Tito 1:2 - Nuevo Testamento Tzeltal de Amatenango

² te jaꞌ ya jmalitik yuꞌun te kuxlejal sbajtel kꞌinale. Ma to xchiknaj a te balmilale, te Dios, te makꞌ xloꞌlawane, la yal tutꞌil ay te kuxlejal to.

Bible in Tzeltal Bachajón

² te ha ya yac' smuc'ul co'tantic ta smahliyel te cuxlejal scuenta sbahtel q'uinal. Te Dios, te ma xya'iy lot, te c'alal ma to ayuc bintic ay a la yal ta jamal te ya me xchicnaj te cuxlejal ini,

Bible in Tzeltal de Oxchuc y Tenejapa

² yu'un ya jmaliytic te jcuxlejaltic ta sbajt'el q'uinal. Te Dios te ma spas lote, jich yaloj ta jamal ta xjajch'ibal to tel.

Tito 1:2 Referans Kwoze

1 Juan 2:25

Jaꞌ to jaꞌ yalojbotikix te Jesucristoe te ya yakꞌ te kuxlejal sbajtel kꞌinale.

2 Timoteo 1:9

Dios a skoltayotik y la yikꞌotik te ya xlekub te jkuxlejaltike. Ma yuꞌunuk ta skuenta kaꞌteltik, sino ke jaꞌ te tut snopoj ta yoꞌtane. Ta skuenta te Cristo Jesuse, te Dios a xkꞌuxutayotik te kꞌalal ma to xchiknaj a te balmilale.

Judas 1:21

Akꞌa abaik ta kanantayel ta skuenta xkꞌuxul yoꞌtan te Diose. Y maliyaik te tut kꞌaalil te ya yaꞌbotik te kuxlejal sbajtel kꞌinale te Kajwaltik Jesucristo, ta skuenta slekil yoꞌtan.

2 Timoteo 1:1

Joꞌon jPabloon, te apostolon yuꞌun te Jesucristoe te stikonejon ta skꞌanojel yoꞌtan te Diose ta spukel te tutꞌil yaloje te ay kuxlejal ta skuenta te Cristo Jesuse.

Tito 3:7

yuꞌun la me skoltayotik yuꞌun jmultik ta skuenta te slekil yoꞌtane. Jich ya me kichꞌtik te kuxlejal sbajtel kꞌinal te ya jmalitike.

Tito 2:13

Jaꞌ ya jmalitik te ben tsaꞌam ya sta skꞌalel te tut sjapojbotik jilele, jaꞌ te ben tsaꞌam te ya sujt tal te mukꞌul Dios kuꞌuntik, jaꞌ te jKoltawanej Jesucristoe.

2 Timoteo 2:15

Oꞌtanina me spisil te tutꞌil ya xjuꞌ ya xkꞌoat ta stojol Dios yuꞌune, jich tutꞌil jtul jꞌaꞌtel te lek skꞌoplale te maꞌyuk tut ya xkꞌexaw yuꞌune, te lek ya yakꞌ ta nopel te kꞌop te batsꞌi jiche.

2 Timoteo 2:13

Teme ma junuk koꞌtantike, sigue jun yoꞌtan stukel. Porke maꞌyuk ya xyanej yoꞌtan stukel.

1 Juan 5:20

Jnaꞌojtik euk te Xnichꞌan Dios tal ta balmilal, y la yaꞌbotik jnaꞌbetik sba te Dios te batsꞌi jiche. Jun nax kuxulotik sok te batsꞌi Diose, jaꞌ bi jaꞌ te Xnichꞌane, te Jesucristoe. Jaꞌ to jaꞌ batsꞌi Dios stukel y jaꞌ kuxlejal sbajtel kꞌinal.

Tito 2:7

Y jaꞌat mismo lekuk te tut ya awaꞌbe yil ta skuenta spisil te tut ya apase. Ayuk me bayal slekil te ya anojpeslane, y tulanuk skꞌoplal ta awoꞌtan te ya apase.

1 Tesalonicenses 5:8

Pero te joꞌotik te ayotik ta kꞌajkꞌaltike, ya skꞌan te siluk tiempo pꞌij ayotike. Ya skꞌan te jaꞌ ya jkoltay jbatik a ta skuenta te xchꞌuunel koꞌtantik y sok te skꞌuxul koꞌtantike. Y ya skꞌan ya jmak jbajtik jich tutꞌil jun kasko, jaꞌ te ay smukꞌul koꞌtanik yuꞌun te kolele.

