San Mateo 9:18 - Nuevo Testamento Tzeltal de Amatenango

¹⁸ Te kꞌalal jich yipal ta yalel a te Jesuse, tal jtul juriyo winik te ay yaꞌtel ta statal yuꞌunike. La skejan sba ta yok sok la skꞌambe bayal pawor. Jich a yal: —Te kantsil-nichꞌane jchamel to. Pero teme ya xtal akajanbe akꞌab tasjole, jich me ya xchaꞌkux xan —xchi.

Bible in Tzeltal Bachajón

¹⁸ Hich yac ta yalel a te Jesús, tal jtuhl principal winic, hul squejan sba ta stojol, hich la yal: Chamel to te cantsil-nich'an; conic, cajambon ac'ab ta sba, hich me ya xcuxaj a, xchi.

Bible in Tzeltal de Oxchuc y Tenejapa

¹⁸ Te c'alal jich yac ta yalel a te Jesuse, tal jtul judio-winic te yich'oj yat'el ta jwolwanej yu'unique. La squejan sba ta stojol soc la yalbey wocol: —Te cantsil-nich'ane lajel to, ja'uc me to, teme ya xtal acajanbey ac'ab ta sjole, jich me ya xcha'cux xan —xi'.

San Mateo 9:18 Referans Kwoze

San Mateo 8:2

Sok tijilaj tal ta stojol jtul winik te yichꞌoj kꞌaꞌel-chamele. La skejan sba ta sit te Jesuse. Jich a yal: —Kajwal, te jichuk ya skꞌan awoꞌtan te ya akoltayone —xchi.

San Lucas 13:14

Pero te machꞌa yichꞌoj yaꞌtel ta statalil te ba sinagogae ilin yuꞌun, yuꞌun te Jesuse la slekutes ta skꞌaalel kuxo-oꞌtan. La yalbe te genteetike: —Ay wakeꞌ kꞌaal te ya xꞌaꞌtejotike. Jaꞌ ya xtalex a te ya awakꞌ abaik ta lekutesel yuꞌun te achamelike. Ma me jauk a te skꞌaalel kuxo-oꞌtane —xyut.

San Juan 11:32

Kꞌalal kꞌot te xMaria te ba ay te Jesuse la skejan sba ta yok sok la yal: —Kajwal, te liyuk ayate maꞌ cham te kijtsꞌin te jichuke —xchi.

San Mateo 9:24

La yal te Jesuse: —Lokꞌanik bael, yuꞌun te achꞌixe ma chamenuk. Wayal nax —xyut. Te genteetike la stseꞌlayik te Jesuse.

Hechos 13:15

Patil te la yichꞌix ilel a te sjunal te mantaletik yuꞌun te Diose sok te sjun alwanejetike, te stataletik yuꞌun te sinagogae la stikonik ta albeyel te jPablo sok te jBernabee: —Kermanotak, teme ay tut ya akꞌan ya awalik ta stojol te genteetik te ya awaꞌbe spuersa yoꞌtane, ya xjuꞌ xkꞌopojex —xchiik.

San Juan 11:25

Te Jesuse jich a yalbe xan: —Joꞌon ya kakꞌ chaꞌkuxel sok kuxlejal. Te machꞌa ya xchꞌuunone manchuk me ya xcham, pero ya xchaꞌkux tal.

San Lucas 18:18

Ay jtul te machꞌa statal yuꞌun te juriyoetik la sjojkꞌobey te Jesuse: —Ben lekat Maestro. ¿Tut ya skꞌan ya jpas te tutꞌil ya jta te jkuxlejal sbajtel kꞌinale? —xchi.

San Lucas 7:2

Ay jtul statal soltaro yuꞌun Roma teꞌa te ay yaj-aꞌtel te ben kꞌux ta yoꞌtane. Ay ta chamel, y ya xchamix.

San Mateo 28:17

Te kꞌalal la yilik teꞌa te Jesuse, la skejan sbaik ta stojol. Pero ay chaꞌoxtul te ma spisiluk yoꞌtanik la xchꞌuunik te jaꞌ te Jesuse.

San Mateo 17:14

Te kꞌalal kꞌotik ta ba ay te genteetike, tijilaj tal jtul winik ta stojol te Jesuse. Tal skejan sba ta sit sok jich a yalbe:

San Mateo 15:25

Pero te antse ba skejan sba ta stojol. Jich a yal: —Kajwal, koltayaon —xchi.

San Mateo 14:33

Jich te machꞌatik ayik ta barkoe la skejan sbaik ta sit te Jesuse. Jich a yalik: —Yuꞌun nanix jaꞌat a te Xnichꞌanat te Diose —xchiik.

San Mateo 20:20

Te smeꞌ te yuntikil Zebedeoe tijilaj tal ta stojol te Jesuse. Soyinej tal te cheb yuntikile. Te antse la skejan sba ta sit te Jesuse yuꞌun ay tut ya skꞌanbey.

San Mateo 8:25

Te jnopojeletik yuꞌune ba stijik jajchel. Jich a yalbeyik: —¡Kajwal, koltayaotik! ¡Ya skꞌan smulotik jaꞌ! —la yutik.

San Mateo 9:17

Ni ma spas ta pulel te achꞌ bino ta nujkul te kꞌaꞌixe. Teme jich ya yichꞌ pulele, ya me xchꞌiꞌ te nujukule. Jich ya me xchꞌay te binoe sok te nujkule. Por eso ya skꞌan te achꞌ nujkꞌul ya yichꞌ pulel a te achꞌ binoe. Jich ya xtuun ta xcheꞌbal a —xchi te Jesuse.

San Mateo 9:19

Jajch bael te Jesuse, la sjoyin bael te winike sok te jnopojeletike.

Hechos 28:8

Te stat jPublioe tabil ta chamel. Wayal ta swayib, yuꞌun yichꞌoj kꞌajkꞌ sok chꞌich tsaꞌanel. Jicha ba yulutay tal te jPablo, y patil te laj skꞌoponbe Diose, la skajanbe skꞌab ta sjol y lekub.