San Mateo 9:11 - Nuevo Testamento Tzeltal de Amatenango

¹¹ Te kꞌalal la yilik te fariseoetike te jich yipal ta spasele, la sjojkꞌobe te jnopojeletik yuꞌune: —¿Tuꞌun te ya sjoyin ta weꞌel te jkꞌan-tojemaletik sok te jmulawiletik te maestro awuꞌunike? —xchiik.

Bible in Tzeltal Bachajón

¹¹ C'alal hich la yilic te fariseohetic, la sjoc'obeyic te jnopojeletic: ¿Bin yu'un te ya sjoquin ta we'el jc'an-patanetic soc yantic jmulawiletic te Maestro awu'unique? la yutic.

Bible in Tzeltal de Oxchuc y Tenejapa

¹¹ Te c'alal la yilic te fariseoetic te jich yac ta pasele, la sjojc'obeyic te jnopojeletic yu'une: —¿Bistuc te ya sjoin ta we'el jc'an-patanetic soc jmulawiletic te maestro awu'unique? —xiic.

San Mateo 9:11 Referans Kwoze

San Mateo 11:19

Teꞌ nax a tal te Nichꞌanile te ya xweꞌ-xꞌuchꞌae. Jich ya awalik te toj ip xweꞌ-xꞌuchꞌa, sok te ya sjoyin jmulawiletik sok jkꞌan-tojemaletik. Yan te spꞌijil yoꞌtan te Diose jaꞌ ya xchiknaj ta skuenta te tut ya yakꞌ kꞌotuk ta pasele —xchi te Jesuse.

San Lucas 5:30

Pero te fariseoetike sok te maestroetik yuꞌun te mantaliletike lijk yaꞌabiyanik te jnopojeletik yuꞌun te Jesuse. Jich a yalbeyik: —¿Tuꞌun te ya ajoyinik ta weꞌel-uchꞌajel te jkꞌan-tojemaletike sok te jmulawiletike? —xchiik.

San Marcos 2:16

Te maestroetik yuꞌun te mantaliletike te ayik ta skuenta te fariseoetike la yilik te yipal ta weꞌel sok te jkꞌan-tojemaletike y sok te jmulawiletike te Jesuse. La sjokꞌobey te jnopojeletike: —¿Tutꞌil ay te maestro awuꞌunike te ya sjoyin ta weꞌel te jkꞌan-tojemaletike sok te jmulawiletike? —xchiik.

Hebreos 5:2

Te saserdote ya xjuꞌ ya xkꞌuxutay te machꞌatik ma snaꞌik kꞌinal y sok te machꞌatik chꞌayemike, yuꞌun pajal maꞌyuk yip yoꞌtan sok.

Gálatas 2:15

Joꞌotik juriyootik ta kayinabtike, y ma jmulawilukotik, jich tutꞌil te yanetike.

San Lucas 19:7

Kꞌalal la yilik, spisil te genteetike lijk yikꞌtinik te Jesuse. Jich ya yalik: —¿Tuꞌun te ba ochuk ta sna te jmulawile? —xchiik.

2 Juan 1:10

Teme ay machꞌa ya xba yulutayex tal te jaꞌexe y teme ma jaꞌuk yichꞌoj te nojpesel to, ma me awikꞌ ta ana ni ma me apatbe yoꞌtan.

San Mateo 5:46

Jich te jaꞌexe, teme jip nax kꞌux ya awaꞌiyik te machꞌa kꞌux ya yilexe, ¿tut ya ataik tsꞌin a? Asta te jkꞌan-tojemaletik yuꞌun Roma jich ya spasbe sbaik euk.

San Mateo 9:10

Te kꞌalal yipal ta weꞌel ta na te Jesuse sok te jnopojeletik yuꞌune, ay bayal te jkꞌan-tojemaltik sok jmulawiletik tal sjoyinik ta weꞌel te Jesuse sok te jnopojeletik yuꞌune.

Hechos 11:3

La sjojkꞌobeyik: —¿Tuꞌun te ochat ta sna te machꞌatik ma yichꞌojuk sirkunsisione y weꞌat soke? —xyutik.