San Mateo 9:2 - Nuevo Testamento Tzeltal de Amatenango

² Ay jtul winik teꞌa te kꞌolbil xchial yok-skꞌabe xchoyojik tal ta kꞌabal-teꞌ ta stojol te Jesuse. Te kꞌalal la yil Jesus te tutꞌil xchꞌuunej yoꞌtanik te ya xlekuteswane, jich a yalbe te jchamele: —Junuk awoꞌtan, jnichꞌan. Chꞌaybilix te amule —xchi.

Bible in Tzeltal Bachajón

² Ay tal sq'uechbelic jtuhl winic te chamen schihal yoc sc'ab, metsel ta schahchamte'el. C'alal la yil te Jesús te ay sch'uhunel yo'tanic, hich la yalbe te mach'a chamen schihal yoc sc'ab: Ayuc me smuc'ul awo'tan, jnich'an. Ch'aybilix amul, xchi.

Bible in Tzeltal de Oxchuc y Tenejapa

² Ay jtul winic tey a te chamen xchial yoc-sc'ab te la sq'uechic tel ta cajcante' ta stojol te Jesuse. C'alal la yil Jesús te bit'il ay xch'uunjel yo'tanique, jich la yalbey te jchamele: —Jnich'an, ac'a bujts'najuc awo'tan. Pasbilatix perdón yu'un te amule —xi'.

San Mateo 9:2 Referans Kwoze

San Mateo 9:22

Pero te Jesuse la sujtes sba, la skꞌeluy te antse. Jich a yalbe: —Junuk awoꞌtan kantsil-nichꞌan. Te tutꞌil jich la achꞌuun ta awoꞌtane, jich kolatix —xchi. Mismo tiempo a kol te antse.

Santiago 2:18

Ay wan machꞌa jich ya yal: “Ay machꞌa ay xchꞌuunel yoꞌtan sok ay yan te ya yaꞌtelin spasel te tut leke”, xchi. ¿Pero tut ya awaꞌbon kil te xchꞌuunel awoꞌtan, te maꞌyuk tut lek ya apase? Te joꞌone ya kakꞌ awil te xchꞌuunel koꞌtane ta skuenta te tut juꞌem kuꞌun spasele.

Hechos 19:12

Chikan me jaꞌ te xchukile o jaꞌ te xchujkil xchꞌujte teme la yichꞌbeyik bael te machꞌa ay ta chamele, ora ya xlekub yuꞌun te xchamele y te pukujetik ya xlokꞌ bael ta stojolik.

San Juan 21:5

Te Jesuse la sjojkꞌolanbe: —Jkentik, ¿me ayix atsakojik te chaye? —xchi. La sjakꞌik: —Maꞌyuk —xchiik.

San Mateo 8:10

Kꞌalal la yaꞌiybe sluwaril te Jesuse, bayal a aꞌabiyan yoꞌtan yuꞌun. Jich a yalbe te machꞌatik stsꞌakliyejik tale: —Jamal ya kalbeyex: Ni jtuluk jtaoj ta Israel te jich xchꞌuunej yoꞌtan te spisil ya xuꞌ kuꞌune jich tutꞌil te winik to.

San Mateo 4:24

Pujk skꞌoplal te Jesuse ta spꞌejel estado yuꞌun Siria. La yikꞌtalanik tal ta skuenta te jayeb machꞌatik ayik ta chamele, chikan te tutikuk chamelil te kꞌux ya yaꞌiy ta stiꞌbalulike. Ay machꞌatik ochem pukuj ta yoꞌtanik sok ay machꞌatik staoj tupꞌtupꞌ-ikꞌal sok ay machꞌatik kꞌolbil yok-skꞌabik te la slekuteslan te Jesuse.

Romanos 5:11

y ma jaꞌuk nax to. Jun koꞌtantik ayotikix ta stojol Dios ta skuenta Cristo te junix koꞌtantik sok te Diose.

