Tito 1:11 - Nuevo Testamento Tzeltal de Amatenango

¹¹ Te machꞌatik jich ya yalike, ya skꞌan kombeyel te stiꞌike. Yuꞌun ya yixlanbe yoꞌtanik spꞌejel te machꞌatik jun nax ay snaike. Ya snojpeswanik te tut ma jichuk ya skꞌane, skuenta jich ya staik sloꞌlayel takꞌine.

Bible in Tzeltal Bachajón

¹¹ Ya sc'an ya yich' macbeyel yehic, como yac sjimbel nahetic, yu'un ta scaj sbic'sitayel taq'uin ya yaq'uic ta nopel te bin ma xtuhune.

Bible in Tzeltal de Oxchuc y Tenejapa

¹¹ Ya sc'an ya yich' maquel yeic te mach'atic jich ya spasique. Yu'un ay sjunal snaic te jnopojeletic te yantesbilix yo'tanic yu'unique. Yu'un ya yaq'uic ta nopel te bila ma lecuque. Scaj nax slo'layel taq'uin te jich ya spasique.

Tito 1:11 Referans Kwoze

2 Timoteo 3:6

Porke te stukelike jaꞌ ya xꞌochik ta nantike, y ya sloꞌlayik te bol antstik te nojelik ta mulil te jaꞌ ya xꞌikꞌot bael ta spasel spisil te tut ya skꞌan yoꞌtanike.

1 Timoteo 6:5

Ya sjajchesik te pleto te maꞌyuk slajibal sok te gente te ma tsaꞌamuk spensarik y ma snaꞌojuk te tut batsꞌi jiche. Ya skuyik ta snegosioik te tut xchꞌuunejike. Ma me ajoyin aba sok te machꞌatik jich ayike.

Romanos 3:19

Jnaꞌojtik spisil te tut ya yal te sjunal mandaliletike jaꞌ ya yalbe te machꞌatik ayix ta skuentae, yuꞌun ma xjuꞌ ya smak sbaik ta kꞌop a spisil te genteetik te ayik ta balmilal te ya yichꞌ kastigo yuꞌun te Diose.

Tito 3:10

Teme ay machꞌa ya yakꞌ dibision te ba ay hermanoetike, koma jmel o chaꞌmeluk. Pero teme ma xyakꞌat ta jkuentae, chꞌoja lokꞌel.

Tito 1:9

Ya skꞌan te yakꞌoj ta yoꞌtan te skꞌoplal te batsꞌi jich a aꞌbot snope, yuꞌun jich me ya xjuꞌ ya yaꞌbe spuersa yoꞌtan ekꞌa te yanetik sok te lekil nojpesele, y jich me ya xjuꞌ yuꞌun skomel te machꞌatik ya xkontrainwan ta kꞌope.

Tito 1:7

Yuꞌun te machꞌa yichꞌoj yaꞌtel ta statalil yuꞌun te hermanoetike, jaꞌ ay yaꞌtel yuꞌun ta skanantayel te tutik yuꞌun te Diose. Jaꞌ yuꞌun ya skꞌan te tojuk ay bael te xkuxlejale. Ma me toybauk, ma me orauk ya xꞌilin, sok ma me wakꞌ yakubuk, ni ma me tojoluk pleto, sok ma me xbikꞌtaj yoꞌtan yuꞌun sloꞌlayel takꞌin.

2 Corintios 11:10

Batsꞌi seguro ayon te jnaꞌoj te tut batsꞌi jich yuꞌun te Cristoe, yuꞌun jich maꞌyuk machꞌa ta spisil estado yuꞌun Acaya te ya spojbon te tut ben jun koꞌtan yuꞌun.

San Lucas 20:40

Y jich te saduseoetike la xiꞌik te ya to sjojkꞌojbeyik xan ae.

San Juan 10:12

Yan te machꞌa jle-aꞌtel naxe, te kꞌalal ya yil xtal te teꞌtikil tsꞌiꞌe, ya xchꞌoj jilel te karnerae ya xlokꞌ ta anel, porke ma jaꞌuk te jkanane y ma yuꞌunuk te karnerae. Jich te teꞌtikil tsꞌiꞌe ya sitꞌes bael te karneraetike, y ya xpujke bael ta bayuk nax yuꞌun.

San Mateo 23:13

“Ay pe jal jaꞌex, te maestroex yuꞌun te mantaliletike sok jaꞌex te fariseoexe, jaꞌex te ma tsaꞌamuk awoꞌtanike. Yuꞌun te jaꞌexe atsꞌusojikix ta yawe kꞌoem ta stojol te genteetik te spuertaul te ba ay ta mantal te Diose. Ni makꞌ xꞌochex teꞌa te jaꞌexe, sok ma xꞌawakꞌik te ay machꞌa ya skꞌan ya xꞌochik teꞌae.

1 Timoteo 5:4

Pero teme ay jtul meꞌba ants te ay yuntikil o yil-alatake, ya skꞌan te ya yichꞌ kuentainel yuꞌun te machꞌatik batsꞌi ay yuꞌune. Yuꞌun jich me ya sujtesbot a te tutꞌil ay skꞌuxul yoꞌtan te smeꞌ-statike. Porke jaꞌto jaꞌ lek ta pasel sok lek ya xꞌilot yuꞌun te Diose.

1 Timoteo 5:13

Y ya xlijk snop beral ta nantik, y ya xkꞌay ta chꞌajilal. Y ma jaꞌuk nax te lom chꞌaje, sino ke ya xlijk yal te tut ma tojuke, y tutikuk nax ya xchꞌik sba a, y ya yaltalan te tutik ma lekuke.

2 Timoteo 2:18

te la sjilesikix te tut batsꞌi jiche. Jaꞌ ya yalik te kꞌoemix ta pasel te chaꞌkuxele, y jich yipalik ta yixlanbeyel xchꞌuunel yoꞌtanik chaꞌoxtul te yanetike.