Tito 1:16 - Nuevo Testamento Tzeltal de Amatenango

¹⁶ Ya yalik te snaꞌojbe sba te Diose. Pero ta skuenta te tut ya spasike, ya xchiknaj te ma snaꞌbe sbae. Jpꞌajawetik sok jkꞌaxintawanejetik. Ni ma xjuꞌ yuꞌun spasel te tut lek ta pasele.

Bible in Tzeltal Bachajón

¹⁶ Ya sna'beyic sba Dios ta sc'opic, pero chican ta ya'telic te ma hichuc, te bin ut'il ihlaybilic, jc'axun-c'opetic, soc ma sna'ic spasel lequil a'telil.

Bible in Tzeltal de Oxchuc y Tenejapa

¹⁶ Sna'ojbeyic sba ta sc'opic te Diose, ja'uc me to, chican ta yat'elic te ma ba sna'ojbeyic sbae. Boloben yo'tanic, toybaetic, xujt' ma'yuc swentail te yat'elique.

Tito 1:16 Referans Kwoze

1 Juan 2:4

Pero teme ay machꞌa ya yal: “Te joꞌone jnaꞌojbe sba”, te xchie, y ma xchꞌuunbe te mantaliletik yuꞌune, jaꞌ jtul jloꞌlawanej y maꞌyuk ta stojol te tut batsꞌi jiche.

Efesios 5:6

Ma me machꞌa wakꞌ sloꞌlayex te kꞌopetik te jowil naxe. Porke ta skaj te muliletik to te ya xtal te kastigo yuꞌun Dios ta skuenta te machꞌatik ma xchꞌuunbeyik te smantale.

Judas 1:4

Yuꞌun ay mukul la yochintayex jtul cheb genteetik te ya sloꞌlayexe. Jaꞌ te machꞌatik namey ay jilel skꞌoplal ta Sjun Dios yuꞌun te chꞌayel ya xlaj bajte. Jaꞌ genteetik te ma lekikuke. Syanutesejik te tutꞌil ay slekil yoꞌtan te Kajwaltik Dios, yuꞌun ya yalik te jich ay ta pasel spisil te tut ma tsaꞌamuke. Sok ma xyakꞌik ta jkuenta te úniko Ajwalil kuꞌuntik, ja te Kajwaltik Jesucristoe.

Romanos 1:28

Yuꞌun ma skꞌan snaꞌbeyik sba te Diose, jich a jileslanot yuꞌun te Diose, jaꞌ te puru chꞌayel te tut snopojike, yuꞌun aꞌ spas te tut ma lekuk ta pasele.

Apocalipsis 21:27

Pero ma xjuꞌ ya xꞌoch teꞌa te tut ma lekuke, ni ma xjuꞌ ya xꞌoch teꞌa te machꞌatik ya spasik te tut ma tsaꞌamuke sok te jloꞌlawanejetike. Jaꞌ nax ya xꞌoch teꞌa te machꞌatik ay tsꞌibabil sbiilik te ba libro yuꞌun kuxlejal yuꞌun te Chin Karnerae.

Apocalipsis 21:8

Pero te machꞌatik ya xiꞌike, sok te machꞌatik ma xchꞌuunonike, sok te machꞌatik pꞌajbil te tut ya spasike, sok te machꞌatik ya xmilwanike, sok te machꞌatik ya sꞌantsiwejike, sok te machꞌatik ya snopik yakꞌel pox ta skuenta pukuje, sok te machꞌatik ya yichꞌik ta mukꞌ te lotil diosetike, y sok spisil te loꞌlawanejetike, te stukelike ya me staik bael chꞌojel ochel ta kꞌajkꞌ te lom tulan yipal ta tilel sok asufree, te jaꞌ te xchaꞌmelal lajele —xchi.

1 Timoteo 5:8

Yuꞌun te machꞌa ma yajtaluk yoꞌtan te machꞌatik ay yuꞌune y sok spisil te machꞌatik ay yuꞌun ta snae, la sjilesix ta chꞌuunel Dios abi, y mas yesuk ke te machꞌatik ma xchꞌuunejuk Diose.

1 Timoteo 1:9

Ya skꞌan ya jnaꞌtik te ma jaꞌuk yaꞌtel te mantaliletik te ya xchap te machꞌatik lek te tut ya spasike. Te mantaliletike jaꞌ ya yakꞌ kastigo yuꞌun te machꞌatik ma xchꞌuunik mantale, y sok te lom kꞌaxemike, sok te machꞌatik ma lekuke, y sok te jmulawiletike, y sok te machꞌatik ma xyakꞌ ta jkuenta te Diose, sok te ma skꞌanik te religione, sok te machꞌatik ya smil stat o smeꞌ, sok ta spisil te jmilawetike,

2 Timoteo 3:17

Yuꞌun jich te swinik Diose lek pꞌijuben y tsꞌakal chapal yuꞌun ta spasel spisil ta jkaj te tut leke.

Tito 3:1

Akꞌtalanbeya snaꞌik te ya yakꞌik ta jkuenta te gobiernoe y sok te juꞌeletike. Yauk me xchꞌuunik mantal, y siluk me tiempo chapal ta spasel te tut leke.

Tito 3:3

Porke te nail toe jich ma pꞌijukotik ekꞌa, y ma jchꞌuunbeytik smantal te Diose. Chꞌayel ayotik, sok ayotik ta mosoinel yuꞌun spisil ta jkaj te tutik kꞌupinbil ta skuenta balmilale. Ma lekuk ayotik, sok la kilbey jba koꞌtantik, y la jpꞌaj jbajtik ta jujutul.