San Mateo 9:13 - Nuevo Testamento Tzeltal de Amatenango

¹³ Baan, nopaik te tut ya yal te Sjun Diose: “Jaꞌ ya jkꞌan te ya xkꞌuxutaywanexe. Ma jaꞌuk ya jkꞌan te milbil jmajtane”, te xchie. Ma jaꞌuk a tal kikꞌ te machꞌatik lek ta winikil ta skꞌopike. Jaꞌ a tal kikꞌ te jmulawiletike, jich me ya sujtes yoꞌtanik yuꞌun te smulike —xchi te Jesuse.

Bible in Tzeltal Bachajón

¹³ Bahanic, nopahic bin scuentahil te hich halbil: Ha ya jc'an te yac awa'iyic c'uxultaywanej, ma ha'uc ya jc'an milbil mahtanil, te xchihe. Como ma ha'uc tal quic'ticlan te mach'atic toj yo'tanic, ha tal quic' te jmulawiletique, xchi.

Bible in Tzeltal de Oxchuc y Tenejapa

¹³ Baan, nopaic te bi ya yal te Sjun Diose: “Ja' ya jc'an te ya awaiyic c'uxtaywaneje. Ma ja'uc ya jc'an te milbil majt'anile”, te xie. Melel ma ja'uc tal quic' te mach'atic tojique. Ja' tal quic' te jmulawiletic te ya sujt'es yo'tanic ta stojol te Diose —xi' te Jesuse.

San Mateo 9:13 Referans Kwoze

San Marcos 2:17

La yaꞌi tsꞌin to te Jesuse, jich la yalbe: —Te machꞌatik lek ayike maꞌyuk nesesidad yuꞌun te jloktore; jaꞌ nax te machꞌatik ayik ta chamele puersa yuꞌun te jloktore. Ma jaꞌuk tal kikꞌ machꞌatik lekike, jaꞌ a tal kikꞌ te jmulawiletike —xchi te Jesuse.

San Lucas 19:10

Yuꞌun te Nichꞌanile jaꞌ a tal sle y tal skoltay te machꞌatik chꞌayeme —xchi te Jesuse.

San Lucas 5:32

Ma jaꞌuka tal kikꞌ te machꞌatik lek ayik ta skꞌopike. Jaꞌa tal kikꞌ te jmulawiletike yuꞌun ya sujtes yoꞌtanik yuꞌun te smulike —xchi.

San Mateo 12:7

Te jaꞌexe ma anaꞌojbeyikuk sluwaril te tut tsꞌibabil ta Sjun te Diose: “Jaꞌ ya jkꞌan te ya xkꞌuxutaywanexe. Ma jaꞌuk ya jkꞌan te milbil majtane”, xchi me. Te yuꞌunuk ya anaꞌbeyik sluwarile, makꞌ ya alebeyik smul te machꞌatik maꞌyuk smulik te jichuke.

2 Pedro 3:9

Ma yuꞌunuk yokelaluk ya yakꞌ kꞌouk ta pasel te Kajwaltik te tut yaloje, jich tutꞌil te ay machꞌatik jich skuyojike, sino ke jun yoꞌtan ya smaliyex te jaꞌexe. Yuꞌun ma skꞌan teme ay machꞌa chꞌayel ya xbajte, sino ke jaꞌ ya skꞌan te spisil ya sujtes yoꞌtanik ta stojol Diose.

Hechos 3:19

Jaꞌ yuꞌun sujtesa awoꞌtanik ta stojol Dios te jaꞌexe y sujtesa awoꞌtanik yuꞌun te amulike. Jich me ya xchꞌaybeyex te amulike. Jich me ya sta yorail yuꞌun te Kajwaltik te ya slekutesexe,

Hechos 11:18

Te kꞌalal jich a yaꞌiyik te hermanoetik ta Jerusalene, ma tuti yalikix a y la yalbeyik slekilal te Diose. Jich a yalik: —Yuꞌun Dios a yaꞌbe sujtes yoꞌtanik yuꞌun smulik te machꞌatik ma juriouke. Jich me ya xkolik sbajtel kꞌinal euk —xchiik.

San Mateo 3:2

Teꞌ lijk yaltalanbe a te genteetike: —Sujtesa me awoꞌtanik yuꞌun te amulike yuꞌun ya me xlijkix ta pasaw ta mantal te Diose —xchi.

Hechos 5:31

Dios a yakꞌ ta akꞌel ta jkuenta, y la yakꞌix ta sbatsꞌil kꞌab, y la yakꞌix ta ajwalil sok ta jkoltawanej, yuꞌun jich me ya sujtes yoꞌtanik yuꞌun smulik ta stojol Dios te nasion israele, y jich me ya staik perdon yuꞌun te smulike.