Hechos 14:9

Te winik to teꞌ nakal ta yaꞌiyel a te tut yipal ta yalel te jPabloe. Te jPabloe la skꞌelube sit, y la yil te ay bayal xchꞌuunel yoꞌtan te ya xlekube.

San Juan 16:33

Ya kalbeyex pisil to, yuꞌun jich me bujtsꞌan kꞌinal ya awaꞌiyik ta jtojol. Yan te liꞌ ba balmilale, te jaꞌexe ya me xkꞌax awokolik. Pero ayuk me spuersa awoꞌtanik, yuꞌun joꞌon jtsalojix te balmilale —xchi te Jesuse.

San Mateo 9:6

Jaꞌ tsꞌin to ya me kaꞌbeyex awilik te tutꞌil ay tulan yaꞌtel yichꞌoj ta xchꞌayel mulil ta balmilal te Nichꞌanile —xchi te Jesuse. Sok jich a yalbe te machꞌa kꞌolbil xchial yok-skꞌabe: —Jajchan choya bael te akꞌabal-teꞌe, baan ta ana —xyut.

San Mateo 8:16

Xꞌijkꞌubix a la yikꞌik tal ta stojol Jesus bayal ta jtul machꞌatik ay pukuj ta yoꞌtanike. Jujupꞌal nax skꞌop la slokꞌeslan te pukujetik te ay ta yoꞌtanike, y la slekutesbe xchamelik spisil te machꞌatik ayik ta chamele.

San Juan 2:25

Ma puersauk te ay machꞌa ya xꞌalbot yuꞌun te tut ay yoꞌtan te genteetike, yuꞌun stukel mismo snaꞌojbe yoꞌtan te juju-tul gentee.

San Marcos 5:34

Te Jesuse la yalbe: —Kantsil-nichꞌan, te tutꞌil jich la achꞌuun ta awoꞌtane, jich kolatix. Kontento xbaat. Kolatix ta chamel —xchi te Jesuse.

San Marcos 1:32

Ta yochel ajkꞌubal, kꞌalal chꞌayemix a te kꞌakꞌale, te genteetik la yikꞌik bael te ba ay Jesus spisil te jchameletike sok te ochem pukuj ta yoꞌtanike.

San Mateo 6:12

Aꞌbotik me perdon yuꞌun te jmultike, jachik tutꞌil te ya jpastik perdon yuꞌun te machꞌa ya sta smul kuꞌuntike.

San Mateo 9:5

¿Tut a te lek ta alel ya awaꞌiyik ta stojol te jchamele? ¿Me jaꞌ wan wokol te “Chꞌaybilix amul” te ya kute? ¿O jaꞌ wokol ya awaꞌiyik te “Jajchan, beenan” teme ya kute?

San Mateo 14:27

Te Jesuse la skꞌoponlan ta ora: —Ayuk spuersa awoꞌtanik. Joꞌon ya awile, ma xiꞌanik —xchi.

San Marcos 6:50

Spꞌejelik la yilik y bayal a xiꞌik yuꞌun. Te Jesuse la skꞌopon ta ora: —Ayuk me yip awoꞌtanik. Joꞌon me. Ma me xiꞌanik —xchi.

San Marcos 10:49

Yo tejkꞌaj tsꞌiin te Jesuse, sok la yal: —Ikꞌaik tal —xchi. Jich a yikꞌik tal te chok winike. Albot yuꞌunik: —Junuk awoꞌtan. Jajchan. Ya yikꞌatix —xchiik.

Hechos 23:11

Kꞌalal och te ajkꞌubale, te Kajwaltike la yakꞌ sba ta ilel ta stojol te jPabloe, y la yalbe: —Pasa me puersa, Pablo, porke jich tutꞌil te la awalbonix jkꞌoplal liꞌ ba Jerusalene, jich mismo ya xkꞌo awalbon jkꞌoplal ta Roma —xꞌutot yuꞌun.