuenta yu'un ya sta q'uexlal a te acontra soc ma xweht bin chopol ya yalbotic jc'oblaltic.

Bible in Tzeltal de Oxchuc y Tenejapa

⁸ Ja' me xawal te lequil c'op te ma xju' ta controinele. Tey me ya xq'uexawic a te mach'atic ya scontroinexe, te melel ma xwejt' yu'unic te bila ya yac'beyex amulinique.

Tito 2:8 Referans Kwoze

1 Pedro 2:12

Lekuk me ayex sok te akuxlejalik te ba ay te machꞌatik ma snaꞌbeyik sba te Diose. Aunke ma tsaꞌamuk akꞌoplalik ya yalbeyex te ora to, sok aunke jachik kꞌoeme ta yoꞌtanik te ma tsaꞌamuk awaꞌtelike, ya me yilik te lek te tut ya apasik te jaꞌexe, y ya me yalbeyik lek skꞌoplal te Dios te tut kꞌaalil ya yichꞌ kuenta ta spisile.

1 Pedro 2:15

Porke Dios ya skꞌan te lek te tut ya apasik te jaꞌexe, yuꞌun te machꞌatik maꞌyuk tut ya snaꞌike y sok te machꞌatik maꞌyuk spꞌijilike ma xwejt tut ya yalbeyex te ya skontrainex te jaꞌexe.

1 Pedro 3:16

Pero lekuk me xꞌawalbey yaꞌiyik y akꞌaik me ta jkuenta. Lekuk me spisil te tut ya apasike. Jich me jun awoꞌtanik ya awaꞌiyik yuꞌun. Yuꞌun te machꞌatik ma lekuk tut ya yalbeyex, aunke lek ayex yuꞌun achꞌuunejik te Cristoe, ya me xkꞌexawik yuꞌun te skꞌopike.

1 Timoteo 6:3

Teme ay machꞌa yan tut ya snojpeswane y teme ma pajaluk sok te lekil nojpesel yuꞌun te Kajwaltik Jesucristoe, sok teme ma jaꞌuk te tutꞌil jchꞌuunejtike,

2 Tesalonicenses 3:14

Teme ay machꞌa ma xyakꞌ ta jkuenta te tutiꞌ kaltik ta karta to, ilaik me machꞌa a, y ma me junuk nax ya xꞌanex sok, yuꞌun jich me ya xkꞌexaw a.

1 Timoteo 5:14

Jaꞌ yuꞌun ya jkꞌan te ya xnujpun xan te meꞌba antstik te bikꞌtal toe. Jaꞌ lek ayuk yuntikil, sok yauk skanantay te snae, y ma me wakꞌ yaꞌbe luwar te kꞌopetik yuꞌun te jkontratike.

San Lucas 13:17

Te kꞌalal jich a yal te Jesuse, kꞌexaw spisil te skontratake. Pero spisil te genteetike ben kontentoik yuꞌun te la yilbeyik te ben tsaꞌam y mukꞌ te tut ya spas te Jesuse.

San Marcos 12:34

La yil te Jesus te la snaꞌbe lek sluwaril ta sujtesele. Jich a yalbe: —Chꞌin xanix skꞌan ya awajwalin te Diose —xchi. Spisilik maꞌyuk machꞌa juꞌ xan yuꞌunik sjojkꞌoyel yan aꞌabiyej a.

San Marcos 12:32

La yal te maestroe: —Ben lek te tut la awal, Maestro. Batsꞌi jich te tutꞌil ya awale te jun nax Dios aye, maꞌyuk yan.

San Marcos 12:28

Ay tul maestro yuꞌun te mantaliletike te tal ta stseꞌel te Jesuse. La yaꞌi sluwar te tut a yalbey sbaike sok la yil te lek a sujtesbe te skꞌopike. Jich a sjojkꞌobe euk: —Ta spisil te mantaliletike, ¿ba me ay te tulan skꞌoplal ta pasele? —xchi.

San Marcos 12:17

Te Jesuse la yalbe yaꞌiyik: —Teme jaꞌ yuꞌun te Cesare, aꞌbeyaik me abi, sok teme jaꞌ yuꞌun te Diose, aꞌbeyaik me euk —xchi. Cham a yaꞌiyik yuꞌun te tut la yale.

Tito 3:14

Te machꞌatik joy jbajtik soke ya skꞌan ya snopik euk ta spasel te tut leke, sok ya me skoltay te machꞌa maꞌyuk tut ay yuꞌune, yuꞌun lek me ya xtuun te xkuxlejalike.