Romanos 6:23

Te stojol te ya yakꞌ te mulile, jaꞌ te lajele. Pero te majtanil ya yakꞌ te Diose jaꞌ te kuxlejal sbajtel kꞌinal, te jun nax ya xkꞌootik sok te Cristo Jesus te Kajwaltik stukele.

San Mateo 25:46

“Jich me ya xbajtik ta wokol sbajtel kꞌinal. Yan te machꞌatik lek yaꞌtelike ya me xba kuxuyinikuk sbajtel kꞌinal —xchi te Jesuse.

San Mateo 25:34

“Te ajwalile ya me yalbe te machꞌatik ay ta sbatsꞌil skꞌabe: “Laꞌik te jaꞌexe te ben tsaꞌam alekilik ta stojol te Jtate. Ochanik, ichꞌaik awaꞌtelik ta ajwalil te chapbil ta akuentaik kꞌalal ta slijkibal to tal te balmilal te la spas te Diose.

Apocalipsis 17:8

Te chanbalam te lom yan la awile, jaꞌ te kuxul ta nail toe, pero ma chikanukix. Pero ya xba lokꞌuk tal ta chꞌen antes te ya xba yichꞌ lajinel ta spisile. Te genteetik ta balmilale te ma nakaluk sbiilik te ba slibroal yuꞌun te kuxlejal desde pas te balmilale, lom cham me ya yaꞌiyik te kꞌalal ya yilik te chanbalam te lom yane, te kuxul ta nail toe, y ma chikanukix, pero ya me chiknaj xan.

Apocalipsis 13:8

Te chanbalam to te xiꞌbentik sbae ichꞌot ta jkuenta yuꞌun spisil te machꞌatik ayik ta balmilale. Jaꞌ te machꞌatik ma tsꞌibabiluk sbiilik ta sjunal kuxlejal yuꞌun te Chꞌin Karnera te la yichꞌ milele. Te sjunal kuxlejale, jaꞌ te jun te la yichꞌ tsꞌibayel desde pas te balmilale.

2 Timoteo 2:10

Jaꞌ yuꞌun ya xkujch kuꞌun spisil, yuꞌun jich ya staik slekilik te machꞌatik tꞌujbilik yuꞌun te Diose. Yuꞌun jich me ya staik skolelik ekꞌa te ben tsaꞌam sok te sbajtel kꞌinal ay ta skuenta te Cristo Jesuse.

1 Timoteo 6:19

Jich me ay skꞌulejalik te lek ya xtuun yuꞌunik ta patile, y jich me ya staik te kuxlejal sbajtel kꞌinale.

Romanos 5:21

Jich tutꞌil te jmel nax a och te mulil yuꞌun te yichꞌoj tal te lajele, jaꞌ nax jich euk te slekil yoꞌtan Diose jmel nax a och yuꞌun te ya xꞌakꞌawan ta libre yuꞌun te mulile, y jaꞌ ya yaꞌbotik te kuxlejal sbajtel kꞌinal ta skuenta te Kajwaltik Jesucristoe. Jich me ay jkuxlejaltik sbajtel kꞌinal te jayebotik te chapbilotikix ta skuenta te Diose.

Hechos 15:18

Jich yalojix te Kajwaltike, te yakꞌojix ta naꞌel spisil te nameye”, xchi me.

San Juan 17:2

Yuꞌun la awaꞌbonix kaꞌtel ta stojol spisil te genteetike, yuꞌun jich me ya kakꞌ kuxuyinuk sbajtel kꞌinal spisil te machꞌa la awaꞌbon ta jkꞌabe.

San Juan 10:28

Te joꞌone ya kaꞌbe xkuxlejal sbajtel kꞌinal, y ni jaymel ya xchꞌay, ni maꞌyuk machꞌa ya xjuꞌ ya spojbon ta jkꞌab.

San Juan 6:68

Te Simon Pedroe la sjakꞌ: —Kajwal, machꞌa yan ya xbootik sok, porke yuꞌun kuxlejal sbajtel kꞌinal te akꞌope.

San Juan 6:54

Te machꞌa ya sweꞌbe te stiꞌbalule sok te ya yuchꞌbe te xchꞌichꞌele, ay xkuxlejal sbajtel kꞌinal, y joꞌon ya jchaꞌkuses tal ta slajibal kꞌaal.

