Tito 1:15 - Nuevo Testamento Tzeltal de Amatenango

¹⁵ Yuꞌun te machꞌatik lek ay spensarike, lek skꞌoplal yuꞌunik spisil tutik ay. Pero te machꞌatik ma xchꞌuunike, ni ma lekuk te spensarike, sok maꞌyuk tutꞌil lek skꞌoplalik yuꞌunik. Yuꞌun lom ijkꞌubenik te spensarike y te tut ya snaꞌike.

Bible in Tzeltal Bachajón

¹⁵ Spisil mach'atic lec yo'tanic, lec sc'oblal yu'unic spisil bintic ay, yan te mach'atic bohloben yo'tanic soc te ma sch'uhunic Dios, mayuc bin lec sc'oblal yu'unic, como bohloben sjolic soc yo'tanic.

Bible in Tzeltal de Oxchuc y Tenejapa

¹⁵ Te mach'atic utstesbil yo'tanique, yu'un nanix lec sc'oplal yu'unic spisil te bitic aye. Yan te mach'atic ma lecuc te yo'tanique, ma'yuc xch'uunjel yo'tanic, xujt' ma'yuc bi lec sc'oplal yu'unic, melel xujt' ma'yuc swentail te bila snopoj ta yo'tanique.

Tito 1:15 Referans Kwoze

Romanos 14:14

Te joꞌone jnaꞌojbe sluwar te maꞌyuk tut ya xjuꞌ te ya xꞌixtaꞌ a jkꞌoplaltik ta skuenta Dios. Te tutꞌil jchꞌuunej te Kajwaltik Jesuse, seguro ayon te jich aye. Yan teme ay machꞌa ya snop te ay tut te ma tsaꞌamuk ta pasele, yuꞌun nanix ma tsaꞌamuk teme jich ya spase.

Romanos 14:20

Ma me xꞌajimbey yaꞌtel Dios ta skaj te weꞌele. Ma yuꞌunuk ma lekuk ta weꞌel spisil ta jkaj te weꞌele. Jaꞌ ma lekuk teme ay tut ya jweꞌtik te ya xꞌixlanbot yoꞌtan yuꞌun te yane.

1 Corintios 10:23

Ay ya yalik: “Ayotik ta libre yuꞌun spasel te tutꞌ ya jkꞌantike”, xchiik. Jich. Pero ma spisilik ya xlokꞌ jkuenta kuꞌuntik a. Ayotik ta libre yuꞌun spasel te tut ya jkꞌan jpastike, pero ma spisiluk te ya skoltayotik ta skuenta Diose.

San Mateo 15:18

Yan te tut ya xlokꞌ ta atiꞌike, ta awoꞌtanik ya xlijk tal stukel. Jaꞌ ma tsaꞌamuk ya xkꞌoex ta stojol Dios yuꞌun.

Romanos 14:23

Pero te machꞌa ma to kꞌoemuk ta yoꞌtan teme lek o ma lek ya sweꞌ chꞌinuke, teme la sweꞌe, jich me a staix smul a. Porke ya sweꞌ te tutꞌil xchꞌuunej te ma lekuk ta weꞌele. Y spisil te tutik la spas te ma jichuk xchꞌuunej yoꞌtane, jich la staix smul abi.

1 Corintios 10:31

Ya kalbeyex: Teme ay tutꞌ ya xweꞌex o xꞌuchꞌaex o teme ay tut yan xan ya apasik, pasaik spisil ta skuenta slekilal a te Diose.

Hechos 10:15

Kꞌoponot xan ta xchaꞌmelal y jicha albot: —Te tut lekubenix yuꞌun te Diose ma me awal te jaꞌate te ma lekuk skꞌoplale —xchi.

1 Corintios 8:7

Pero ma spisiluk te jich snaꞌojik to. Ay jtul-cheb te jich kꞌayemik ta xchꞌuunel te lotil diosetike. Jaꞌ yuꞌun teme ya sweꞌ te weꞌeliletike, ya to snaꞌ te jaꞌ aꞌbil ta smajtan te lotil diosetike. Skaj te ma to ayuk spuersa yoꞌtanike, jaꞌ ya yalik te teꞌ ya xmulawik a te ya sweꞌelinik te sobrail weꞌelil yuꞌun te lotil diose.

Hebreos 10:22

Jaꞌ yuꞌun ya skꞌan xtijilajotik ta stojol Dios sok spisiluk me koꞌtantik y sok xchꞌuunel koꞌtantik te batsꞌi seguroe. Sakubenuk me te koꞌtantik yuꞌun te tut ma lek ya jnoptike, y sapbiluk me te jtiꞌbalultik ta puro lekil jaꞌ.

1 Corintios 10:25

Te jaꞌexe weꞌaik spisil te tut ya xchonot te ba ay jmil-tiꞌbaletike. Ma me ajojkꞌoyik ba talem te tiꞌbale yuꞌun jich me jun awoꞌtan a.

1 Timoteo 6:5

Ya sjajchesik te pleto te maꞌyuk slajibal sok te gente te ma tsaꞌamuk spensarik y ma snaꞌojuk te tut batsꞌi jiche. Ya skuyik ta snegosioik te tut xchꞌuunejike. Ma me ajoyin aba sok te machꞌatik jich ayike.

Hebreos 9:14

Pero teme jich ay to, jaꞌ to xan mas ay yip stukel te xchꞌichꞌel Cristoe. Yuꞌun ta skuenta te Espíritu te sbajtel kꞌinal aye, Cristo la yakꞌ sba ta milel ta stojol Dios jich tutꞌil milbil smajtan Dios te maꞌyuk smule. Y te xchꞌichꞌele la sakutesbotik koꞌtantik yuꞌun te kaꞌteltik te ya yikꞌotik bael ta lajele. Yuꞌun jich me ya xjuꞌ te ya kakꞌ jbajtik ta abatinel yuꞌun te kuxul Diose.

Hebreos 12:15

Oꞌtaninaik te ma me machꞌa ma staik te lekilal yuꞌun te Diose. Ma me ayuk machꞌa jich kꞌoem te tutꞌil jwol wamal te ay yisim te ma lekuk te ya yixlan te gentee.