San Mateo 9:37 - Nuevo Testamento Tzeltal de Amatenango

³⁷ Jich a yalbe te jnopojeletik yuꞌune: —Bayal me te kꞌajoje. Yan te jkꞌajojetike maꞌyuk bayal.

Bible in Tzeltal Bachajón

³⁷ Ha yu'un la yalbe te jnopojeletic yu'un: Melel bayel te sit awal-ts'unubil, pero mayuc tsobol te j'a'teletique.

Bible in Tzeltal de Oxchuc y Tenejapa

³⁷ Jich la yalbey te jnopojeletic yu'une: —Ta mero melel bayal te c'ajoje. Yan te j'at'eletique ma'yuc bayalic.

San Mateo 9:37 Referans Kwoze

San Lucas 10:2

Jich a yaltalanbe: —Bayal te kꞌajoje. Yan te jꞌaꞌteletike maꞌyuk bayal. Jaꞌ yuꞌun, kꞌambeyaik te yajwal kꞌajoje te yauk stikon jꞌaꞌteletik ta kꞌajoje.

San Marcos 16:15

Sok altalanbot yuꞌun: —Baanik ta bayuk ta spꞌejel balmilal. Albeyaik spisil te genteetik te lek yachꞌil kꞌope.

1 Corintios 3:9

Te joꞌotike, joy jbajtik ta aꞌtel ta abatinel yuꞌun te Diose, y te jaꞌexe jaꞌex kꞌaltikex kꞌoem yuꞌun Dios. Y jichex euk tutꞌil na te yipal ta stejkꞌanel te Diose.

San Mateo 28:19

Jich yuꞌun baanik, benanik ta bayuk. Albeyaik te ya xꞌochik ta jnopojel kuꞌune spisil ta jkaj te genteetik ta balmilale. Aꞌbeyaik yichꞌ jaꞌ ta sbiil te jTate sok ta jkuenta euk te Nichꞌanilone, sok ta skuenta te Chꞌul Espiritue.

2 Corintios 6:1

Yuꞌun jich ayotik ta aꞌtel sok te Diose, ya kaltik ta atojolik: Ma me apꞌajik te slekil yoꞌtan Dios te ya yakꞌ ta akuentaik.

Hechos 16:9

Teꞌ ay tut aꞌbot yil ta xwayuch ta ajkꞌubal a te jPabloe. La yil jtul winik ta estado yuꞌun Macedonia te tekꞌel ta skꞌanel pawore. Jicha albot yuꞌun: “Kꞌaxan me bael ta Macedonia, yuꞌun ya xtal akoltayotik”, xꞌutot.

San Lucas 24:47

Sok te joꞌon ta jkuenta te ya xlijk ta alel kꞌalal ta Jerusalen sok ta spisil nasionetik te ya sujtes yoꞌtanik ta stojol Diose, yuꞌun jich me ya spasbot perdon yuꞌun a te smulike.

1 Timoteo 5:17

Te ansianoetik te lek ya skanantay te hermanoetike, ya skꞌan te kꞌax lek ya xꞌakꞌot ta jkuentae, batsꞌi jaꞌ te ansianoetik te ya yaꞌtelinik yalel te skꞌop Dios sok te ya snojpeswane.

Colosenses 4:11

Sok xkoltanukex laj me yuꞌun euk te Jesus, te Justo te xcheꞌbal sbiile. Jaꞌ to stukelik nax te ay ta yolilik te hermanoetik juriyoetik te la sjoyinikon ta aꞌtel te tutꞌil ay ta ajwalinel te Diose, y lom bayal a sjunutesbonik koꞌtan.

Hechos 18:10

Porke joyinejat, y maꞌyuk machꞌa ya xjuꞌ yilbajinat. Yuꞌun ay bayal machꞌa ay kuꞌun liꞌ ba jtejklume —xꞌutot.

San Mateo 9:38

Jaꞌ yuꞌun kꞌanbeyaik te yajwal kꞌajoje aꞌ stikon ta aꞌtel te jkꞌajojetike —xchi te Jesuse.

San Mateo 20:1

La yal te Jesuse: —Te tutꞌil ay ta ajwalinel te Diose, jaꞌ pajal sok te yajwal pinkae te sakub nax kꞌinal te lokꞌ sle yaj-aꞌtel yuꞌun ya skꞌokbe ochel sit te yawal-stsꞌunube.

Santiago 5:4

Te stojol te ma la awaꞌbeyik te genteetik te aꞌtejik ta akosechaike, yipalik ta yalel te ma lekuk tut la apasike. Y te Kajwaltik te spisil ya xjuꞌ yuꞌune, la yaꞌiyix te skꞌopik te jꞌatꞌeletike.