San Mateo 9:35 - Nuevo Testamento Tzeltal de Amatenango

³⁵ Te Jesuse la yokliy spisil te mukꞌul jtejklumetike sok te chꞌin kolonyaetike. Nojpeswan ta sinagogaetik ta jujun jtejklum. La yaltalanbe te lek achꞌ kꞌop yuꞌun te ya xlijkix ta mantal te Diose. Sok la slekuteslanbe tutikuk nax chamelil te ay ta stiꞌbalulike sok spisil te tutik kꞌux ta aꞌiyele.

Bible in Tzeltal Bachajón

³⁵ Te Jesús la sbehentay spisil te pueblohetic soc tut pueblohetic, yac ta p'ijubteswanej ta sinagogahetic yu'unic, yac ta yalel te lec yach'il c'op yu'un te cuentahinel yu'un Dios, soc yac slecubteslambel spisil chameletic soc spisil te banti c'ux ya ya'iyic.

Bible in Tzeltal de Oxchuc y Tenejapa

³⁵ Te Jesús la yocliy spisil te muc'ul lumetique soc te ch'in lumetique. La yaiy p'ijubteswanej ta sinagogaetic ta juju-jpam lum. La xcholbey yaiyic te lec yach'il c'op te bit'il ay ta ajwalinel te Dios te ay ta ch'ulchane. Soc la slamantesbey biluc nax chameliluc te ay ta sbaq'uetalique, soc spisil ta jchajp te bila ay xc'uxule.

San Mateo 9:35 Referans Kwoze

Hechos 10:38

Awaꞌiyejbeyik sluwar skꞌoplal te Jesus te talem ta jtejklum Nazaret. Te Dios a yaꞌbe spoder y la yaꞌbe yikꞌ te Chꞌul Espiritue. Y te Jesuse bayuk nax a been ta spasel te tut leke y ya slekuteslan spisil te machꞌatik ayik ta ilbajinel yuꞌun te pukuje. Jicha juꞌ yuꞌun spasel porke joyinbil yuꞌun te Diose.

San Marcos 6:56

Bayuk nax a kꞌax te Jesuse, ta chꞌin kolonyaetik, ta jtejklumetik sok ta stenlejiltik, la yakꞌtalanik ta be te chameletike, sok la skꞌanbeyik te Jesuse te yakuk spikbey te xkamix te Jesuse. Te jayeb a stabe ta pikel te xkamixe, kolik jilel ta chamel.

San Mateo 11:5

Albeyaik te yipal ta jamel sit te choketike sok te yipal ta lekubel te koxoetike, sok yipal ta lekubel stiꞌbalulik te kꞌaꞌel-chameletike, sok yipal ta jamel xchikin te machꞌatik ma xyaꞌiy kꞌope, sok yipal ta chaꞌkuxel te machꞌatik chamenikixe, sok yipalix ta albeyel sluwaril te meꞌbaꞌetik te tutꞌil ayix skolelike.

San Lucas 13:22

Te kꞌalal yipal kꞌael ta beel ta Jerusalen te Jesuse, yipal kꞌael ta pꞌijuteswanej te ba jtejklumetike sok ba kolonyaetike.

Hechos 2:22

“Aꞌiyaik me cheꞌe, israeletik, te tut ya xlijk kalbeyexe: Yuꞌun te jaꞌexe anaꞌojik lek te Jesus ta Nazarete ben tsaꞌam slekil a ilot yuꞌun te Diose. Yuꞌun jaꞌ ta skuenta stukel te Diose te la spas mukꞌul señaetik, y milagroetik, sok te tut ben yan ta ilele.

San Marcos 6:6

Te Jesuse bayal yajtal yoꞌtan yuꞌun te tutꞌil ma xchꞌuunot yuꞌun te genteetike. Been ta chꞌin kolonyaetik te tijilik, sok la spꞌijuteslan jilel te genteetike.

San Mateo 11:1

Te kꞌalal laj yoꞌtan te Jesuse ta spasel mantal te lajchaytul jnopojeletik yuꞌune, jajch bael teꞌa. Ba pꞌijuteswanuk sok ba yal skꞌop Dios te ba jtejklumetik teꞌa.

San Mateo 10:1

Te Jesuse la yikꞌ tal te lajchaytul jnopojeltik yuꞌune. La yakꞌtalanbe yichꞌ yaꞌtelik ta slokꞌesel pukujetik sok ta slekutesel spisil tutikuk nax chamelil sok te tutik kꞌux ta aꞌiyele.

San Marcos 1:14

Te tut ora otsesot ta prexo te Juane, te Jesuse bajt ta Galilea. Tey kꞌo yalbey a spisil genteetik te lekil kꞌop yuꞌun te Diose.