San Mateo 9:21 - Nuevo Testamento Tzeltal de Amatenango

²¹ Yuꞌun jich a yal ta yoꞌtan: “Te jaꞌuk nax ya jpikbe te skꞌuꞌ-spakꞌe, ya xlekubon a”, xchi ta yoꞌtan.

Bible in Tzeltal Bachajón

²¹ yu'un hich la yal ta yo'tan: Teme ha nax ya jpicbe smuc'ul-c'u', hich ya xlecubon a, xchi ta yo'tan.

Bible in Tzeltal de Oxchuc y Tenejapa

²¹ Yu'un jich la yal ta yo'tan: “Teme ja' nax ya jpicbey te sc'u'e, tic' ya xcolon a”, xi'.

San Mateo 9:21 Referans Kwoze

Hechos 19:12

Chikan me jaꞌ te xchukile o jaꞌ te xchujkil xchꞌujte teme la yichꞌbeyik bael te machꞌa ay ta chamele, ora ya xlekub yuꞌun te xchamele y te pukujetik ya xlokꞌ bael ta stojolik.

San Mateo 14:36

La skꞌanbeyik pawor te jipuk nax ya spikbeyik a te stiꞌil te skꞌuꞌ-spakꞌe. Spisil te machꞌatik la spikbeyik te stiꞌil skꞌuꞌ-spakꞌe kolik ta chamel.

San Marcos 3:10

Batsꞌi stenten sbaik yuꞌun skꞌan spikik te Jesuse, yuꞌun bayalix te machꞌatik kolemikix ta chamel yuꞌune.

San Lucas 6:19

Spisil te genteetike yoꞌtanuk ya spikik te Jesuse, jich a slekutes ta spoder spisil te jchameletike.