San Mateo 9:12 - Nuevo Testamento Tzeltal de Amatenango

¹² Te kꞌalal la yaꞌi te Jesuse, jich a yal: —Te machꞌatik lek ayike sok te machꞌatik bujtsꞌan kꞌinal ya yaꞌiyik sok te stiꞌbalulike, makꞌ xtuun yuꞌunik te jloktore. Jaꞌ nax puersa yuꞌunik jloktor te machꞌatik ayik ta chamele.

Bible in Tzeltal Bachajón

¹² C'alal hich la ya'iy te Jesús, hich la yalbe: Te mach'atic lec ayic, ma xtuhun yu'unic jpoxtaywanej, ha nax te mach'atic ayic ta chamel.

Bible in Tzeltal de Oxchuc y Tenejapa

¹² Te c'alal la yaiy stojol te Jesuse, jich la yal: —Te mach'atic bujts'an q'uinal ya yaiyique, ma xtuun yu'unic te jpoxtaywaneje. Ja' nax ya xtuun yu'unic jpoxtaywanej te mach'atic ayic ta chamele.

San Mateo 9:12 Referans Kwoze

San Lucas 5:31

Te Jesuse la sjakꞌtalanbe: —Te machꞌatik lek bujtsꞌan kꞌinal ya yaꞌiyik sok te stibalulike ma puersauk yuꞌunik te jloktore. Jaꞌ nax puersa yuꞌunik jloktor te machꞌatik ayik ta chamele.

San Lucas 9:11

Te kꞌalal la snaꞌbeyik sluwar te genteetike, jicha stsꞌakliyik bael. Te Jesuse la yikꞌ ta stojol, sok la yalbe yaꞌiyik te tutꞌil ay ta ajwalinel te Diose, sok la slekutes te machꞌatik ayik ta chamele.

San Marcos 2:17

La yaꞌi tsꞌin to te Jesuse, jich la yalbe: —Te machꞌatik lek ayike maꞌyuk nesesidad yuꞌun te jloktore; jaꞌ nax te machꞌatik ayik ta chamele puersa yuꞌun te jloktore. Ma jaꞌuk tal kikꞌ machꞌatik lekike, jaꞌ a tal kikꞌ te jmulawiletike —xchi te Jesuse.

San Lucas 8:43

Te ba yolil te genteetike ay jtul ants te ayix lajchayeb jaꞌbil te ma xbajt te xchamel te ya yile. Spisil a slajinix stutik yuꞌun ta stojel te jpoxtawanejetike, pero ni ma lekub yuꞌun a.

Colosenses 4:14

Xkoltanukex laj me yuꞌun te jLucas, te jloktor te ben kꞌux ta koꞌtane, y sok te jDemase.

San Mateo 18:11

Jich te Nichꞌanile tal skoltay te tutik chꞌayeme.