San Juan 5:39

Te jaꞌexe ya anopilanik te tut tsꞌibabil ta Sjun Diose, porke ya awalik te teꞌ ya ataik a te kuxlejal sbajtel kꞌinale. Pero jaꞌ ya yalbon jkꞌoplal te tutik tsꞌibabile.

1 Timoteo 6:12

Ma me akoles ta akꞌab te kuxlejal sbajtel kꞌinale. Yuꞌun jaꞌ a yikꞌat Dios yuꞌun, te kꞌalal la awalix ta jamal ta sit te bayal testigoetike te tutꞌil achꞌuunej te Diose.

1 Tesalonicenses 2:15

Te juriyoetik to jaꞌ a smilik te Kajwaltik Jesuse, jich tutꞌil te nail to te la smilik te jꞌalwanejetike, y la stenotik lokꞌel ekꞌa te joꞌotike. Ma lekuk ya xꞌilot yuꞌun te Diose, y skontrainejik spisil te gentee.

Romanos 16:25

Aꞌ kaltik yutsilal te Diose te ya xjuꞌ yuꞌun te ya yaꞌbeyex yip awoꞌtanike, jich tutꞌil te ya yal te skꞌoplal kolel te yipalon ta yalele, jaꞌ bi, jaꞌ te tutꞌil ay skꞌoplal te Jesucristoe. Jaꞌ to jaꞌ te tut la yakꞌix ta naꞌel ta ora to te tut xchapoj ta yoꞌtan te Diose. Jaꞌ te tut mukul ay ta nail to te kꞌalal ma to ayuk a te balmilale.

Romanos 5:4

Y te spuersa koꞌtantik jaꞌ ya yakꞌotik a te lek ya xkꞌootik ta stojol te Diose. Y teme lek ya xkꞌootik ta stojol Diose, jich ya yaꞌbotik spuersa koꞌtantik ta smaliyel.

Romanos 5:2

Yuꞌun ta skuenta Cristo te kꞌot ta jkuentatik te slekil yoꞌtan Dios, ta skuenta nax te xchꞌuunel koꞌtantike. Y jich jun koꞌtantik ayotik sok ben butsꞌan kꞌinal ya jmalitik ya kichꞌtik te slekilal Diose.

Romanos 2:7

Ya yaꞌbe xkuxlejal sbajtel kꞌinal te machꞌatik ya sleik te lekilale, sok la yakꞌ ta jkuenta te tut ma xlaje, sok jaꞌ sil tiempo aꞌ spasik te tut leke.

Romanos 1:2

Ta skuenta te jꞌalwanejetik yuꞌune, Dios yalojbeyix skꞌoplal te lekil achꞌ kꞌop to ta xchꞌul sjune.

San Juan 17:24

“JTat, jaꞌat la awaꞌbon te machꞌatik xchꞌuunejonixe, y ya jkꞌan te yauk sjoyinon te ba ya xkꞌoone. Yuꞌun ya me yilik te jlekilal te awakꞌojbone, porke ben kꞌuxon ta awoꞌtan te kꞌalal ma to xchiknaj a te balmilale.

Colosenses 1:27

Te Diose jaꞌ la yaꞌbotik jnaꞌtik te tutꞌil mukul nax ay yuꞌune, jaꞌ te kꞌop te bayal slekil ta aꞌiyel yuꞌun spisil te machꞌatik maꞌ juriyouke. Jaꞌ te tutꞌil ya xꞌanin ta awoꞌtanik te Cristoe, te jaꞌ ya amaliyik te slekil te ya xba awichꞌike.

San Marcos 10:30

sien ta jmel ya xꞌaꞌbot sjelol liꞌ ta balmilale, chikan teme sna, o sbankiltak, o xwixitak, o yijtsꞌinab, o smeꞌ, o yuntikil, o slum. Aunke ya yichꞌ ilbajinel, pero ta patil bael ya me xꞌaꞌbot xkuxlejalik ta sbajtel kꞌinal yuꞌun.

San Marcos 10:17

Te kꞌalal xlijkꞌ xan ta beel te Jesuse, tsꞌin xyaletal jtul winik. Jul skejan sba ta yok te Jesuse y la sjokꞌobe: —Maestro te ben lekate, ¿tut lek ya jpas yuꞌun ya xkuxiyinon sbajtel kꞌinale? —xchi julel.