San Mateo 9:27 - Nuevo Testamento Tzeltal de Amatenango

²⁷ Te kꞌalal lokꞌ bael teꞌa te Jesuse, ay cheb choketik te la stsꞌakliyik bael. Lijk yawutayik: —Kꞌuxutayaotik, jaꞌat te stsꞌumbalat te jDavide —xchiik.

Bible in Tzeltal Bachajón

²⁷ Sohl xan bahel tey a te Jesús, tal ta t'unel yu'un cheb ts'o'sitetic, yac yawtaybelic: ¡C'uxultayawotcotic, sts'umbalat David! xchihic ta aw.

Bible in Tzeltal de Oxchuc y Tenejapa

²⁷ Te c'alal loq'uix bael tey a te Jesuse, ay cheb ma'sitetic te la sts'aclinic baele. Jajch' yawtayic: —Sts'umbal David, c'uxtayawotic —xiic.

San Mateo 9:27 Referans Kwoze

San Mateo 15:22

Ay jtul cananea-ants teꞌey sna a, tulan a kꞌopoj ta skꞌanel pawor: —Kajwal, stsꞌumbalat jDavid, kꞌuxtayaon sok te kachꞌixe, yuꞌun ay pukuj ta yoꞌtan. Ben xꞌilbajinot yuꞌun —xchi.

San Mateo 11:5

Albeyaik te yipal ta jamel sit te choketike sok te yipal ta lekubel te koxoetike, sok yipal ta lekubel stiꞌbalulik te kꞌaꞌel-chameletike, sok yipal ta jamel xchikin te machꞌatik ma xyaꞌiy kꞌope, sok yipal ta chaꞌkuxel te machꞌatik chamenikixe, sok yipalix ta albeyel sluwaril te meꞌbaꞌetik te tutꞌil ayix skolelike.

San Mateo 17:15

—Kajwal, awokoluk, kꞌuxtaybon te jnichꞌane, yuꞌun sil tiempo ya xtupꞌ yikꞌ. Toj oꞌol sba yuꞌun. Ben ya xchꞌay ta kꞌakꞌ sok ta jaꞌ.

San Juan 7:42

Te Sjun Diose ya yal te Cristoe puersa ta stsꞌumbal te rey jDavid ya xtal, y ta jtejklum Belen ya xtal, te jaꞌ slumal te jDavide —xchiik yuꞌun.

San Lucas 7:21

Te kꞌalal teꞌ ayik ae la yilik te tutꞌil yipal ta slekutesel bayal genteetik te ayik ta chamele sok te ayik ta wokole. Sok yipal ta slokꞌesel pukuj ta yoꞌtanik te machꞌatik ay pukuj ta yoꞌtanike. Sok ya sjambe sit te bayal choketike.

San Marcos 11:10

¡Ben me tsaꞌam te machꞌa xlijk ta mantale te stsꞌumbal te jtatik Davide! ¡Bayal slekilal te Chꞌul Dios te ay ta chꞌulchane! —xchiik ta aw.

San Marcos 9:22

Benoix a chꞌojot ochel ta kꞌajkꞌ yuꞌun te pukuje sok ta jaꞌ, yuꞌun skꞌan smil. Jaꞌ yuꞌun, teme ya xjuꞌ awuꞌune, naꞌbotik yoꞌolil jbajtik y koltayaon sok —xchi.

San Mateo 21:9

Te machꞌatik nailajemik baele sok te machꞌatik patilajemike la yawutayik: —¡Bayal slekilal! ¡Ben tsaꞌam slekil te machꞌa talem ta skuenta te Kajwaletike! ¡Bayal slekilal te chꞌul Dios te ay ta chꞌulchane! —xchiik ta yawutayel.

San Mateo 1:1

Jaꞌ to jaꞌ slistaul te machꞌatik nail tal yuꞌun te Jesucristoe te stsꞌumbal te jDavide, te jaꞌ stsꞌumbal te jꞌAbrahame.

San Mateo 21:15

Te statal-saserdoteetike sok te maestroetik yuꞌun te mantaliletike la yilik te milagroetik te ya spas te Jesuse. Sok ilinik kꞌalal la yaꞌiyik te xꞌawlajan ta templo te chꞌin untike. Jich a yalik ta stojol te Jesuse: “¡Bayal slekilal te stsꞌumbal jDavide!” xchiik.

Romanos 9:5

Jaꞌ stsꞌumbalik te antibo jmeꞌ-jtatike, sok jaꞌ stsꞌumbal yuꞌunik te Cristo te tal ta balmilal jich tutꞌil winik, te jaꞌ Dios stukel, te toyol ay yuꞌun spisil te tutik aye. Jaꞌ nax ay ta akꞌel ta jkuenta stukel ta sbajtel kꞌinal. Jichuk.

San Lucas 20:41

Te Jesuse la sjojkꞌolambe: —¿Tuꞌun te ya yalik te jaꞌ stsꞌumbal jDavid te Cristoe?

San Lucas 17:13

—¡Jesus, Maestro, kꞌuxutayaotik! —xchiik ta aw.

Romanos 1:3

Jaꞌ skꞌoplal te xnichꞌane te Kajwaltik Jesucristoe, te jachik tut winik a kꞌot, te stsꞌumbal rey Davide.

San Mateo 9:28

Te kꞌalal ochix ta na a te Jesuse, tijilaj tal ta stojol te choketike. Te Jesuse la sjojkꞌobe: —¿Me achꞌuunejik te tutꞌil ya xjuꞌ kuꞌune? —xchi. La yalik: —Jich Kajwal, jchꞌuunejtik —xchiik.

San Mateo 20:29

Te kꞌalal lokꞌik bael ta jtejklum Jerico, bayal genteetik a tsꞌakliyot bael yuꞌun te Jesuse.