San Mateo 8:29 - Nuevo Testamento Tzeltal de Amatenango

²⁹ Lijk awunikuk te winketike, jicha yalik: —Jesus, ¿tuꞌun te tal awochintayotike?, jaꞌat te Xnichꞌanat Diose. ¿Me yuꞌun tal awilbajinotik te ma to sta skꞌaalele? —xchiik ta aw.

Bible in Tzeltal Bachajón

²⁹ Hich la yawtayic te Jesús: ¿Bin awochelotcotic a, Jesús Snich'anat Dios? ¿Tal bal awac'otcotic ta wocol te ma to ba stahoj yorahil? xchihic ta aw.

Bible in Tzeltal de Oxchuc y Tenejapa

²⁹ Tulan jajch'ic ta aw te winiquetique. Jich la yalic: —Jesús ¿bistuc tal awochintayotic, ja'at te Snich'anat te Diose? ¿Yu'un bal tal awuts'inotic te ma to sta yoraile? —xiic ta aw.

San Mateo 8:29 Referans Kwoze

San Marcos 1:24

—Jesus Nazaret, ¿tuꞌun te tal awochintayotike? ¿Yuꞌun wan tal amilotik? Ya jnaꞌbeyat aba, jaꞌat te Chꞌul Nichꞌanat te Diose —la yut.

San Lucas 4:34

—Jesus Nazaret, ¿tut yuꞌun tal awochintayotike? ¿Meꞌn tal amilotik? Ya jnaꞌbeyat aba te jaꞌat te Chꞌul Nichꞌanat te Diose —xchi ta aw.

Santiago 2:19

Te jaꞌate ya achꞌuun te ay jtul nax te Diose. Jich mismo a te tutꞌil achꞌuuneje. Pero te pukujetike jich ya xchꞌuunik euk, y ya xmetot ta sik yuꞌun xiꞌel.

San Marcos 5:7

Jich xꞌawet ta yalel: —Jesus, ¿tuꞌun a tal awochintayon?, jaꞌat te Xnichꞌanat te kuxul Dios te ay ta chꞌulchane. Ya kalbeyat wokol sok Dios, ma me xawilbajinon —xchi ta aw.

San Lucas 8:28

Te kꞌalal la yil te Jesuse la skejan sba ta sit, y lijk awunuk: —Jesus, ¿tuꞌun te tal awochintayone? Jaꞌat te Xnichꞌanat te Chꞌul Dios te ay ta chꞌulchane. Awokoluk ma me xꞌawilbajinon —xchi ta aw.

2 Pedro 2:4

Dios maꞌ spasbe perdon te angeletik te mulawike, sino ke chꞌojtalanot ochel ta kastigo. Teꞌ la yakꞌtalan jilel ta ijkꞌal kꞌinal, chukajtik ta kadena y kꞌejtalanbil jilel yuꞌun te tut ora ya sta skꞌaalel te chapele.

San Mateo 4:3

Jaꞌ yuꞌun te pukuje tal yilbe yoꞌtan te Jesuse. Jich a yal: —Teme jich awal te Xnichꞌanat te Diose, albeya i tonetik to te ya xkꞌajtaj ta waje —xchi te pukuje.

San Juan 2:4

Te Jesuse la sjakꞌbe: —Jmeꞌ, ¿tuꞌun te jicha tal awalbone? Yuꞌun ma to sta stiempoal kuꞌun —xchi.

San Lucas 4:41

Sok lokꞌ pukujetik ta yoꞌtanik te machꞌatik ayik ta chamele. Awun te pukujetike: —Jaꞌat Xnichꞌanat te Diose —xchiik ta aw. Pero te Jesuse la skom ta kꞌop te pukujetike, yuꞌun snaꞌojik ta jaꞌ te Cristoe.

Judas 1:6

Y sok te angeletik te ma yakꞌik ta jkuenta te yaꞌtel aꞌbilike, sino ke la sjilesik te sluwarik ba ayike, jmel nax chuktalanbil ta ijkꞌal kꞌinal yuꞌun te tut ora ya sta skꞌaalel te ichꞌel ta jkuenta yuꞌun te Diose.

Hechos 16:17

Te achꞌix to lijk stsꞌakliyotik sok te jPabloe y xꞌawte xꞌawte ta yalel: —Te winketik to, jaꞌ jꞌaꞌteletik yuꞌun te Dios te ay ta chꞌuchane. Jaꞌ ya yalbeyex te tutꞌil ay te sbeelel kolele —xchi ta yalel.

San Marcos 3:11

Jaꞌ tsꞌin te pukujetike, jaꞌ nax te la yilik te Jesuse, la skejan sbaik ta skuenta y awunik. Jich a yalik: —Jaꞌat Xnichꞌanat te Diose —xchiik ta aw.

San Mateo 8:30

Ay bayal chitametik te stsoboj sbaik ta weꞌel te chikan ta ilele.