San Lucas 24:47

Sok te joꞌon ta jkuenta te ya xlijk ta alel kꞌalal ta Jerusalen sok ta spisil nasionetik te ya sujtes yoꞌtanik ta stojol Diose, yuꞌun jich me ya spasbot perdon yuꞌun a te smulike.

San Mateo 4:17

Jaꞌix yorail a te Jesuse lijk yal ta bayuk nax ta skuenta te genteetike te lek yachꞌil kꞌop yuꞌun te jkoleltike. Jich a yal: —Sujtesa awoꞌtanik yuꞌun te amulike yuꞌun ya xlijkix ta pasaw ta mantal te Diose —xchi te Jesuse.

Hechos 2:38

Te jPedroe la sjakꞌtalanbe: —Sujtesa awoꞌtanik ta stojol Dios y akꞌa abaik ta ichꞌjaꞌ juju-tul ta skuenta te Jesucristo. Yuꞌun jich me ya spasbeyex perdon yuꞌun amulik te Diose, sok amajtanik ya yaꞌbelex te Chꞌul Espiritue.

San Mateo 3:8

Aꞌ me chiknajuk ta ilel ta jamal ta skuenta awaꞌtelik te tutꞌil sujtemix awoꞌtanik ta stojol te Kajwaltike. Ma me xꞌawalik: “Te joꞌotike stsꞌumbalotik jꞌAbraham”, ma me xchiukex.

Hechos 20:21

Jamal a kalbe te juriyoetike sok te machꞌatik maꞌ juriyouke te ya skꞌan ya sujtes yoꞌtanik yuꞌun smulik ta stojol Dios, sok te ya xchꞌuunik te Kajwaltik Jesucristoe.

San Mateo 21:42

Te Jesuse la yaltalanbe: —¿Me ma awilojuk ta Sjun Dios te jich ya yale?: “Te ton te ma tsaꞌamuk a yilik te jꞌalwaniletike, jaꞌ yipajib chikin-na a kꞌotix stukel. Jaꞌ a yakꞌ kꞌotuk ta pasel te Kajwaltike. Ben tsaꞌam slekil ya kiltik”, xchi me.

San Mateo 12:3

La yal te Jesuse: —¿Ma wan awilojuk ta Sjun Dios te tut la spas te jDavid te kꞌalal ay ta wiꞌnal sok te sjoꞌtake?

San Marcos 12:26

Te tutꞌil ya ajojkꞌoyik te machꞌatik ya xchaꞌkuxik tale, ¿yuꞌun wan ma ba awilojik te tut tsꞌibabil jilel yuꞌun Moises te ba la yalbe skꞌoplal te pejtꞌ chꞌixteꞌ te yipal ta tilele? Jich a yal teꞌa te Diose: “Joꞌon Dioson yuꞌun te Abrahame sok te Isaake sok te Jacobe”, te xchie.

San Juan 10:34

Te Jesuse la yaltalanbe: —Te ba mantaliletik awuꞌunike, teꞌ tsꞌibabil a te tut ya yal te Diose: “te jaꞌex diosex”, xchi me.

San Mateo 19:4

La sjakꞌ te Jesuse: —¿Meꞌn maꞌ awilojikuk te tut ya yal te Sjun Diose? Kꞌalal ta slijkibal te Diose la spas winik sok ants.

San Mateo 12:5

¿O maꞌyuk awilojik te mantaliletik yuꞌun te jMoisese, te tutꞌil makꞌ skux yoꞌtanik yuꞌun yaꞌtel ta templo ta skꞌaalel kuxo-oꞌtane te saserdoteetike, sok maꞌyuk ta mulil yuꞌun?

San Lucas 10:26

La sjakꞌ te Jesuse: —¿Tut yaꞌiyel ya awaꞌi te tsꞌibabil jilel ta mantaliletike? ¿Tut xchi ya awaꞌi te ya awile? —xchi.

San Marcos 12:33

Sok te tutꞌil la awal te kꞌux me ya kaꞌiytik ta koꞌtantik sok spisil koꞌtantik, sok spisil jpꞌijiltik, sok spisil jkꞌuxlejaltik, sok spisil te jfuersatike. Y sok te tutꞌil kꞌux me ya kaꞌiytik ta koꞌtantik te joytik ta krixianoile, jich te tutꞌil kꞌux ya kaꞌi bajtik te joꞌotike. Jaꞌ tulan skꞌoplal ta pasel stukel. Jaꞌ pekꞌ me skꞌoplal kꞌoem spisil te tut ya kaꞌbeytik smajtꞌan te Diose sok spisil smajtꞌan te ya yichꞌ chikꞌel te ba xchikꞌojibal te smajtꞌane —xchi te winike.

San Lucas 5:31

Te Jesuse la sjakꞌtalanbe: —Te machꞌatik lek bujtsꞌan kꞌinal ya yaꞌiyik sok te stibalulike ma puersauk yuꞌunik te jloktore. Jaꞌ nax puersa yuꞌunik jloktor te machꞌatik ayik ta chamele.