Tito 1:14 - Nuevo Testamento Tzeltal de Amatenango

¹⁴ Jich me makꞌ ya yakꞌik ta jkuenta a te kuentoetik te jich nax nopbil yuꞌun te juriyoetike, ni te tut ya yalik ta mantal te machꞌatik yakꞌoj ta spat te tut batsꞌi jiche.

Bible in Tzeltal Bachajón

¹⁴ soc ma me xyich'ic ta cuenta te cuentohetic yu'un judíohetic soc te smandar winiquetic te yihquitayejic te smelelil c'ope.

Bible in Tzeltal de Oxchuc y Tenejapa

¹⁴ soc jich ma xch'uunic jontol aiyejetic te jowil nopbil nax yu'un te judioetique, soc jich ma xch'uunic te bila smandal nax ants-winiquetic te ma ba yich'ojic ta muc' te smelelil c'ope.

Tito 1:14 Referans Kwoze

2 Timoteo 4:4

Ya yakꞌik jilel ta spatik te tut batsꞌi jiche y jaꞌ ya yakꞌ ta jkuenta ta spisil ta jkaj te kuentoetike.

Colosenses 2:22

Spisil te mantaletik to, jaꞌ nax skꞌoplal te tutik ya xlaj ta tuuntesel ta orae. Y jaꞌ nax smantal winik sok jaꞌ nax spensarik te gentee.

2 Pedro 2:22

Pero te stukelike jaꞌ a kꞌot ta pasel te jich abil jilele: “Te tsꞌiꞌe la xchaꞌloꞌ xan te xee, y sok te meꞌ chitam te nusesbilixe la xchaꞌbalan sba xan ta ajchꞌal”, xchi me.

Gálatas 4:9

Pero ta ora to ya anaꞌbeyikix sba te Diose, o jaꞌ mas lek ta alel te Dios ya snaꞌ abaik te jaꞌexe. ¿Tut yuꞌun te ya sujtex xan ta skuenta te tutꞌil maꞌyuk yip y te maꞌyuk spoderike, y te ya awakꞌ abaik ta mosoinel yuꞌune?

San Mateo 15:9

Jowil nax te ya yal te ya xchꞌuunikone. Te tut ya yakꞌ ta nopele smantal nax winik stukel”, xchi me —xchi te Jesuse.

San Marcos 7:7

Lom nax te ya xtal xchꞌuunonike. Skꞌop nax gente te mantal ya yakꞌik ta nopele”, te xchie.

Hebreos 12:25

Jaꞌ yuꞌun, kuidado me xꞌanex, ma me apꞌajik te machꞌa ya xkꞌopoj ta jtojoltike. Yuꞌun ma ba kolik te machꞌatik la spꞌajik te Dios te kꞌalal a yikꞌtalan ta kꞌop liꞌ ba balmilale. ¿Y tutꞌil kꞌan kolukotik euk te joꞌotike, teme ya kakꞌtik ta jpatik te machꞌa ya yikꞌotik ta kꞌop kꞌalal ta chꞌulchane?

Tito 3:11

Yuꞌun ya skꞌan ya anaꞌ te machꞌa jich aye yanejemix ta sjol te kꞌope. Ta skuenta te smule, kechel te kastigo ta stojole.